Doˆ-iˇ 33:4 - Akha

⁴ Kʼoeˇ loꞈ-ehˇ ehˇ gaˇ Iˇsaˬleˬlaˆ tsawˇ haˬ deuˬ ya gaˬ ngeh, tsawˇ ngoeˇ ngoeˇ-awˇ, aˇ poeˬ kʼaˆ-eu myawˬ guˇ deuˬ maˬ paˇ geuꞈ ni byehˇ dzeh-euˬ meh.

Doˆ-iˇ 33:4 ပူးပေါင်းရင်းမြစ်များ

2 Saˬmeuˬlaˆ 19:24

Kʼoeˇ naˇ, Sawˇluˆ-euˬ oeˬ paˬ Meˬpiˇbawˇshehˆ gʼaˬ, Daˬbiˇ-ahˇ tahˬ puˬ le-eu lehˇ oe-euˬ meh. sahˬ paˬ doˆ-iˇ ngeh tiˬ nah neh, laˬ kʼaˬ tiˬ cehˇ paˇ gʼoꞈ keuˆ laˇ ngeh tiˬ nah keuˆ ni, aˬ yawꞈ aˬ kuiˇ maˬ dzuiꞈ, mehˬ mahˬ maˬ jehˆ-ehˇ, mehˬ tsoeˬ kʼawꞈ maˬ lehˬ tsiˬ dm ni jawˇ-euˬ meh.

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

2 Sahˬpaˬ 19:1

Gaˇ kawˆ kʼoeˇ sahˬ paˬ Heˬsaˬgiˇ ya gaˬ ngeh, noeˬ shaˬ-eu laꞈ kʼoeˇ aˬ yawꞈ dm luꞈ-eu mehˬ tsoeˬ cehˬ pyaˬ-awˇ, guˬ daˇ pehˇ zeuˇ mehˬ tsoeˬ dm paˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ le-euˬ meh.

Eˇzaˬlaˬ 9:3

Gaˇ kawˆ kʼoeˇ ngaˇ ya gaˬ ngeh, nui ma cawˆ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, uˬ duˬ tsehˇ kahˇ hawˇ-eu mehˬ mahˬ gʼawˇ doˆ-awˇ dzuˇ-euˬ ma.

Yawˇbaˆ 1:20

Kʼoeˇ ngeh, Yawˇbaˆ tsawˬ tuˇ laˇ-awˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-euˬ meh. Aˬ yawꞈ uˬ jehˆ jehˆ dzeh-awˇ, miˇ tsaˬ-ahˇ moꞈ tsahˬ-ehˇ yuꞈ-euˬ meh.

Yawˇbaˆ 2:12

Aˬ yawꞈ maꞈ maˬ iˇ keuˆ mi naˆ-ehˇ, ui cuiˆ gaˇ mahˇ kaˬ ngeh neh Yawˇbaˆ-ahˇ ya mawˇ-euˬ kʼawꞈ, maˬ haw siˬ nya-a. Yawˇbaˆ-ahˇ haw siˬ ngeh jawˇ, noeˬ shaˬ dui dui-eu laꞈ kʼoeˇ mehˬ tsoeˬ cehˬ pyaˬ-awˇ, kʼoeˇ taˆ paw kʼaˬ lehˇ byaˆ byaˆ-ehˇ yawˬ ha-euˬ uˬ duˬ-ahˇ byaˆ daˆ-awˇ, guˇ guˇ-ehˇ ngoeˇ-euˬ meh.

