Doˆ-iˇ 31:13 - Akha

¹³ “Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ gʼaˬ naˬ naˬ-eu aˇ nah pyeuꞈ-eu jawˇ nah ngeh nah, naw maꞈ lah-awˬ daw-awˬ. Aˬ jeˬ miˇ neh ehˇ naˇ, lah-eu daw-eu kʼoeˇ-aˬ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ ngaˬ-euˬ tsawˇ haˬ bi pyeuꞈ laˇ-euˬ gaˇ kawˆ, mˬ maˬ maˬ byaˆ zaˇ ziˇ jiˇ ni saˇ kiˇ pyeuꞈ-eu meh.

Doˆ-iˇ 31:13 ပူးပေါင်းရင်းမြစ်များ

Neˬhaˬmiˇ 9:14

Nawˬ-euˬ gʼaˬ nah jawˇ nah-ahˇ bi muiˬ bi shawˇ-eu gʼaˇ duˬ, aˬ yawꞈ maꞈ-ahˇ nawˇ mehˬ nehˬ tsoˆ nehˬ-awˇ, nawˬ-euˬ zaˬ kʼaˆ Moˇseˬ-ahˇ nawˇ gʼoe-awˇ, aˬ yawꞈ maꞈ-ahˇ zahˇ dawˬ kʼoꞈ dawˬ biꞈ-euˬ meh.

Doˆ-iˇ 31:12

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Doˆ-iˇ 31:17

Aˇ nah kʼoeˇ nah-aˬ, ngaˇ hawˇ-eu Iˇsaˬleˬlaˆ tsawˇ haˬ-euˬ yaw kaˬ-ahˇ, mˬ maˬ maˬ byaˆ zaˇ ziˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, koꞈ nah laꞈ kʼoeˇ mˬ beh miˇ beh beh-awˇ, shiꞈ nah aˬ yawꞈ nah-ahˇ gaˇ maˬ mˇ ni naˬ-euˬ ma.”

Iˇsaˬyaˇ 56:2

Jawˇ nah-ahˇ maˬ laˆ jawꞈ ni lah daw-eu laꞈ kʼoeˇ, yaw haiˬ jeˬ maˬ mˇ-eu tsawˇ haˬ deuˬ guiˬ lahˬ huiˬ tehꞈ-a.”

Yeˬlaˬmiˇ 17:22

Jawˇ nah ngeh nah-ahˇ, yawˬ ha-euˬ nymˇ laꞈ kʼoeˇ jaˆ-eu myawˬ maˬ ya sha doˆ-a. Gaˇ maˬ ya mˇ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh dawˬ biꞈ taˬ-eu loꞈ-ehˇ, aˇ nah kʼoeˇ nah-ahˇ nah muiˬ nah shawˇ loꞈ-ehˇ ya lah ya daw meh.

Yeˬsaˬgeˬlaˇ 20:12

Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ bi muiˬ bi shawˇ laˇ-euˬ gaˇ kawˆ, ngaˇ hawˇ-eu aˬ yawꞈ maꞈ yaw kaˬ-ahˇ saˇ kiˇ pyeuꞈ ni, jawˇ nah tawˬ-awˇ bi lah bi daw-euˬ ma.

Yeˬsaˬgeˬlaˇ 20:20

Jawˇ nah ngeh nah-ahˇ, nah muiˬ nah shawˇ aˇ nah bi pyeuꞈ-awˬ. Kʼoeˇ-aˬ, ngaˇ hawˇ-eu naw maꞈ yaw kaˬ-ahˇ dzaˬ taˬ-euˬ dawˬ ma saˇ jaˇ gaˇ kawˆ saˇ kiˇ pyeuꞈ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-eu gaˇ kawˆ saˇ kiˇ pyeuꞈ-eu meh lehˇ mehˬ nehˬ tsoˆ nehˬ-euˬ ma.

Yeˬsaˬgeˬlaˇ 37:28

Ngaˬ-euˬ Uˬ duˬ tahˬ nymˇ nymˇ ma aˬ yawꞈ maꞈ jawˇ gaˇ mˬ maˬ maˬ byaˆ zaˇ ziˇ bi jaˆ ngeh, Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ tsawˇ jeuˬ-ahˇ ngaˬ-euˬ tsawˇ haˬ bi geuꞈ-eu lehˇ tseˇ doˆ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ siˬ duˬ leˇ tehꞈ-a.”

Yeˬsaˬgeˬlaˇ 44:24

Dawˬ ja kʼaˇ laˆ doˆ ngeh, ngaˬ-euˬ zahˇ dawˬ kʼoꞈ dawˬ-ahˇ tsaˬ ni piˇ ma deuˬ yaˇ kʼaˬ ya daˇ nehˬ meh. Ngaˬ-euˬ zahˇ sahˇ kʼoꞈ-ahˇ tsaˬ ni, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ aˬ yawꞈ maꞈ ya gʼeh-awˇ, jawˇ nah ngeh nah muiˬ-eu shawˇ-eu aˇ nah pyeuꞈ ni aˬ yawꞈ maꞈ ya jeˬ hmˬ meh.

