Doˆ-iˇ 30:25 - Akha

²⁵ Tseˇ doˆ-euˬ deuˬ-ahˇ lehꞈ-eu tsiˇ pyeuꞈ laˇ ni, heu deuˬ dawˬ tawˆ luˬ keuˬ-awˬ.

Doˆ-iˇ 30:25 ပူးပေါင်းရင်းမြစ်များ

1 Sahˬpaˬ 1:39

Piˇ ma Zaˬdoˆ-aˬ, Sahˬpaˬ Miˬyehˇ jawˇ-eu sehˬ gʼawˆ-ahˇ jaˆ-eu saˬ loˬ tsiˇ maˇ tsaꞈ yuˇ leꞈ-awˇ, Sawˇlaˬmoˬ-ahˇ tsiˇ shehˆ daˆ nehˬ-euˬ meh. Aˬ yawꞈ maꞈ daˇ heh baw-awˇ, tsawˇ haˬ dawˬ tawˆ luꞈ “Sahˬ paˬ Sawˇlaˬmoˬ ziˇ baw ziˇ za luꞈ-uˇ” lehˇ guˇ-eu meh.

1 Laˬsaˬbaˬ 9:30

Ehˇ kʼawꞈ, yaw saw gʼawˬ mya jeˬ laˆ keuˬ-eu gaˇ-ahˇ, piˇ ma deuˬ ya mˇ-eu meh.

Jaceuq 133:2

Kʼoeˇ loꞈ-ehˇ dehꞈ taꞈ jawˇ taꞈ-eu jeˬ-aˬ, Aˬloˬ-euˬ uˬ duˬ-ahˇ neh mehˬ mahˬ-ahˇ yoeˇ ka le-awˇ, aˬ yawꞈ-euˬ pehˇ kʼahˬ lahˇ baˆ-ahˇ yoeˇ lehꞈ le-euˬ, aˇ poeˬ kʼaˆ-eu tsiˇ-ahˇ duˇ-eu meh.

Jaceuq 89:20

Muiˬ-eu shawˇ-eu tsiˇ shehˆ daˆ nehˬ-awˇ, ngaˬ-euˬ zaˬ kʼaˆ Daˬbiˇ-ahˇ sahˬ paˬ ka nehˬ-euˬ ma.

Doˆ-iˇ 28:41

Dm gʼaˬ dm lmˇ heu deuˬ, nawˬ-euˬ aˇ doˆ hawˇ-eu aˬ yawꞈ-euˬ aˬ li deuˬ-ahˇ bi dm-awˬ. Kʼoeˇ naˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, aˬ yawꞈ maꞈ-ahˇ saˬ loˬ tsiˇ lehꞈ nehˬ-awˇ, aˇ yaˬ biꞈ nehˬ-eu laꞈ kʼoeˇ, ngaˬ-ahˇ a nehˬ-awˬ.

Doˆ-iˇ 29:21

Lawˇ duˬ kʼoeˇ taˆ jaˆ-eu shiˬ ui cuiˆ hawˇ-eu, tseˇ doˆ-euˬ tsawˇ haˬ-ahˇ lehꞈ-eu tsiˇ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ-ahˇ maˬ ehˇ, byaˆ shehˬ-awˬ. Kʼoeˇ loꞈ-ehˇ jahˇ-eu jeˬ-aˬ, Aˬloˬ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ maˬ ehˇ, ngaˬ-ahˇ a nehˬ-eu jeˬ pyeuꞈ-eu meh.

Doˆ-iˇ 29:7

Kʼoeˇ naˇ, tseˇ doˆ-euˬ tsawˇ haˬ-ahˇ lehꞈ-eu tsiˇ yuˇ-awˇ, aˬ yawꞈ-euˬ uˬ duˬ-ahˇ shehˆ daˆ-awˇ, lehꞈ nehˬ-awˬ.

