Doˆ-iˇ 34:1 - Akha

¹ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Kʼaˬ lo teˇ byaꞈ yaw beh kʼoeˇ nyiˬ byaꞈ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˬ. Nawˬ neh laˆ paˆ-euˬ kʼoeˇ nyiˬ byaꞈ kʼoeˇ taˆ boꞈ taˬ-euˬ dawˬ deuˬ, heu nyiˬ byaꞈ kʼoeˇ taˆ ngaˇ paˇ boꞈ ma.

Doˆ-iˇ 34:1 ပူးပေါင်းရင်းမြစ်များ

Jaceuq 119:89

Sahˬpaˬ Miˬyehˇ-oˇ, nawˬ-euˬ dawˬ tiˬ jawˇ-iˬ maˬ byoˆ-iˇ-ehˇ, mˬ maˬ maˬ byaˆ zaˇ ziˇ mˬ kʼoeˇ taˆ jaˆ tehꞈ-a.

Doˆ-iˇ 24:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ jawˬ-ahˇ, ngaˇ jawˇ gaˇ daˆ laˇ-awˬ. Nawˇ heu gaˇ laˇ keuˆ-awˇ jawˇ ngeh, Iˇsaˬleˬlaˆ tsawˇ haˬ-ahˇ mehˬ nehˬ tsoˆ nehˬ-eu gʼaˇ duˬ, ngaˬ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ nawˬ-ahˇ ngaˇ biꞈ ma.”

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 32:16

Kʼaˬ lo teˇ byaꞈ kʼoeˇ Miˬyehˇ neh jahˇ-awˇ, zahˇ dawˬ kʼoꞈ dawˬ kʼoeˇ deuˬ kʼawꞈ, Miˬyehˇ neh toeˬ boꞈ taˬ-euˬ meh.

Doˆ-iˇ 32:19

Iˇsaˬleˬlaˆ tsawˇ haˬ deuˬ-euˬ jawˇ duˬ dawˬ peh Moˇseˬ zaꞈ ka keuˆ-iˇ-awˇ, mawˇ neˇ mawˇ kawˇ hawˇ-eu tsawˇ haˬ kʼoeˇ deuˬ gaˇ nyeh nyeh luꞈ gaˇ ya mawˇ ngeh, nui ma pehˇ dui dui-euˬ meh. Kʼoeˇ gaˇ, gawˬ jawˬ dawˬ dahˬ-ahˇ, aˬ yawꞈ baꞈ luꞈ-eu kʼaˬ lo teˇ byaꞈ baꞈ dzeh ka gʼeh-awˇ, bi paˆ-iˇ-euˬ meh.

Doˆ-iˇ 34:28

Oeˬ tseˇ nah oeˬ tseˇ miˇ keuˆ ni, Moˇseˬ tiˬ jeˬ-iˬ maˬ dzaˬ maˬ dawˇ ni, Sahˬpaˬ Miˬyehˇ nehˬ-ehˇ kʼoeˇ gaˇ jawˇ-euˬ meh. Dawˬ ma saˇ jaˇ dawˬ deuˬ pyeuꞈ-eu zahˇ dawˬ kʼoꞈ dawˬ tseˇ dawˬ-ahˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.

Doˆ-iˇ 34:4

Sahˬpaˬ Miˬyehˇ neh dawˬ biꞈ-euˬ loꞈ-ehˇ, kʼaˬ lo teˇ byaꞈ nyiˬ byaꞈ Moˇseˬ taꞈ-awˇ, yawˬ nah yawˬ uˬ shawˬ yaw naꞈ-ehˇ, kʼaˬ lo teˇ byaꞈ kʼoeˇ nyiˬ byaꞈ baꞈ-awˇ, Siˇnaˆ gawˬ jawˬ-ahˇ daˆ leˇ-euˬ meh.

Yeˬlaˬmiˇ 36:32

Kʼoeˇ naˇ, ngaˬ neh ehˇ-euˬ dawˬ boꞈ doˆ-eu gʼaˬ pyeuꞈ-eu Baˬluˆ-ahˇ shaˬ kʼoˆ paˇ yoˆ tiˬ yoˆ ngaˇ paˇ biꞈ nehˬ-awˇ, ngaˬ neh gui ka kʼaˇ ka nehˬ-euˬ loꞈ-ehˇ aˬ yawꞈ boꞈ ahˇ-euˬ meh. Yaw beh sahˬ paˬ Yeˬhawˇyaˬkmˬ neh miˬ dzaˬ-ahˇ dawˆ puiˆ-euˬ shaˬ kʼoˆ paˇ yoˆ-ahˇ ahˇ-eu dawˬ kʼoeˇ deuˬ dawˬ tawˆ luꞈ boꞈ ahˇ-euˬ uˬ taꞈ, kʼoeˇ gaˇ duˇ-eu dawˬ yaw shuiꞈ deuˬ kʼawꞈ, ngaˬ neh gui ka ka nehˬ-awˇ paˇ bi boꞈ lahˬ-euˬ ma.

Dawˬmehˬ 4:13

Naw maꞈ bi caw teh-eu gʼaˇ duˬ, aˬ yawꞈ-euˬ dawˬ ma saˇ jaˇ pyeuꞈ-eu Zahˇ dawˬ kʼoꞈ dawˬ Tseˇ dawˬ aˬ yawꞈ ehˇ mehˬ nehˬ-awˇ, kʼaˬ lo teˇ byaꞈ kʼoeˇ taˆ aˬ yawꞈ boꞈ-euˬ meh.