Doˆ-iˇ 30:30 - Akha

³⁰ Kʼoeˇ naˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ tsiˇ lehꞈ-awˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, aˇ yaˬ biꞈ nehˬ-awˬ.

Doˆ-iˇ 30:30 ပူးပေါင်းရင်းမြစ်များ

Jaceuq 133:2

Kʼoeˇ loꞈ-ehˇ dehꞈ taꞈ jawˇ taꞈ-eu jeˬ-aˬ, Aˬloˬ-euˬ uˬ duˬ-ahˇ neh mehˬ mahˬ-ahˇ yoeˇ ka le-awˇ, aˬ yawꞈ-euˬ pehˇ kʼahˬ lahˇ baˆ-ahˇ yoeˇ lehꞈ le-euˬ, aˇ poeˬ kʼaˆ-eu tsiˇ-ahˇ duˇ-eu meh.

Doˆ-iˇ 28:3

Ngaˬ neh dm gʼaˬ dm lmˇ guꞈ-eu jeˬ-ahˇ taꞈ leˇ-eu zaˬ siˬ tsawˇ gahˇ kʼaˇ biꞈ taˬ-euˬ tsawˇ haˬ dawˬ tawˆ luꞈ kuˇ uiˬ-awˇ, ngaˬ-euˬ gaˇ bi mˇ-eu lehˇ, Aˬloˬ-euˬ gʼawˇ mawˇ ngaˬ-ahˇ a nehˬ-eu gʼaˇ duˬ, Aˬloˬ-ahˇ dm gʼaˬ dm lmˇ guꞈ nehˬ-awˬ lehˇ ehˇ nehˬ-awˬ.

Doˆ-iˇ 28:41

Dm gʼaˬ dm lmˇ heu deuˬ, nawˬ-euˬ aˇ doˆ hawˇ-eu aˬ yawꞈ-euˬ aˬ li deuˬ-ahˇ bi dm-awˬ. Kʼoeˇ naˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, aˬ yawꞈ maꞈ-ahˇ saˬ loˬ tsiˇ lehꞈ nehˬ-awˇ, aˇ yaˬ biꞈ nehˬ-eu laꞈ kʼoeˇ, ngaˬ-ahˇ a nehˬ-awˬ.

Doˆ-iˇ 30:29

Myawˬ kʼoeˇ deuˬ-ahˇ, kʼoeˇ loꞈ-ehˇ jahˇ-awˇ a nehˬ ngeh, maˇ maˇ ni muiˬ laˇ shawˇ laˇ-awˇ, kʼoeˇ gaˇ kʼaˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, nui jeˬ aˬ geu jeˬ maˬ kaˬ, yaw muiˬ yaw shawˇ-euˬ baoˬ kʼoeˇ baˬ da neh, guˬ leˇ tehꞈ-a.

Doˆ-iˇ 30:31

Iˇsaˬleˬlaˆ tsawˇ haˬ deuˬ-ahˇ nawˇ heu loꞈ-ehˇ ehˇ nehˬ-awˬ. ‘Tseˇ doˆ-euˬ deuˬ-ahˇ lehꞈ-eu muiˬ-eu shawˇ-eu tsiˇ kʼoeˇ jeˬ-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, ngaˬ-euˬ gʼaˇ duˬ aˬ myah luꞈ ya zmˬ-eu tsiˇ pyeuꞈ-eu meh.

Doˆ-iˇ 40:15

Aˬ yawꞈ maꞈ-euˬ aˬ da-ahˇ tsiˇ lehꞈ nehˬ-euˬ loꞈ-ehˇ, aˬ yawꞈ maꞈ mehˇ nmˇ-ahˇ kʼawꞈ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, tsiˇ lehꞈ nehˬ-awˬ. Aˬ yawꞈ maꞈ-ahˇ kʼoeˇ loꞈ-ehˇ tsiˇ lehꞈ nehˬ-euˬ baˬ da neh, mˬ maˬ maˬ byaˆ zaˇ ziˇ aˬ yawꞈ maꞈ piˇ ma ya geuꞈ tehꞈ-a.”

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Uˬ duˬ 8:12

Tseˇ doˆ-euˬ deuˬ-ahˇ lehꞈ-eu tsiˇ kʼoeˇ ui cuiˆ yuˇ-awˇ, Aˬloˬ-euˬ uˬ duˬ-ahˇ shehˆ daˆ-awˇ, aˇ yaˬ biꞈ nehˬ-euˬ meh.

Uˬ duˬ 8:30

Moˇseˬ-aˬ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu lawˇ duˬ kʼoeˇ taˆ jaˆ-eu shiˬ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ mehˬ tsoeˬ-ahˇ maˬ ehˇ, byaˆ shehˬ nehˬ-euˬ meh. Kʼoeˇ loꞈ-ehˇ jahˇ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ dm gʼaˬ dm lmˇ deuˬ, Sahˬpaˬ Miˬyehˇ-ahˇ Moˇseˬ a nehˬ-euˬ meh.

Bawˇtsahˬ 3:3

Aˬ yawꞈ maꞈ-aˬ, piˇ ma geuꞈ-eu gʼaˇ duˬ, tsiˇ lehꞈ nehˬ-awˇ aˇ yaˬ biꞈ taˬ-euˬ tsawˇ haˬ deuˬ pyeuꞈ-eu meh.