Doˆ-iˇ 30:1 - Akha

¹ “Aˬkaˬshaˇ daˇ kawˬ yuˇ-awˇ, yaw saw jeˬ doꞈ damˬ-eu lawˇ duˬ tiˬ hmˬ jahˇ-awˬ.

Doˆ-iˇ 30:1 ပူးပေါင်းရင်းမြစ်များ

1 Sahˬpaˬ 6:20

Aˇ lawˆ kʼoeˇ lawˆ-aˬ, yaw mahˇ paw ngaˬ lmˇ, yaw jeˇ paw ngaˬ lmˇ, yaw goˇ paw ngaˬ lmˇ byah-awˇ, aˇ lawˆ lawˆ lah-ehˇ maˇ jawˆ ni gʼeh-eu shuiˇ neh yaw taˬ-euˬ meh.

1 Sahˬpaˬ 6:22

Uˬ duˬ tahˬ nymˇ nymˇ ma-euˬ laꞈ kʼoeˇ paw kaˇ pyawˇ yawˬ pyawˬ na luꞈ shuiˇ yaw taˬ-awˇ, Muiˬ dui shawˇ dui dui-eu jawˇ duˬ-ahˇ jaˆ-eu lawˇ duˬ-ahˇ kʼawꞈ, shuiˇ neh yaw taˬ-euˬ meh.

1 Sahˬpaˬ 7:48

Uˬ duˬ tahˬ nymˇ nymˇ ma laꞈ kʼoeˇ zmˬ-eu gʼaˇ duˬ, shuiˇ neh jahˇ taˬ-euˬ keu ka deuˬ-ahˇ kʼawꞈ, Sawˇlaˬmoˬ neh bi jahˇ-euˬ meh. Shuiˇ neh jahˇ taˬ-euˬ lawˇ duˬ, Miˬyehˇ mehˬ shi kaˬ muˇ damˬ nehˬ-eu gʼaˇ duˬ shuiˇ hawˬ jeh,

1 Laˬsaˬbaˬ 28:18

yaw saw jeˬ doꞈ damˬ-eu lawˇ duˬ jahˇ gaˇ hawˇ-eu, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ taˆ aˬ dahˇ cawˬ ja taˬ-euˬ jeˬluˇbeˬ mawˇ kawˇ gʼaˇ duˬ laˆ lawˬ jahˇ gaˇ, maˇ jawˆ ni gʼeh-eu shuiˇ aˇ myaˆ ni ya zmˬ-eu maˬ ehˇ, aˬ yawꞈ mehˬ duˬ nehˬ-euˬ meh.

1 Laˬsaˬbaˬ 6:49

Aˬloˬ hawˇ-eu aˬ yawꞈ-euˬ zaˬ deuˬ uˆ deuˬ-aˬ, tsiˇ yaw saw jeˬ doꞈ damˬ-eu gaˇ hawˇ-eu, lawˇ duˬ kʼoeˇ taˆ dzah puiˆ-awˇ lawˇ-eu jeˬ lawˇ nehˬ-eu gaˇ mˇ-eu meh. Muiˬ dui shawˇ dui dui-eu jawˇ duˬ laꞈ kʼoeˇ uˬ duˬ tahˬ-eu hawˇ-eu, Iˇsaˬleˬlaˆ tsawˇ jeuˬ-ahˇ Miˬyehˇ iˬ baˇ pyehˬ nehˬ laꞈ ni ya lawˇ ya shehˇ-eu gaˇ dawˬ tawˆ luꞈ, aˬ yawꞈ maꞈ kʼoeˇ taˆ jaˆ-eu meh. Miˬyehˇ-euˬ zaˬ kʼaˆ pyeuꞈ-eu Moˇseˬ neh mehˬ nehˬ tsoˆ nehˬ-euˬ loꞈ-ehˇ, gaˇ kʼoeˇ deuˬ dawˬ tawˆ luꞈ-ahˇ aˬ yawꞈ maꞈ ya mˇ-eu meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Doˆ-iˇ 30:10

Iˬ baˇ ya buˬ-iˇ ni, tiˬ kʼoꞈ tiˬ poˆ sehꞈ-awˇ lawˇ-euˬ jeˬ zaˬ-eu shiˬ yuˇ-awˇ, lawˇ duˬ kʼoeˇ hmˬ-euˬ uˬ coeˇ oeˬ kahˬ-ahˇ toeˬ lehꞈ-eu laꞈ kʼoeˇ, lawˇ duˬ shawˇ-eu zahˇ Aˬloˬ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yawˬ kʼoꞈ na luꞈ kʼoeˇ loꞈ-ehˇ ya mˇ meh. Lawˇ duˬ heu hmˬ-aˬ, maˇ maˇ ni shawˇ jehˆ ni gʼeh-awˇ, Sahˬpaˬ Miˬyehˇ pyeuꞈ-eu ngaˬ-ahˇ damˬ nehˬ taˬ-euˬ lawˇ duˬ ya bi pyeuꞈ meh.”

