Doˆ-iˇ 32:21 - Akha

²¹ Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Doˆ-iˇ 32:21 ပူးပေါင်းရင်းမြစ်များ

Aˇ dahˬ 20:9

Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Aˇ dahˬ 26:10

“Aˬ jeˬ miˇ neh nga maꞈ-ahˇ nawˇ teu loꞈ-ehˇ jahˇ nehˬ laꞈ te. Ngaˬ-euˬ tsawˇ haˬ tiˬ gʼaˬ na, maˬ yehꞈ maˬ caˇ-ehˇ nawˬ-euˬ miˬ zaˬ nehˬ-ehˇ joe naˇ, nga maꞈ kʼoeˇ taˆ iˬ baˇ jaˆ laˇ ni nawˇ mˇ gaˇ duˇ-eu maˬ ngeuˇ nga loˇ” lehˇ, Iˇtsaˆ-ahˇ Aˬbiˇmaˬlehˆ ehˇ nehˬ-euˬ meh.

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

1 Sahˬpaˬ 21:22

Nawˬ-euˬ nymˇ jiˇ-aˬ, Neˬbaˇ-euˬ aˬ li sahˬ paˬ Yeˬyawˇbamˬ-euˬ nymˇ jiˇ loꞈ-ehˇ maˬ ehˇ, Aˬhiˇyaˬ-euˬ aˬ li sahˬ paˬ Bawˬshaˬ-euˬ nymˇ jiˇ loꞈ-ehˇ maˬ ehˇ, ya pyeuꞈ-iˇ gaˇ keuˆ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ iˬ baˇ mˇ ni nawˬ neh sheuˬ gʼeh nehˬ-euˬ laꞈ kʼoeˇ, ngaˇ nui ma maˬ saˇ-eu jeˬ-ahˇ nawˇ mˇ-euˬ meh.

Doˆ-iˇ 32:20

Aˬ yawꞈ maꞈ neh jahˇ taˬ-euˬ mawˇ neˇ mawˇ kawˇ kʼoeˇ aˬ yawꞈ yuˇ-awˇ, miˬ dzaˬ-ahˇ puiˆ guiˇ-euˬ meh. Kʼoeˇ naˇ, lehˬ meuˇ lehˬ loeˇ jiˇ-awˇ, iˇ cuꞈ laꞈ kʼoeˇ byaˆ ahˇ-awˇ, Iˇsaˬleˬlaˆ tsawˇ haˬ deuˬ-ahˇ, iˇ cuꞈ kʼoeˇ bi dawˇ-euˬ meh.

Doˆ-iˇ 32:22

Aˬloˬ ehˇ-eu, “Ngaˬ-euˬ kʼoeˇ taˆ iˬ baˇ taˬ taˬ. Tsawˇ haˬ heu deuˬ maˬ muiˬ maˬ jaˬ-eu jeˬ aˇ naˆ ni mˇ mawꞈ-eu nawˇ siˬ nya-eu meh.

1 Saˬmeuˬlaˆ 15:14

Saˬmeuˬlaˆ ehˇ-eu, “Toˆ-ehˇ maˇ-iˬ, mawˇ neˇ hawˇ-eu yawˇ deuˬ mahˇ luꞈ-eu teˇ saˇ ngaˬ-ahˇ gaˬ laˇ-eu teu aˬ jeˬ-a.”

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.