Doˆ-iˇ 32:17 - Akha

¹⁷ Iˇsaˬleˬlaˆ tsawˇ haˬ deuˬ lawꞈ gʼa luꞈ-eu teˇ saˇ-ahˇ Yawˇshuˆ ya gaˬ ngeh, “Iˇsaˬleˬlaˆ tsawˇ haˬ-euˬ jawˇ duˬ-ahˇ, guiˇ deuˆ luꞈ-eu teˇ saˇ ngaˬ-ahˇ gaˬ laˇ nya” lehˇ, Moˇseˬ-ahˇ ehˇ nehˬ-euˬ meh.

Doˆ-iˇ 32:17 ပူးပေါင်းရင်းမြစ်များ

1 Laˬsaˬbaˬ 7:27

Nuˬ, Yawˇshuˆ lehˇ meh.

Yawˇbaˆ 39:25

Daˇ heh teˇ saˇ aˬ yawꞈ teˇ yawꞈ kʼaˇ mahˇ laˇ ngeh aˬ yawꞈ maꞈ naˇ mehˇ baw-eu meh. Guiˇ deuˆ duˬ maˬ keuˆ le mi naˆ-ehˇ guiˇ-euˬ yaw saꞈ aˬ yawꞈ maꞈ siˬ nya-awˇ, guiˇ maꞈ-ahˇ uˆ lahˇ-eu yaw huiˬ yaw mahˇ deuˬ dawˬ biꞈ-awˇ guˇ gaˇ aˬ yawꞈ maꞈ gaˬ nya-eu meh.

Jaceuq 47:1

Tsawˇ jeuˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ laꞈ kʼawˆ tehˆ-awˬ. Yaw kʼaˆ-ehˇ guˇ-eu laꞈ kʼoeˇ caˇ dawˬ caˇ-awˇ, Miˬyehˇ-ahˇ ja ceuˬ-awˬ.

Doˆ-iˇ 17:9

Yawˇshuˆ-ahˇ Moˇseˬ ehˇ nehˬ-eu, “Ni shawˬ nah Aˬmaˬlehˇ tsawˇ haˬ deuˬ-ahˇ guiˇ deuˆ leˇ-eu gʼaˇ duˬ, tsawˇ haˬ tseˇ doˆ-awˬ. Sahˬpaˬ Miˬyehˇ neh ngaˬ-ahˇ bi yuˇ laꞈ-euˬ gawˬ yoeˬ kʼoeˇ hmˬ ngaˇ yuˇ-awˇ, gawˬ jawˬ uˬ du yawꞈ ma.”

Doˆ-iˇ 24:13

Moˇseˬ hawˇ-eu aˬ yawꞈ-euˬ gʼaˬ zaˬ Yawˇshuˆ aˬ nyaꞈ lehˬ hmˬ-awˇ, muiˬ-eu shawˇ-eu gawˬ jawˬ-ahˇ Moˇseˬ daˆ leˇ-euˬ meh.

Doˆ-iˇ 32:16

Kʼaˬ lo teˇ byaꞈ kʼoeˇ Miˬyehˇ neh jahˇ-awˇ, zahˇ dawˬ kʼoꞈ dawˬ kʼoeˇ deuˬ kʼawꞈ, Miˬyehˇ neh toeˬ boꞈ taˬ-euˬ meh.

Doˆ-iˇ 32:18

Moˇseˬ ehˇ-eu, “Teˇ saˇ kʼoeˇ-aˬ, guiˇ deuˆ-eu gʼaˬ leˇ-euˬ miˇ neh guˇ-eu teˇ saˇ-ahˇ maˬ duˇ nya. Guiˇ deuˆ-eu maˬ gʼaˬ leˇ-euˬ miˇ neh guˇ-eu teˇ saˇ-ahˇ kʼawꞈ maˬ duˇ nya. Kʼoeˇ-aˬ, caˇ dawˬ caˇ-eu teˇ saˇ miˇ-a.”

Doˆ-iˇ 32:6

Yawˬ nah yawˬ uˬ shawˬ yaw naꞈ-ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ deuˬ maˬ ehˇ, aˬ yawꞈ maꞈ yuˇ laꞈ-euˬ meh. Aˬ yawꞈ maꞈ bawˬ-iˬ gʼeh ngeh, dzaˬ yehꞈ dawˇ yehꞈ-awˇ lawꞈ gʼa-eu uˬ taꞈ, kʼaˬ miˬ sheu taꞈ-euˬ meh.

Yeˬlaˬmiˇ 51:14

Sahˬpaˬ Miˬyehˇ neh heu loꞈ-ehˇ kamˬ tsehˆ taˬ-euˬ jaˆ meh. Baˬbuˇloˬ miˇ kʼahˬ-ahˇ nyehˇ bahˇ baˬ maꞈ loꞈ-ehˇ tsawˇ haˬ gʼawˬ mya ni guiˇ bi deuˆ le-awˇ, aˬ yawꞈ maꞈ guiˇ deuˆ gʼaˬ-awˇ guˇ-eu teˇ saˇ ya gaˬ tehꞈ-a.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Aˬmoˆ 2:2

Mawˇbaˆ miˇ kʼahˬ-ahˇ ngaˇ miˬ dzaˬ pyehˬ gʼeh leꞈ-awˇ, Kiˇliˇyoˆ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma. Yehˇ deuˬ guˇ guˇ-ehˇ daˇ heh baw-awˇ guiˇ deuˆ lawꞈ taˬ-euˬ yaw kaˬ-ahˇ, Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ ya shiˇ tehꞈ-a.

