Doˆ-iˇ 30:23 - Akha

²³ “Muiˬ dui dui-eu yaw saw jeˬ pyeuꞈ-eu, muˇ laˬ dzaˇ uiˇ smˇ jawꞈ-i koꞈ kaˇ, saw dui dui-eu cawˬ kʼaˬ cawˬ piˇ tiˬ jawꞈ-i yehꞈ kaˇ, saw dui dui-eu pawˬ coeˇ tiˬ jawꞈ-i yehꞈ kaˇ,

Doˆ-iˇ 30:23 ပူးပေါင်းရင်းမြစ်များ

1 Sahˬpaˬ 1:39

Piˇ ma Zaˬdoˆ-aˬ, Sahˬpaˬ Miˬyehˇ jawˇ-eu sehˬ gʼawˆ-ahˇ jaˆ-eu saˬ loˬ tsiˇ maˇ tsaꞈ yuˇ leꞈ-awˇ, Sawˇlaˬmoˬ-ahˇ tsiˇ shehˆ daˆ nehˬ-euˬ meh. Aˬ yawꞈ maꞈ daˇ heh baw-awˇ, tsawˇ haˬ dawˬ tawˆ luꞈ “Sahˬ paˬ Sawˇlaˬmoˬ ziˇ baw ziˇ za luꞈ-uˇ” lehˇ guˇ-eu meh.

1 Laˬsaˬbaˬ 9:29

Aˬ yawꞈ maꞈ tiˬ paˆ na deuˬ-aˬ, muiˬ-eu shawˇ-eu mˇ myawˬ keu ka deuˬ, cehˇ meu deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, tsiˇ yaw saw deuˬ hawˇ-eu, yaw saw gʼawˬ mya jeˬ-ahˇ ya jeˬ hmˬ-eu meh.

1 Laˬsaˬbaˬ 9:30

Ehˇ kʼawꞈ, yaw saw gʼawˬ mya jeˬ laˆ keuˬ-eu gaˇ-ahˇ, piˇ ma deuˬ ya mˇ-eu meh.

Jaceuq 45:8

Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Doˆ-iˇ 25:6

tsiˇ kʼmˬ doꞈ-eu tsiˇ, lehꞈ-eu gʼaˇ duˬ hawˇ-eu yaw saw bi saw-eu gʼaˇ duˬ tsiˇ yaw saw jeˬ,

Doˆ-iˇ 30:22

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 30:24

cawˬ kʼaˬ cawˬ piˇ yawˬ jeˬ yawˬ smˇ jawꞈ-i koꞈ kaˇ, heu deuˬ-ahˇ, kaˇ daˬ-ahˇ tsaˬ ni saˆ byah-awˇ, saˬ loˬ tsiˇ maˇ tsaꞈ oeˬ tsaꞈ lehˬ hmˬ taˬ-awˬ.

Doˆ-iˇ 31:11

tseˇ doˆ-euˬ deuˬ-ahˇ lehꞈ-eu tsiˇ maˬ ehˇ, muiˬ-eu shawˇ-eu jawˇ duˬ laꞈ kʼoeˇ zmˬ-eu doꞈ damˬ-eu tsiˇ yaw saw jeˬ maˬ ehˇ, heu deuˬ-ahˇ jahˇ ngeh, ngaˇ nawˬ-ahˇ dawˬ biꞈ taˬ-euˬ loꞈ-ehˇ, tiˬ pawꞈ-iˬ maˬ bi lehˬ-iˇ ni ya jahˇ meh.”

Doˆ-iˇ 35:28

Yaw saw jeˬ, tsiˇ kʼmˬ doꞈ-eu tsiˇ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu, doꞈ-awˇ damˬ-eu yaw saw jeˬ kʼawꞈ, aˬ yawꞈ maꞈ yuˇ laꞈ-euˬ meh.

Doˆ-iˇ 37:29

Tsiˇ yaw saw jeˬ jahˇ ngeh, gʼawˬ mya jeˬ keuˬ-awˇ jahˇ-euˬ loꞈ-ehˇ, tseˇ doˆ-euˬ deuˬ-ahˇ lehꞈ-eu gʼaˇ duˬ, muiˬ-eu shawˇ-eu tsiˇ hawˇ-eu saw dui dui-eu doꞈ-awˇ damˬ-eu jeˬ kʼawꞈ aˬ yawꞈ jahˇ-euˬ meh.

