Doˆ-iˇ 32:16 - Akha

¹⁶ Kʼaˬ lo teˇ byaꞈ kʼoeˇ Miˬyehˇ neh jahˇ-awˇ, zahˇ dawˬ kʼoꞈ dawˬ kʼoeˇ deuˬ kʼawꞈ, Miˬyehˇ neh toeˬ boꞈ taˬ-euˬ meh.

Doˆ-iˇ 32:16 ပူးပေါင်းရင်းမြစ်များ

Yawˇbaˆ 19:24

Maˬ ngeuˇ naˇ dawˬ heu deuˬ miˇ tsaˬ kʼoeˇ taˆ maˬ ya byoˆ-iˇ ni, kʼaˬ lo kʼoeˇ taˆ taꞈ boꞈ taˬ law nmˇ-aˬ gʼaˬ tehꞈ-a.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 32:15

Nyiˬ paw paˆ luꞈ zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ-ahˇ Moˇseˬ baꞈ-awˇ, gawˬ jawˬ laꞈ oˆ zaꞈ ka-iˇ-euˬ meh.

Doˆ-iˇ 32:17

Iˇsaˬleˬlaˆ tsawˇ haˬ deuˬ lawꞈ gʼa luꞈ-eu teˇ saˇ-ahˇ Yawˇshuˆ ya gaˬ ngeh, “Iˇsaˬleˬlaˆ tsawˇ haˬ-euˬ jawˇ duˬ-ahˇ, guiˇ deuˆ luꞈ-eu teˇ saˇ ngaˬ-ahˇ gaˬ laˇ nya” lehˇ, Moˇseˬ-ahˇ ehˇ nehˬ-euˬ meh.

Doˆ-iˇ 34:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Kʼaˬ lo teˇ byaꞈ yaw beh kʼoeˇ nyiˬ byaꞈ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˬ. Nawˬ neh laˆ paˆ-euˬ kʼoeˇ nyiˬ byaꞈ kʼoeˇ taˆ boꞈ taˬ-euˬ dawˬ deuˬ, heu nyiˬ byaꞈ kʼoeˇ taˆ ngaˇ paˇ boꞈ ma.

Doˆ-iˇ 34:4

Sahˬpaˬ Miˬyehˇ neh dawˬ biꞈ-euˬ loꞈ-ehˇ, kʼaˬ lo teˇ byaꞈ nyiˬ byaꞈ Moˇseˬ taꞈ-awˇ, yawˬ nah yawˬ uˬ shawˬ yaw naꞈ-ehˇ, kʼaˬ lo teˇ byaꞈ kʼoeˇ nyiˬ byaꞈ baꞈ-awˇ, Siˇnaˆ gawˬ jawˬ-ahˇ daˆ leˇ-euˬ meh.

2 Gawˇliˬtu 3:3

Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

2 Gawˇliˬtu 3:7

Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

Dawˬmehˬ 10:1

“Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. ‘Yaw beh poˆ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˇ, kʼaˬ lo teˇ byaꞈ kʼoeˇ dawˆ ahˇ-eu gʼaˇ duˬ daˇ kawˬ bahˬ keuˆ tiˬ keuˆ taꞈ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ.

Dawˬmehˬ 9:15

“Kʼoeˇ naˇ, dawˬ ma saˇ jaˇ boꞈ taˬ-euˬ kʼaˬ lo teˇ byaꞈ kʼoeˇ nyiˬ byaꞈ baꞈ-awˇ, gawˬ jawˬ dawˬ dahˬ-ahˇ ngaˇ gʼoꞈ ka le-euˬ ma.

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.