Yawˇshuˆ 6:10

Ehˇ kʼawꞈ, aˬ yawꞈ dawˬ maˬ biꞈ kʼoeˇ keuˆ ni, guˇ-eu maˬ ehˇ, dawˬ ngehˬ cawˬ-eu maˬ ehˇ, maˬ ya gʼeh-a lehˇ aˬ yawꞈ-euˬ tsawˇ haˬ deuˬ-ahˇ Yawˇshuˆ ehˇ nehˬ taˬ-euˬ meh.

Yawˇshuˆ 6:16

Shiꞈ jawˬ tiˬ jawˬ keuˆ laˇ-awˇ, piˇ ma deuˬ daˇ heh baw-eu lehˇ gʼeh ngeh, aˬ yawꞈ-euˬ tsawˇ haˬ deuˬ-ahˇ “Guˇ-awˬ” lehˇ Yawˇshuˆ dawˬ biꞈ nehˬ-awˇ, heu loꞈ-ehˇ ehˇ nehˬ-euˬ meh. “Meuˬ heu meuˬ Sahˬpaˬ Miˬyehˇ naw maꞈ-ahˇ biꞈ gʼaˬ-euˬ meh.

Yawˇshuˆ 6:20

Kʼoeˇ naˇ, piˇ ma deuˬ daˇ heh baw-euˬ meh. Daˇ heh teˇ saˇ ya gaˬ-eu nehˬ-ehˇ, tsawˇ haˬ kʼoeˇ deuˬ guˇ kʼaˆ leꞈ-awˇ, meuˬ meuˬ lahˇ byaˆ-iˇ-euˬ meh. Kʼoeˇ ngeh, guiˇ maꞈ maꞈ lah ni, yawˬ ha mehˬ shi tiˬ dawˇ gawˬ duˇ-ahˇ daˆ leˇ-awˇ, meuˬ-ahˇ uˇ leˇ-euˬ meh.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Yaˇ kʼaˬ daˇ 15:14

Leˬhiˇ meuˬ-ahˇ aˬ yawꞈ iˇ keuˆ ngeh, Piˇliˇtiˆ tsawˇ haˬ deuˬ guˇ guˇ-ehˇ aˬ yawꞈ jawˇ gaˇ cehˆ gʼeh leꞈ-euˬ meh. Ja pyuˬ ni, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ bi kʼaˆ laˇ-awˇ, saˬ kahˇ-ahˇ miˬ dzaˬ puiˆ tsehˆ-eu loꞈ-ehˇ, aˬ yawꞈ-euˬ aˬ laꞈ-ahˇ paꞈ taˬ-euˬ aˇ caˆ-ahˇ aˬ yawꞈ behˇ tsehˆ-euˬ meh.

1 Saˬmeuˬlaˆ 17:20

Yawˬ nah yawˬ uˬ shawˬ yaw naꞈ-ehˇ Daˬbiˇ tuˇ-awˇ, yawˇ kʼoeˇ deuˬ-ahˇ yawˬ gʼaˬ yawˬ bi haw tawˬ yaꞈ-awˇ, Yeˬshehˇ neh aˬ yawꞈ-ahˇ ehˇ nehˬ-euˬ loꞈ-ehˇ, dzaˬ dzaˬ dawˇ dawˇ kʼoeˇ deuˬ yuˇ-awˇ le-euˬ meh. Aˬ yawꞈ taˆ-ahˇ le keuˆ-eu nehˬ-ehˇ, Iˇsaˬleˬlaˆ tsawˇ haˬ deuˬ guˇ guˇ-ehˇ guiˇ deuˆ duˬ-ahˇ le luꞈ gaˇ ya mawˇ-euˬ meh.

1 Saˬmeuˬlaˆ 17:52

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ guˇ guˇ-ehˇ aˬ yawꞈ maꞈ mehˬ nah teh-awˇ, Gaˬdaˇ meuˬ-ahˇ iˇ-eu gaˇ ma hawˇ-eu Eˇkaˬloˬ meuˬ-euˬ lahˇ kʼehˬ-ahˇ keuˆ ni teh keuˆ-euˬ meh. Shaˬleˬ meuˬ-ahˇ iˇ-eu gaˇ ma tiˬ kahˇ law caw-ehˇ, Gaˬdaˇ meuˬ hawˇ-eu Eˇkaˬloˬ meuˬ-ahˇ keuˆ ni, deuˆ naˇ taˬ-euˬ Piˇliˇtiˆ tsawˇ haˬ deuˬ ga-eu meh.