Doˆ-iˇ 30:2

Tiˬ caˆ oeˬ bawˬ byah ni taꞈ-awˇ, yaw goˇ paw nyiˬ caˆ bi goˇ-awˬ. Laꞈ coeˇ oeˬ coeˇ-ahˇ tsoꞈ doˆ-eu uˬ coeˇ oeˬ kahˬ kʼawꞈ, tiˬ poˆ tehꞈ-ehˇ, lawˇ duˬ aˬ yawꞈ-ahˇ bi tsoꞈ tawꞈ-awˬ.

Doˆ-iˇ 31:8

hawˬ jeh hawˇ-eu kʼmˬ maˬ oeˬ tsaꞈ deuˬ maˬ ehˇ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu kʼoeˇ gaˇ taꞈ leˇ-eu keu ka deuˬ maˬ ehˇ, yaw saw jeˬ doꞈ-awˇ damˬ-eu lawˇ duˬ maˬ ehˇ,

Doˆ-iˇ 35:15

yaw saw jeˬ doꞈ damˬ-eu lawˇ duˬ hawˇ-eu kʼoeˇ-euˬ baꞈ kawˬ maˬ ehˇ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu doꞈ-awˇ damˬ-eu yaw saw jeˬ maˬ ehˇ, sehˬ gʼawˆ laˇ gʼoˆ-ahˇ taw-eu saˬ paˇ maˬ ehˇ,

Doˆ-iˇ 39:38

shuiˇ neh jahˇ taˬ-euˬ lawˇ duˬ, tseˇ doˆ-euˬ deuˬ-ahˇ lehꞈ-eu tsiˇ, doꞈ-awˇ damˬ-eu yaw saw jeˬ, sehˬ gʼawˆ gʼoˆ kʼehˬ-ahˇ taw-eu saˬ paˇ,

Doˆ-iˇ 40:5

Shuiˇ neh jahˇ taˬ-euˬ yaw saw jeˬ doꞈ damˬ-eu lawˇ duˬ kʼoeˇ, dawˬ ma saˇ jaˇ bahˬ keuˆ mehˬ shi baꞈ taˬ-awˇ, sehˬ gʼawˆ gʼoˆ kʼehˬ-ahˇ saˬ paˇ taw-awˬ.

Yeˬsaˬgeˬlaˇ 41:22

daˇ kawˬ neh jahˇ taˬ-euˬ lawˇ duˬ-ahˇ duˇ leˇ-eu tiˬ hmˬ jaˆ-eu meh. Yaw goˇ paw smˬ caˆ byah-awˇ, yaw jeˇ paw nyiˬ caˆ byah-eu meh. Laꞈ coeˇ-ahˇ jahˇ tsoꞈ taˬ-euˬ aˬ kuiˇ hawˇ-eu dawˬ dah nuiˇ daˬ-aˬ, daˇ kawˬ pyeuꞈ-awˇ, byaˇ gʼaˇ yawˬ pyawˬ na luꞈ daˇ kawˬ neh jahˇ taˬ-euˬ meh. “Heu-aˬ, Sahˬpaˬ Miˬyehˇ-euˬ mehˬ shi jaˆ-eu hawˬ jeh meh” lehˇ, tsawˇ haˬ kʼoeˇ gʼaˬ ngaˬ-ahˇ ehˇ-eu meh.

Uˬ duˬ 4:18

Sehˬ gʼawˆ laꞈ kʼoeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ neh lehꞈ-awˇ, dzehˬ laˇ taˬ-euˬ shiˬ kʼoeˇ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ dawˬ pehˬ-ahˇ ya shehˆ meh.

Uˬ duˬ 4:7

Kʼoeˇ naˇ, Sehˬ gʼawˆ laꞈ coeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ ui cuiˆ yuˇ-awˇ ya lehꞈ meh. Dzehˬ laˇ-euˬ shiˬ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu lawˇ duˬ-euˬ dawˬ pehˬ-ahˇ ya shehˆ meh.

Bawˇtsahˬ 3:31

Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 4:11

Shuiˇ neh jahˇ taˬ-euˬ lawˇ duˬ kʼoeˇ taˆ, nyoeˇ leuˬ leuˬ-eu saˬ paˇ kʼawˬ-awˇ, shawˇ jehˆ ni gʼeh-eu shaˬ kʼoˆ dehˬ kaˬ-awˇ, baꞈ kawˬ ya cawˬ ahˇ taˬ meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

Panmaeq 8:3

Shuiˇ neh jahˇ taˬ-euˬ tsiˇ yaw saw jeˬ doꞈ duˬ yuˇ luꞈ-eu mˬ taˆ gʼaˬ kʼehˇ yawˬ gʼaˬ yawˬ oe-awˇ, lawˇ duˬ-ahˇ yawꞈ le-euˬ meh. Miˬyehˇ-euˬ tsawˇ haˬ dawˬ tawˆ luꞈ guiˬ lahˬ shaˇ gaˇ geuꞈ-eu gʼaˇ duˬ hawˇ-eu, dzoeˬ dzaˬ nuiˇ mahˬ mehˬ shi jaˆ-eu lawˇ duˬ kʼoeˇ taˆ bi lawˇ-eu gʼaˇ duˬ, aˬ yawꞈ-ahˇ tsiˇ yaw saw jeˬ gʼawˬ mya ni biꞈ taˬ-euˬ meh.