Doˆ-iˇ 30:13 - Akha

¹³ Tsawˇ seˬ yuˇ ngeh tsawˇ myahˇ kʼaˇ dawˆ-euˬ tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ pyuˇ ya dawˆ meh. Tsawˇ haˬ yawˬ gʼaˬ na luꞈ, kʼoeˇ loꞈ-ehˇ pyuˇ dawˆ-awˇ, ngaˬ-ahˇ ya damˬ meh.

Doˆ-iˇ 30:13 ပူးပေါင်းရင်းမြစ်များ

Aˇ dahˬ 23:15

Pyuˇ heu myaˆ ni tehꞈ-aˬ, aˇ nyaꞈ yaw kaˬ tiˬ jeˬ-iˬ ehˇ nyaꞈ maˬ nyeuˆ-aˇ. Nawˬ-euˬ nymˇ dahˬ-ahˇ kʼoeˇ gaˇ baꞈ pahˬ-iˇ-awˬ.”

2 Sahˬpaˬ 12:4

Piˇ ma deuˬ-ahˇ Yawˇshaˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ myah myah luꞈ lawˇ laˇ shehˇ laˇ-eu deuˬ neh damˬ-euˬ pyuˇ maˬ ehˇ, nui ma keuˆ-awˇ damˬ nehˬ laˇ-euˬ pyuˇ maˬ ehˇ, lawˇ gaˇ shehˇ gaˇ taꞈ leˇ-awˇ kʼaˇ za laˇ-euˬ pyuˇ dawˬ tawˆ luꞈ, Uˬ duˬ tahˬ nymˇ nymˇ ma laꞈ kʼoeˇ jeˬ hmˬ taˬ-awˬ.

2 Sahˬpaˬ 12:5

Piˇ ma aˬ yawꞈ gʼaˬ yawꞈ, yawˬ ha lawˇ-eu shehˇ-eu jeˬ kʼaˇ mˇ ngeh za-euˬ pyuˇ deuˬ jeˬ hmˬ-awˇ, Uˬ duˬ tahˬ nymˇ nymˇ ma laˆ saˆ muiˬ gaˇ, kʼaˇ loˬ-eu loꞈ-ehˇ ya zmˬ meh.”

Doˆ-iˇ 30:14

Nyiˬ tseˇ kʼoꞈ laꞈ taˆ paw-euˬ kʼaˬ dzeˇ zaˬ dawˬ tawˆ luꞈ, tsawˇ seˬ gʼoˆ ngeh tsawˇ myahˇ ya dawˆ-awˇ, yawˬ ha-ahˇ doˇ-eu pyuˇ kʼawꞈ, tiˬ poˆ tehꞈ-ehˇ ya dawˆ meh.

Doˆ-iˇ 38:24

Muiˬ-eu shawˇ-eu Sehˬ gʼawˆ gʼaˇ duˬ, Sahˬpaˬ Miˬyehˇ-ahˇ damˬ nehˬ-eu shuiˇ dawˬ tawˆ luꞈ, kaˇ daˬ-ahˇ tsaˬ ni saˆ haw ngeh, koꞈ yaˇ jawꞈ-i byah-eu meh.

Doˆ-iˇ 38:26

Heu-aˬ, Iˇsaˬleˬlaˆ tsawˇ jeuˬ-euˬ tsawˇ seˬ jaˇ laˇ laꞈ kʼoeˇ tsawˇ myahˇ kʼaˇ ahˇ-eu tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ, kaˇ daˬ-ahˇ tsaˬ ni taꞈ uiˬ taˬ-euˬ pyuˇ meh. Jaˇ laˇ laꞈ kʼoeˇ tsawˇ myahˇ ahˇ-eu, nyiˬ tseˇ kʼoꞈ laˬ taˆ paw-euˬ tsawˇ haˬ dawˬ tawˆ luꞈ, koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Yeˬsaˬgeˬlaˇ 45:12

“Naw maꞈ-euˬ daˇ leuˇ-aˬ, heu loꞈ-ehˇ ya bi tsaˬ meh. Nyiˬ tseˇ geˬlahˬ-euˬ tiˬ sheˬgeˬ, koꞈ tseˇ sheˬgeˬ-euˬ tiˬ miˇ naˆ meh.