Dawqdaq 7:17

Muˇ laˬ, aˬ loˬ, siˬ naˬ moˬ tsiˇ yaw saw deuˬ, yuꞈ zaˇ kʼoeˇ taˆ byaˆ shehˬ taˬ-euˬ ma.

Dawˬ caˇ 1:13

Ngaˇ gaˬ-eu gʼaˬ ngaˬ-euˬ kʼahˬ-ahˇ kʼawˬ daˇ-awˇ yuꞈ ngeh, muˇ laˬ tsiˇ loꞈ-ehˇ saw dui dui nya.

Dawˬ caˇ 1:3

Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

Dawˬ caˇ 4:14

Saˬ poˬ, gaˬ laˬ muˇ, siˬ naˬ moˬ aˇ bawˇ hawˇ-eu tsiˇ yaw saw aˇ bawˇ kʼaˇ ngeuˇ-eu jeˬ kʼoeˇ gaˇ dehꞈ-eu meh. Muˇ laˬ hawˇ-eu Aˇ jawˬ aˇ bawˇ maˬ ehˇ, saw dui dui-eu tsiˇ yaw saw aˇ bawˇ deuˬ kʼoeˇ gaˇ dehꞈ kuꞈ-eu meh.

Iˇsaˬyaˇ 43:24

Naw maꞈ ngaˬ-euˬ gʼaˇ duˬ tsiˇ yaw saw maˬ zeuˇ-a. Jeˬ zaˬ-euˬ tsiˇ naw maꞈ yuˇ-awˇ, ngaˇ nui kʼahˇ shiˇ ni damˬ nehˬ laꞈ-euˬ maˬ jaˆ-a. Ehˇ kʼawꞈ, naw maꞈ neh mˇ-euˬ iˬ baˇ baˬ da neh, ngaˇ noeˬ shaˬ ni naw maꞈ jahˇ-awˇ, naw maꞈ neh mˇ-euˬ yaw lehˬ yaw ca jeˬ, ngaˬ-ahˇ shaˬ zahˬ laˆ naꞈ-euˬ meh.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Yeˬsaˬgeˬlaˇ 27:19

Uˇzaˬlaˇ meuˬ-ahˇ jawˇ-eu Daˬniˇ tsawˇ haˬ hawˇ-eu Heˬlaˬshaˆ tsawˇ haˬ deuˬ, maˇ dui dui-eu shmˇ hawˇ-eu, tsiˇ yaw saw gʼawˬ mya jeˬ hehˇ leꞈ-awˇ, nawˬ-euˬ myawˬ zeuˇ geuꞈ le-eu meh.

Yeˬsaˬgeˬlaˇ 27:22

Sheˬba baw gaꞈ deuˬ hawˇ-eu Laˬmaˬ baw gaꞈ deuˬ-aˬ, aˇ poeˬ kʼaˆ-eu kʼaˬ lo sehˇ deuˬ, shuiˇ deuˬ hawˇ-eu muiˬ dui dui-eu yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ paˇ geuꞈ le-eu meh.

Bawˇtsahˬ 4:16

Piˇ ma Aˬloˬ-euˬ aˬ li Eˇlaˬzaˬ-aˬ, tsiˇ kʼmˬ doꞈ-eu tsiˇ, tsiˇ yaw saw jeˬ, dzaˬ la gʼo cehˇ lawˇ-eu jeˬ hawˇ-eu, tseˇ doˆ-euˬ deuˬ-ahˇ lehꞈ-eu tsiˇ heu deuˬ-ahˇ ya haw ya pyaˆ meh. Sehˬ gʼawˆ gʼawˆ lah ni hawˇ-eu, Sehˬ gʼawˆ laꞈ kʼoeˇ kʼaˇ jaˆ-eu Sahˬpaˬ Miˬyehˇ-ahˇ a nehˬ taˬ-euˬ jeˬ dawˬ tawˆ luꞈ-ahˇ ya haw ya pyaˆ meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.