Doˆ-iˇ 33:6

Kʼoeˇ miˇ neh, Siˇnaˆ gawˬ jawˬ-ahˇ neh aˬ yawꞈ maꞈ doˆ-iˇ ngeh tiˬ nah neh, aˇ poeˬ kʼaˆ-eu myawˬ guˇ deuˬ aˬ yawꞈ maꞈ maˬ paˇ geuꞈ luꞈ meh.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Yeˬsaˬgeˬlaˇ 24:17

Nawˇ ngoeˇ-eu teˇ saˇ ngaˬ-ahˇ taˬ bi gaˬ laˇ. Nawˇ shaˬ zahˬ mˇ-eu bi siˬ bi mawˇ-eu gʼaˇ duˬ, uˬ jehˆ jehˆ-awˇ sehˬ nawˆ maˬ nawˬ-ehˇ taˬ cah haw. Nawˬ-euˬ myaˆ pyawˬ taˬ dehˬ kaˬ. Tsawˇ ngoeˇ ngoeˇ-eu deuˬ dzaˬ-eu dzaˇ taˬ dzaˬ.”

Yeˬsaˬgeˬlaˇ 24:23

Naw maꞈ uˬ jehˆ maˬ jehˆ dzeh-ehˇ, sehˬ nawˆ lehˆ-awˇ maˬ cah-eu uˬ taꞈ, tsawˇ ngoeˇ maˬ ngoeˇ ni jawˇ tehꞈ-a. Naw maꞈ-euˬ iˬ baˇ baˬ da neh naw maꞈ liˬ-iˇ koˆ-iˇ-awˇ, tiˬ gʼaˬ tiˇ gʼaˬ mahˇ cawˬ mahˇ cawˬ-ehˇ ya jawˇ tehꞈ-a.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Uˬ duˬ 10:6

Aˬloˬ hawˇ-eu aˬ yawꞈ-euˬ aˬ li Eˇlaˬzaˬ hawˇ-eu Iˇdaˬmaˬ-ahˇ Moˇseˬ ehˇ nehˬ-eu, “Naw maꞈ noeˬ shaˬ-eu laꞈ kʼoeˇ tsawˇ ngoeˇ ngoeˇ luꞈ-eu gaˇ kawˆ bi siˬ bi mawˇ-eu gʼaˇ duˬ, uˬ duˬ tsehˇ kahˇ maˬ kaˆ juˇ ni jawˇ-eu maˬ ehˇ, mehˬ tsoeˬ cehˬ pyaˬ-eu maˬ ehˇ, taˬ jahˇ. Kʼoeˇ loꞈ-ehˇ jahˇ naˇ, naw maꞈ ya shiˇ-awˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ tehꞈ-a. Ehˇ kʼawꞈ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh pyehˬ gʼeh leꞈ-euˬ miˬ dzaˬ baˬ da neh ya shiˇ-euˬ jeˬ gʼaˇ duˬ, tsawˇ ngoeˇ ngoeˇ nehˬ nya tehꞈ-a.

Yawˇnaˆ 3:6

Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

Zaˬkaˬliˇ 7:5

“Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a.

Bawˇtsahˬ 14:1

Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, uˬ ciꞈ miˇ lah-ehˇ guˇ guˇ-ehˇ ngoeˇ-euˬ meh.

Bawˇtsahˬ 14:39

Sahˬpaˬ Miˬyehˇ neh ehˇ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ nehˬ ngeh, aˬ yawꞈ maꞈ tsawˇ ngoeˇ ngoeˇ dui dui-euˬ meh.

1 Saˬmeuˬlaˆ 6:19

Behˬsheˬmehˇ meuˬ-ahˇ jawˇ-eu tsawˇ haˬ shiꞈ tseˇ gʼaˬ-ahˇ Sahˬpaˬ Miˬyehˇ sehꞈ-euˬ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ-euˬ laꞈ kʼoeˇ paw aˬ yawꞈ maꞈ cu hu-euˬ meh. Aˬ yawꞈ maꞈ-euˬ tsawˇ haˬ kʼoeˇ myaˆ ni Sahˬpaˬ Miˬyehˇ neh bi sehꞈ-euˬ miˇ neh, aˬ yawꞈ maꞈ tsawˇ ngoeˇ ngoeˇ-euˬ meh.