Uˬ duˬ 19:3

Ngaˬ neh dawˬ biꞈ taˬ-euˬ loꞈ-ehˇ, naw maꞈ yawˬ gʼaˬ na luꞈ, yawˬ ha-euˬ aˬ ma aˬ da-ahˇ yaw zeu baw-awˇ, jawˇ nah-ahˇ lah daw-awˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 19:30

Jawˇ nah-ahˇ lah-awˇ daw-awˇ, ngaˬ-ahˇ uˬ duˬ tahˬ-eu jawˇ duˬ-ahˇ taˬ huiˬ taˬ mahˇ-awˬ. Ngaˇ-aˬ, Sahˬpaˬ Miˬyehˇ ma.

Uˬ duˬ 20:8

Ngaˬ-euˬ zahˇ dawˬ kʼoꞈ dawˬ deuˬ-ahˇ naw maꞈ naˇ haˬ geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, naw maꞈ-ahˇ bi muiˬ bi shawˇ laˇ-eu gʼaˬ pyeuꞈ-eu ma.”

Uˬ duˬ 21:8

Piˇ ma-aˬ, yaw muiˬ yaw shawˇ meh lehˇ tsawˇ haˬ dawˬ tawˆ luꞈ ya siˬ nya meh. Aˬ jeˬ miˇ neh ehˇ naˇ, aˬ yawꞈ-aˬ, ngaˬ-ahˇ dzaˬ dzaˬ dawˇ dawˇ lawˇ-eu tsawˇ haˬ pyeuꞈ-eu meh. Ngaˇ-aˬ, Sahˬpaˬ Miˬyehˇ ma. Ngaˇ-aˬ, muiˬ-eu shawˇ-eu gʼaˬ pyeuꞈ-awˇ, ngaˬ-euˬ tsawˇ haˬ deuˬ-ahˇ bi muiˬ bi shawˇ-eu ma.

Uˬ duˬ 23:3

Naw maꞈ gʼaˇ duˬ, yawˬ ha-euˬ gaˇ mˇ-eu aˇ nah koꞈ nah jaˆ-eu meh. Ehˇ kʼawꞈ, jawˇ nah pyeuꞈ-eu shiꞈ nah tiˬ nah-aˬ, gʼaˬ naˬ naˬ-eu aˇ nah pyeuꞈ-eu meh lehˇ, naw maꞈ ya noeˬ taˬ meh.

Uˬ duˬ 25:2

Iˇsaˬleˬlaˆ tsawˇ haˬ deuˬ-ahˇ, zahˇ sahˇ kʼoꞈ heu deuˬ biꞈ nehˬ-awˬ. Sahˬpaˬ Miˬyehˇ naw maꞈ-ahˇ biꞈ-eu lehˇ gʼeh-eu miˇ kʼahˬ-ahˇ naw maꞈ le keuˆ ngeh, Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, aˬ myah luꞈ, shiꞈ kʼoꞈ tiˬ kʼoꞈ-ahˇ maˬ ka dzaˬ maˬ ka dawˇ ni ya jawˇ meh.

Uˬ duˬ 26:2

Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ deuˬ naw maꞈ maˬ byehˇ-ehˇ, ngaˬ-ahˇ uˬ duˬ tahˬ-eu jawˇ duˬ-ahˇ naw maꞈ yaw zeu ya baw meh. Ngaˇ-aˬ, Sahˬpaˬ Miˬyehˇ ma.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Maꞈtehˬ 23:17

Myaˆ behꞈ behꞈ-eu aˬ dzawˬ aˇ gah deuˬ-oˇ, aˬ geu jeˬ huiˬ dzehˬ ta. Shuiˇ huiˬ dzehˬ ta loˇ. Shuiˇ-ahˇ Miˬyehˇ gʼaˇ duˬ bi muiˬ bi shawˇ laˇ-euˬ Uˬ duˬ tahˬ nymˇ nymˇ ma huiˬ dzehˬ ta loˇ.

Yoˇhaˬ 17:17

Yaw tsaˬ yaw dawˇ jeˬ-ahˇ gʼoe-awˇ, aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ha ahˇ geuꞈ-awˬ. Nawˬ-euˬ dawˬ-aˬ, yaw tsaˬ yaw dawˇ jeˬ meh.

Yoˇhaˬ 17:19

Aˬ yawꞈ maꞈ-euˬ gʼawˇ mawˇ yaw tsaˬ yaw dawˇ jeˬ laꞈ kʼoeˇ nawˬ-ahˇ a nehˬ nya ni, aˬ yawꞈ maꞈ gʼaˇ duˬ ngaˬ-euˬ gʼawˇ mawˇ nawˬ-ahˇ a nehˬ-eu ma.

Dawˬmehˬ 5:12

“Nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, jawˇ nah ngeh nah-aˬ, muiˬ-eu shawˇ-eu aˇ nah pyeuꞈ-eu nawˇ noeˬ keuˆ-awˇ, ya lah ya daw meh.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.