Doˆ-iˇ 31:7 - Akha

⁷ Ngaˇ jawˇ-eu Sehˬ gʼawˆ maˬ ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ maˬ ehˇ,

Doˆ-iˇ 31:7 ပူးပေါင်းရင်းမြစ်များ

Doˆ-iˇ 36:8

Gaˇ mˇ-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ laꞈ myawˬ laꞈ sawˆ nya dzehˬ-eu deuˬ, Sahˬpaˬ Miˬyehˇ jawˇ-eu sehˬ gʼawˆ tsoˆ-euˬ meh. Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ saˬ paˇ tseˇ dzeh yuˇ-awˇ tsoˆ-euˬ meh.

Doˆ-iˇ 37:1

Baˬzeˬlaˇ-aˬ, aˬ kaˬ shaˇ daˇ kawˬ yuˇ-awˇ, yaw mahˇ paw nyiˬ caˆ tiˬ toˇ, yaw jeˇ paw tiˬ caˆ tiˬ toˇ, yaw goˇ paw tiˬ caˆ tiˬ toˇ byah-eu Dawˬ ma saˇ jaˇ Bahˬ keuˆ taꞈ-euˬ meh.

Doˆ-iˇ 37:6

Maˇ jawˆ ni gʼeh-eu shuiˇ yuˇ-awˇ, yaw mahˇ paw nyiˬ caˆ tiˬ toˇ, yaw jeˇ paw tiˬ caˆ tiˬ toˇ byah-eu bahˬ keuˆ kʼmˬ pymˬ tiˬ hmˬ aˬ yawꞈ jahˇ-euˬ meh.

Doˆ-iˇ 39:32

Aˇ saˬ saˬ laˇ ngeh, Sahˬpaˬ Miˬyehˇ jawˇ-eu sehˬ gʼawˆ-ahˇ taꞈ leˇ-eu gaˇ dawˬ tawˆ luꞈ mˇ gʼaˬ jiˇ-euˬ meh. Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ mˇ-euˬ meh.

Doˆ-iˇ 40:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.