Doˆ-iˇ 33:12 - Akha

¹² Sahˬpaˬ Miˬyehˇ-ahˇ Moˇseˬ ehˇ nehˬ-eu, “Tsawˇ haˬ heu deuˬ-ahˇ miˇ kʼahˬ kʼoeˇ kʼahˬ-ahˇ sheuˬ gʼeh-awˬ lehˇ, nawˇ ngaˬ-ahˇ kʼehˇ-eu meh. Ehˇ kʼawꞈ, ngaˬ nehˬ-ehˇ aˬ suˇ gʼaˬ bi le-eu gaˇ kawˆ nawˇ maˬ ehˇ-a. Nawˇ ngaˬ-ahˇ yaw muiˬ paˬ-ehˇ siˬ nya-awˇ, nui ma tsaˬ-eu ma lehˇ ehˇ taˬ-euˬ meh.

Doˆ-iˇ 33:12 ပူးပေါင်းရင်းမြစ်များ

Doˆ-iˇ 33:17

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ ngaˬ-ahˇ kʼaˇ shaˇ-eu loꞈ-ehˇ ngaˇ mˇ ma. Aˬ jeˬ miˇ neh ehˇ naˇ, nawˬ-ahˇ ngaˇ yaw muiˬ paˬ-ehˇ siˬ nya-awˇ, nui ma tsaˬ-eu ma.”

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

Doˆ-iˇ 33:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ hawˇ-eu nawˬ neh Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ tsawˇ haˬ deuˬ, jawˇ duˬ heu tsahˇ-ahˇ neh doˆ-iˇ-awˇ, Aˬbyaˬhaˬ, Iˇtsaˆ, Yaˬkoˆ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼah kʼoeˇ kʼahˬ-ahˇ le-awˬ.

Doˆ-iˇ 3:10

Nawˇ ngaˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh nehˬ nya-eu gʼaˇ duˬ, nymˬ-mˇ ngaˇ nawˬ-ahˇ Iˇjiˇtuˆ sahˬ paˬ jawˇ gaˇ kʼehˇ gʼeh-eu ma.”

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Iˇsaˬyaˇ 45:3

Yaw zahˇ laꞈ kʼoeˇ beuˬ zaꞈ taˬ-euˬ pyuˇ shuiˇ myawˬ gahˬ, nawˬ-ahˇ ngaˇ biꞈ nehˬ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ siˬ-awˇ, Iˇsaˬleˬlaˆ Miˬyehˇ nawˬ-ahˇ tsawˇ myahˇ kuˇ-awˇ tseˇ doˆ nehˬ laꞈ-euˬ nawˇ ya siˬ duˬ tehꞈ-a.

Haˬgaiˇ 2:5

Iˇjiˇtuˆ miˇ kʼahˬ laꞈ kʼoeˇ naw maꞈ doˆ laˇ ngeh neh, naw maꞈ nehˬ-ehˇ aˬ myah luꞈ ngaˇ jawˇ ma lehˇ saˇ jaˇ dzaˬ taˬ-euˬ ma. Iˬ nah keuˆ ni naw maꞈ nehˬ-ehˇ ngaˇ jawˇ luꞈ ma. Teu miˇ neh taˬ guˆ.

Doˆ-iˇ 3:4

Moˇseˬ dawˬ peh laˇ peh luꞈ gaˇ Sahˬpaˬ Miˬyehˇ ya mawˇ ngeh, baw duˆ kʼoeˇ duˆ-euˬ gʼahˇ ceh jawˇ-awˇ, “Moˇseˬ-oˇ, Moˇseˬ-oˇ” lehˇ kuˇ-euˬ meh. Moˇseˬ gʼeh, “Ngaˇ heu gaˇ jawˇ ma” lehˇ oˬ toˬ kʼoꞈ nehˬ-euˬ meh.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

2 Saˬmeuˬlaˆ 15:25

Zaˬdoˆ-ahˇ sahˬ paˬ ehˇ nehˬ-eu, “Dawˬ ma saˇ jaˇ Bahˬ keuˆ-ahˇ meuˬ-ahˇ baꞈ kʼoꞈ gʼeh-awˬ. Sahˬpaˬ Miˬyehˇ ngaˬ-ahˇ nui ma tsaˬ lawˬ naˇ, aˬ kaˇ tiˬ nah aˬ yawꞈ ngaˬ-ahˇ paˇ bi gʼoꞈ laˇ laꞈ-awˇ, Bahˬ keuˆ heu hawˇ-eu Bahˬ keuˆ jaˆ-eu jawˇ duˬ-ahˇ paˇ bi mawˇ laꞈ tehꞈ-a.