Uˬ duˬ 27:25

Aˇ poeˬ kʼaˇ daˇ tsehˆ-euˬ dawˬ tawˆ luꞈ, kaˇ daˬ-ahˇ ya bi tsaˬ meh.

Uˬ duˬ 27:3

Nyiˬ tseˇ kʼoꞈ-ahˇ neh koꞈ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ-euˬ aˇ poeˬ-aˬ, uˬ duˬ tahˬ nymˇ-ahˇ zmˬ-eu pyuˇ maˇ byaˆ ngaˬ tseˇ byaˆ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Bawˇtsahˬ 18:16

Zaˬ dehꞈ le-euˬ ba la tiˬ siˬ byah laˇ naˇ, aˇ poeˬ daˇ tsehˆ taˬ-euˬ jaˆ-eu loꞈ-ehˇ, kaˇ-ahˇ tsaˬ-eu pyuˇ maˇ byaˆ ngaˬ byaˆ biꞈ-awˇ ya zeuˇ kʼoꞈ geuꞈ meh.

Bawˇtsahˬ 3:47

Aˬ yawꞈ gʼaˬ yawꞈ gʼaˇ duˬ, kaˇ-ahˇ tsaˬ-eu pyuˇ maˇ byaˆ ngaˬ yaˇ byaˆ ya biꞈ meh.

Bawˇtsahˬ 7:67

Aˬ yawꞈ neh yuˇ laꞈ-euˬ lawˇ-eu je-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-euˬ jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

Bawˇtsahˬ 7:86

Yaw saw jeˬ dawˆ ahˇ taˬ-euˬ shuiˇ kʼmˬ maˬ kʼoeˇ tseˇ nyiꞈ kʼmˬ-aˬ, aˬ yawꞈ kʼmˬ yawꞈ kaˇ-ahˇ tsaˬ-awˇ, shiꞈ ja byah-eu meh. Shuiˇ kʼmˬ maˬ kʼoeˇ deuˬ dawˬ tawˆ luꞈ yehꞈ kaˇ oeˬ ja byah-eu meh.

Maꞈtehˬ 17:24

Yeˬsuˇ hawˇ-eu aˬ yawꞈ-euˬ zaˬ lahˇ deuˬ Gaˬbeˬneˬoˬ meuˬ-ahˇ oe keuˆ ngeh, Uˬ duˬ tahˬ nymˇ nymˇ ma-euˬ kawˬ taꞈ-eu tsawˇ haˬ deuˬ Beˬtuˆluˆ jawˇ gaˇ oe-awˇ, “Naw maꞈ-euˬ saˬ laˬ Uˬ duˬ tahˬ nymˇ nymˇ ma-euˬ kawˬ maˬ doˆ-a loˇ” lehˇ naˇ haˬ ngeh,

Maꞈtehˬ 21:12

Uˬ duˬ tahˬ nymˇ nymˇ ma laꞈ kʼoeˇ Yeˬsuˇ uˇ leˇ-awˇ, ahˬ taꞈ zeuˇ taꞈ luꞈ-eu tsawˇ haˬ dawˬ tawˆ luꞈ-ahˇ teh doˆ-euˬ meh. Pyuˇ dawˬ paˇ-eu tsawˇ haˬ deuˬ-euˬ hawˬ jeh hawˇ-eu, lawˇ-eu shehˇ-eu yaˇ miˇ kʼaˬ kʼoeˬ ahˬ-eu tsawˇ haˬ deuˬ-euˬ nuiˇ mahˬ deuˬ, aˬ yawꞈ ngawˬ dzeh nehˬ-euˬ meh.

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”