Doˆ-iˇ 30:18 - Akha

¹⁸ “Guiˬ shuiˇ aˬ kuiˇ tsoꞈ-eu guiˬ shuiˇ sehˇ byehˇ tiˬ hmˬ jahˇ-awˬ. Sehˇ byehˇ kʼoeˇ-ahˇ, sehˬ gʼawˆ hawˇ-eu lawˇ duˬ-euˬ yaw kaˬ-ahˇ bi jaˆ-awˇ, iˇ cuꞈ shehˆ ahˇ taˬ-awˬ.

Doˆ-iˇ 30:18 ပူးပေါင်းရင်းမြစ်များ

1 Sahˬpaˬ 7:23

Yaw naꞈ paw ngaˬ caˆ, mehˬ kʼehˬ yaw jeˇ paw nyiˬ lmˇ nui paˆ, yaw huiˬ paw caˆ jawˬ shiꞈ lmˇ nui paˆ byah-eu guiˬ shuiˇ lah tiˬ lah Huˇlamˬ neh kʼaˇ-euˬ meh.

1 Sahˬpaˬ 7:38

Huˇlamˬ-aˬ, laˆ lawˬ kʼoeˇ tseˇ laˇ gʼaˇ duˬ, sehˇ byehˇ tseˇ byehˇ jahˇ-euˬ meh. Sehˇ byehˇ kʼoeˇ aˬ yawꞈ byehˇ yawꞈ, tsawˇ haˬ oeˬ tseˇ gʼaˬ dzuiꞈ loꞈ-eu iˇ cuꞈ deˇ leˇ-eu meh.

2 Laˬsaˬbaˬ 4:2

Yaw naꞈ paw ngaˬ caˆ, mehˬ kʼehˬ yaw jeˇ paw nyiˬ lmˇ nui paˆ hawˇ-eu, huˇ paˆ shiꞈ lmˇ nui paˆ byah-eu, yaw zah zah lehˇ gʼeh-eu guiˬ shuiˇ lah tiˬ lah aˬ yawꞈ jahˇ-euˬ meh.

2 Laˬsaˬbaˬ 4:6

Sehˇ byehˇ tseˇ byehˇ aˬ yawꞈ maꞈ jahˇ-awˇ, Uˬ duˬ tahˬ nymˇ nymˇ ma-euˬ laꞈ oˆ paw pyawˬ-ahˇ ngaˬ byehˇ bi jaˆ-awˇ, laꞈ taˆ paw pyawˬ-ahˇ ngaˬ byehˇ bi jaˆ-euˬ meh. Sehˇ byehˇ kʼoeˇ deuˬ-aˬ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ deuˆ tm taˬ-euˬ jeˬ zaˬ tsiˬ shawˇ duˬ pyeuꞈ-awˇ, guiˬ shuiˇ lah kʼoeˇ-aˬ, piˇ ma deuˬ bi dzuiꞈ shawˇ-eu gʼaˇ duˬ meh.

Doˆ-iˇ 30:17

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 31:9

miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ maˬ ehˇ, kʼoeˇ gaˇ taꞈ leˇ-eu keu ka deuˬ maˬ ehˇ, aˬ kuiˇ aˬ laꞈ dzuiꞈ shawˇ-eu sehˇ byehˇ hawˇ-eu kʼoeˇ-euˬ aˬ kuiˇ maˬ ehˇ,

Doˆ-iˇ 38:8

Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Doˆ-iˇ 40:7

Aˬ kuiˇ aˬ laꞈ dzuiꞈ shawˇ-eu sehˇ byehˇ-ahˇ, Sehˬ gʼawˆ hawˇ-eu lawˇ duˬ yaw kaˬ-ahˇ bi jaˆ-awˇ, iˇ cuꞈ kʼawꞈ ahˇ taˬ-awˬ.

Dawˬ tsoˆ 5:1

Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Uˬ duˬ 8:11

Kʼoeˇ naˇ, tsiˇ kʼoeˇ ui cuiˆ paˇ yuˇ-awˇ, lawˇ duˬ hawˇ-eu kʼoeˇ gaˇ taꞈ leˇ-eu keu ka deuˬ-ahˇ maˬ ehˇ, sehˇ byehˇ hawˇ-eu kʼoeˇ-euˬ aˬ kuiˇ-ahˇ maˬ ehˇ, shiꞈ poˆ keuˆ ni byaˆ shehˬ-awˇ, Sahˬpaˬ Miˬyehˇ-ahˇ a nehˬ-euˬ meh.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.