Doˆ-iˇ 30:15 - Akha

¹⁵ Yawˬ ha-euˬ gʼawˇ mawˇ gʼaˇ duˬ pyuˇ dawˆ ngeh, smˇ muiˬ deuˬ maˬ ya dawˆ dzehˬ-ehˇ, iˇ shaˬ deuˬ kʼawꞈ maˬ ya dawˆ teˬ-a.

Doˆ-iˇ 30:15 ပူးပေါင်းရင်းမြစ်များ

2 Saˬmeuˬlaˆ 21:3

Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ Daˬbiˇ neh bi kuˇ laˬ-iˇ-awˇ, “Naw maꞈ-ahˇ ngaˇ aˬ joˆ-ehˇ ya mˇ nehˬ nmˇ. Sahˬpaˬ Miˬyehˇ-euˬ tsawˇ jeuˬ-ahˇ naw maꞈ guiˬ lahˬ biꞈ nya ni, naw maꞈ kʼoeˇ taˆ mˇ lehˬ taˬ-euˬ jeˬ-ahˇ ngaˇ mˇ tsoeˬ nehˬ mawꞈ-eu ma” lehˇ ehˇ nehˬ-euˬ meh.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Doˆ-iˇ 30:12

“Naw maꞈ Iˇsaˬleˬlaˆ tsawˇ haˬ deuˬ-euˬ tsawˇ seˬ yuˇ luꞈ ngeh, tsawˇ haˬ yawˬ gʼaˬ na luꞈ, yawˬ ha-euˬ gʼawˇ mawˇ shaˬ zahˬ guˆ gaˆ maˬ ya puˬ ni, yawˬ ha gʼaˇ duˬ yawˬ ha aˇ poeˬ ya dawˆ meh.

Doˆ-iˇ 30:14

Nyiˬ tseˇ kʼoꞈ laꞈ taˆ paw-euˬ kʼaˬ dzeˇ zaˬ dawˬ tawˆ luꞈ, tsawˇ seˬ gʼoˆ ngeh tsawˇ myahˇ ya dawˆ-awˇ, yawˬ ha-ahˇ doˇ-eu pyuˇ kʼawꞈ, tiˬ poˆ tehꞈ-ehˇ ya dawˆ meh.

Doˆ-iˇ 30:16

Iˇsaˬleˬlaˆ tsawˇ haˬ deuˬ jawˇ gaˇ, pyuˇ heu deuˬ taꞈ uiˬ-awˇ, ngaˇ jawˇ-eu sehˬ gʼawˆ gʼaˇ duˬ zmˬ-awˬ. Heu-aˬ, aˬ yawꞈ maꞈ neh, yawˬ ha-euˬ gʼawˇ mawˇ gʼaˇ duˬ taꞈ uiˬ taˬ-euˬ pyuˇ pyeuꞈ-awˇ, aˬ yawꞈ maꞈ-ahˇ ngaˇ noeˬ keuˆ-eu laꞈ kʼoeˇ haw piˇ nehˬ ma.”

Doˆ-iˇ 38:26

Heu-aˬ, Iˇsaˬleˬlaˆ tsawˇ jeuˬ-euˬ tsawˇ seˬ jaˇ laˇ laꞈ kʼoeˇ tsawˇ myahˇ kʼaˇ ahˇ-eu tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ, kaˇ daˬ-ahˇ tsaˬ ni taꞈ uiˬ taˬ-euˬ pyuˇ meh. Jaˇ laˇ laꞈ kʼoeˇ tsawˇ myahˇ ahˇ-eu, nyiˬ tseˇ kʼoꞈ laˬ taˆ paw-euˬ tsawˇ haˬ dawˬ tawˆ luꞈ, koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Dawqdaq 22:2

Smˇ muiˬ iˇ shaˬ maˬ beu-eu tiˬ tsahˇ jaˆ meh. Nyiˬ gʼaˬ luꞈ-ahˇ Sahˬpaˬ Miˬyehˇ beh-euˬ meh.

Yeˬsaˬgeˬlaˇ 45:16

“Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, lawˇ-eu shehˇ-eu heu deuˬ Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ zaˬ yo jawˇ gaˇ ya yuˇ laꞈ meh.

Uˬ duˬ 17:11

Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Teu baˬ da neh, tsawˇ haˬ zaˬ-euˬ iˬ baˇ sha dzeh-eu gʼaˇ duˬ, shiˬ kʼaˇ ngeuˇ-eu dawˬ tawˆ luꞈ lawˇ duˬ kʼoeˇ taˆ ya shehˆ daˆ meh lehˇ Sahˬpaˬ Miˬyehˇ dawˬ biꞈ taˬ-euˬ meh. Saꞈ laˇ pyeuꞈ-eu shiˬ-aˬ, iˬ baˇ yuˇ dzeh nya-eu meh.

Bawˇtsahˬ 31:50

Kʼoeˇ miˇ neh, nga maꞈ yawˬ gʼaˬ na luꞈ yawˬ ha neh za-euˬ shuiˇ myawˬ guˇ deuˬ, laꞈ duꞈ deuˬ, naˇ mehˇ naˇ yoˆ deuˬ, laꞈ behˬ deuˬ, naˬ bawˇ naˬ yoˆ deuˬ hawˇ-eu lahˇ dah deuˬ yuˇ laꞈ-awˇ, Sahˬpaˬ Miˬyehˇ nga maꞈ-ahˇ haw piˇ nehˬ laꞈ ni, nga maꞈ-euˬ saꞈ laˇ aˇ poeˬ aˬ yawꞈ-ahˇ damˬ nehˬ-eu ma.”

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Gawˇlawˇsehˇ 3:25

Maˬ muiˬ-eu jeˬ mˇ-eu tsawˇ haˬ-aˬ, yawˬ ha neh kʼaˇ mˇ-euˬ loꞈ-ehˇ kʼehˬ nehˬ kʼaˆ nehˬ gaˇ ya daˬ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬzaˬ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ-eu meh.