Doˆ-iˇ 31:2 - Akha

² “Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ ngaˇ tseˇ doˆ gʼaˬ-euˬ ma.

Doˆ-iˇ 31:2 ပူးပေါင်းရင်းမြစ်များ

1 Sahˬpaˬ 7:14

Shiˇ dzeuˇ-euˬ aˬ yawꞈ-euˬ aˬ da gʼaˬ kʼawꞈ, Duˇlu meuˬ-ahˇ guiˬ shuiˇ tehˆ-euˬ ba jiˬ meh. Aˬ yawꞈ-euˬ aˬ ma-aˬ, Naˬtaˬliˇ tsawˇ jeuˬ pyeuꞈ-eu meh. Huˇlamˬ-aˬ, tsawˇ gahˇ ahˇ-awˇ, nya dui dui-eu ba jiˬ pyeuꞈ-eu meh. Guiˬ shuiˇ tehˆ gaˇ aˬ yuiꞈ geuꞈ-awˇ haw-eu pyaˆ-eu gʼaˇ duˬ sahˬ paˬ Sawˇlaˬmoˬ aˬ yawꞈ-ahˇ kuˇ ngeh, aˬ yawꞈ laˬ kʼaˬ tiˬ cehˇ laˇ-euˬ meh.

2 Laˬsaˬbaˬ 1:5

Huˇyaˆ-euˬ aˬ li Uˇliˆ-euˬ aˬ li Baˬzeˬlaˇ neh guiˬ shuiˇ yuˇ-awˇ tehˆ-euˬ lawˇ duˬ kʼoeˇ hmˬ kʼawꞈ, Giˇbyoˬ meuˬ-ahˇ, Sahˬpaˬ Miˬyehˇ jawˇ-eu Sehˬ gʼawˆ mehˬ shi jaˆ luꞈ-eu meh. Sahˬ paˬ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ kʼoeˇ gaˇ uˬ duˬ tahˬ-euˬ meh.

Doˆ-iˇ 17:10

Moˇseˬ, Aˬloˬ hawˇ-eu, Huˇyaˆ aˬ ha smˇ gʼaˬ gawˬ jawˬ uˬ du daˆ leˇ luꞈ ngeh, Yawˇshuˆ-aˬ, Moˇseˬ neh aˬ yawꞈ-ahˇ ehˇ nehˬ taˬ-euˬ loꞈ-ehˇ mˇ-awˇ, Aˬmaˬlehˇ tsawˇ haˬ-ahˇ guiˇ deuˆ leˇ-eu lehˇ, doˆ leˇ-euˬ meh.

Doˆ-iˇ 33:12

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Tsawˇ haˬ heu deuˬ-ahˇ miˇ kʼahˬ kʼoeˇ kʼahˬ-ahˇ sheuˬ gʼeh-awˬ lehˇ, nawˇ ngaˬ-ahˇ kʼehˇ-eu meh. Ehˇ kʼawꞈ, ngaˬ nehˬ-ehˇ aˬ suˇ gʼaˬ bi le-eu gaˇ kawˆ nawˇ maˬ ehˇ-a. Nawˇ ngaˬ-ahˇ yaw muiˬ paˬ-ehˇ siˬ nya-awˇ, nui ma tsaˬ-eu ma lehˇ ehˇ taˬ-euˬ meh.

Doˆ-iˇ 33:17

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ ngaˬ-ahˇ kʼaˇ shaˇ-eu loꞈ-ehˇ ngaˇ mˇ ma. Aˬ jeˬ miˇ neh ehˇ naˇ, nawˬ-ahˇ ngaˇ yaw muiˬ paˬ-ehˇ siˬ nya-awˇ, nui ma tsaˬ-eu ma.”

Doˆ-iˇ 35:30

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ Sahˬpaˬ Miˬyehˇ tseˇ doˆ gʼaˬ-euˬ meh.

Doˆ-iˇ 36:1

“Muiˬ-eu shawˇ-eu Sehˬ gʼawˆ tsoꞈ-eu gʼaˇ duˬ, loˬ-eu jeˬ dawˬ tawˆ luꞈ-ahˇ aˬ joˆ-ehˇ ya jahˇ-eu gaˇ kawˆ siˬ nya-eu, Sahˬpaˬ Miˬyehˇ neh noeˬ doˆ mˇ doˆ nya-eu tsawˇ gahˇ biꞈ taˬ-euˬ Baˬzeˬlaˇ, Oˬhoˬliˆ hawˇ-eu, laꞈ myawˬ laꞈ muˆ mˇ nya-eu tsawˇ haˬ dawˬ tawˆ luꞈ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ ya mˇ meh.”

Doˆ-iˇ 37:1

Baˬzeˬlaˇ-aˬ, aˬ kaˬ shaˇ daˇ kawˬ yuˇ-awˇ, yaw mahˇ paw nyiˬ caˆ tiˬ toˇ, yaw jeˇ paw tiˬ caˆ tiˬ toˇ, yaw goˇ paw tiˬ caˆ tiˬ toˇ byah-eu Dawˬ ma saˇ jaˇ Bahˬ keuˆ taꞈ-euˬ meh.

Doˆ-iˇ 38:22

Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-aˬ, Sahˬpaˬ Miˬyehˇ neh dawˬ kʼaˇ biꞈ taˬ-euˬ yawˬ jeˬ na luꞈ mˇ-euˬ meh.

Doˆ-iˇ 38:23

Aˬ yawꞈ-ahˇ caw ba-eu gʼaˬ pyeuꞈ-eu Daˬ tsawˇ haˬ Aˬhiˇsaˬmaˇ-euˬ aˬ li Oˬhoˬliˆ-aˬ, ba jiˬ pyeuꞈ-eu uˬ taꞈ, gʼawˬ mya jeˬ noeˬ doˆ mˇ doˆ nya-awˇ, shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ zaꞈ-eu gʼaˬ kʼawꞈ pyeuꞈ-eu meh.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.