Doˆ-iˇ 30:24

cawˬ kʼaˬ cawˬ piˇ yawˬ jeˬ yawˬ smˇ jawꞈ-i koꞈ kaˇ, heu deuˬ-ahˇ, kaˇ daˬ-ahˇ tsaˬ ni saˆ byah-awˇ, saˬ loˬ tsiˇ maˇ tsaꞈ oeˬ tsaꞈ lehˬ hmˬ taˬ-awˬ.

Doˆ-iˇ 30:32

Tsiˇ kʼoeˇ jeˬ-ahˇ, piˇ ma maˬ ngeuˇ-eu tsawˇ haˬ kʼoeˇ taˆ maˬ ya shehˆ daˆ-a. Tsiˇ kʼoeˇ jahˇ doˆ ngeh keuˬ-euˬ myawˬ kʼoeˇ deuˬ paˇ keuˬ-awˇ, kʼoeˇ gaˇ duˇ-eu tsiˇ nui jeˬ maˬ ya jahˇ doˆ-a. Kʼoeˇ-aˬ, muiˬ-eu shawˇ-eu jeˬ pyeuꞈ-eu baˬ da neh, muiˬ-eu shawˇ-eu jeˬ loꞈ-ehˇ, naw maꞈ ya taˬ huiˬ meh.

Doˆ-iˇ 30:35

Kʼoeˇ deuˬ yuˇ-awˇ, gʼawˇ mawˇ-ahˇ bi saw-eu tsiˇ yaw saw jeˬ jahˇ-eu loꞈ-ehˇ, doꞈ damˬ-eu yaw saw jeˬ jahˇ doˆ-awˬ. Muiˬ laˇ shawˇ laˇ-awˇ, shawˇ jehˆ ni bi pyeuꞈ-iˇ-eu gʼaˇ duˬ, saˬ deuꞈ ui cuiˆ dawˆ-awˬ.

Doˆ-iˇ 35:15

yaw saw jeˬ doꞈ damˬ-eu lawˇ duˬ hawˇ-eu kʼoeˇ-euˬ baꞈ kawˬ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu doꞈ-awˇ damˬ-eu yaw saw jeˬ maˬ ehˇ, sehˬ gʼawˆ laˇ gʼoˆ-ahˇ taw-eu saˬ paˇ maˬ ehˇ,

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Doˆ-iˇ 40:9

“Sehˬ gʼawˆ hawˇ-eu kʼoeˇ gaˇ kʼaˇ taꞈ leˇ-eu keu ka deuˬ bi muiˬ bi shawˇ laˇ-eu gʼaˇ duˬ, muiˬ-eu shawˇ-eu tsiˇ lehꞈ-awˇ, Sahˬpaˬ Miˬyehˇ-ahˇ a nehˬ-awˬ.

Dawˬ tsoˆ 10:1

Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Uˬ duˬ 8:10

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ kʼoeˇ taˆ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ-ahˇ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ kʼoeˇ neh Moˇseˬ lehꞈ-awˇ, Sahˬpaˬ Miˬyehˇ-ahˇ a nehˬ-euˬ meh.

Uˬ duˬ 8:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.

Bawˇtsahˬ 35:25

Miˇ kʼahˬ zaˬ deuˬ-aˬ, aˬ cawˬ-ahˇ laˆ tahˬ-awˇ bi shiˇ-euˬ tsawˇ haˬ kʼoeˇ gʼaˬ-ahˇ, shiˇ dzeuˇ-euˬ gʼaˬ-euˬ aˬ yuiꞈ aˬ nyiˇ deuˬ-euˬ laꞈ-ahˇ neh ka kʼoꞈ-awˇ, buˬ-iˇ law-iˇ-eu meuˬ-ahˇ sheuˬ gʼeh nehˬ-awˇ ya bi buˬ-iˇ meh. Kʼoeˇ ngeh yamˬ-ahˇ Piˇ ma yaw huiˬ gʼaˬ geuꞈ luꞈ-eu gʼaˬ maˬ shiˇ kʼoeˇ keuˆ ni, tsawˇ haˬ kʼoeˇ gʼaˬ kʼoeˇ gaˇ ya jawˇ meh.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”