Doˆ-iˇ 31:12 - Akha

¹² Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Doˆ-iˇ 31:12 ပူးပေါင်းရင်းမြစ်များ

Neˬhaˬmiˇ 13:15

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ zaˬ deuˬ jawˇ nah-ahˇ aˬ gaꞈ dzaˇ uiˇ nawˬ luꞈ-eu ngaˇ ya mawˇ-euˬ ma. Tiˬ paˆ na deuˬ-aˬ, cehˇ, aˬ gaꞈ dzaˇ uiˇ, aˬ gaꞈ aˇ siˬ, siˬ guˬ aˇ siˬ hawˇ-eu aˬ nah aˬ dzeˇ gʼawˬ mya jeˬ mahˬ tahˬ laˆ neh tawˬ-awˇ, Yeˬluˇsaˬlehˬ meuˬ-ahˇ laˇ luꞈ-eu ya mawˇ-euˬ ma. Jawˇ nah-ahˇ tiˬ jeˬ-iˬ taˬ ahˬ lehˇ aˬ yawꞈ maꞈ-ahˇ ngaˇ ehˇ nehˬ-euˬ ma.

Neˬhaˬmiˇ 13:18

Teu loꞈ-ehˇ mˇ-euˬ baˬ da neh naw maꞈ-euˬ aˬ poeˬ aˬ bawˇ deuˬ-ahˇ Miˬyehˇ kʼehˬ nehˬ-awˇ, meuˬ heu meuˬ-ahˇ laˆ luˬ laˆ seˇ-euˬ meh. Ehˇ kʼawꞈ ni naw maꞈ-aˬ, Jawˇ nah-ahˇ laˆ jawꞈ-eu laꞈ kʼoeˇ, yaw beh naˆ maˬ tseˇ Miˬyehˇ nui ma pehˇ-eu jeˬ Iˇsaˬleˬlaˆ tsawˇ jeuˬ kʼoeˇ taˆ keuˆ le ni naw maꞈ mˇ luꞈ-eu nga” lehˇ ehˇ nehˬ-euˬ ma.

Doˆ-iˇ 20:8

“Jawˇ nah ngeh nah-aˬ, muiˬ-eu shawˇ-eu aˇ nah pyeuꞈ-eu nawˇ noeˬ keuˆ-awˇ, ya lah ya daw meh.

Doˆ-iˇ 31:11

tseˇ doˆ-euˬ deuˬ-ahˇ lehꞈ-eu tsiˇ maˬ ehˇ, muiˬ-eu shawˇ-eu jawˇ duˬ laꞈ kʼoeˇ zmˬ-eu doꞈ damˬ-eu tsiˇ yaw saw jeˬ maˬ ehˇ, heu deuˬ-ahˇ jahˇ ngeh, ngaˇ nawˬ-ahˇ dawˬ biꞈ taˬ-euˬ loꞈ-ehˇ, tiˬ pawꞈ-iˬ maˬ bi lehˬ-iˇ ni ya jahˇ meh.”

Doˆ-iˇ 31:13

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ gʼaˬ naˬ naˬ-eu aˇ nah pyeuꞈ-eu jawˇ nah ngeh nah, naw maꞈ lah-awˬ daw-awˬ. Aˬ jeˬ miˇ neh ehˇ naˇ, lah-eu daw-eu kʼoeˇ-aˬ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ ngaˬ-euˬ tsawˇ haˬ bi pyeuꞈ laˇ-euˬ gaˇ kawˆ, mˬ maˬ maˬ byaˆ zaˇ ziˇ jiˇ ni saˇ kiˇ pyeuꞈ-eu meh.

Yoˇhaˬ 5:10

Kʼoeˇ miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ naˇ gawˇ taˬ leˇ-euˬ tsawˇ haˬ kʼoeˇ gʼaˬ-ahˇ ehˇ nehˬ-eu,“Iˬ nah Jawˇ nah pyeuꞈ-eu miˇ neh, nawˬ-euˬ gawˬ pu baꞈ-awˇ cah-eu teu zahˇ dawˬ kʼoꞈ dawˬ-ahˇ bahˬ-eu meh.”