Doˆ-iˇ 3:9 - Akha

⁹ Ngaˬ-euˬ tsawˇ haˬ deuˬ ngoeˇ luꞈ-eu teˇ saˇ-ahˇ, ngaˇ aˬ diˇ aˬ maˇ ya gaˬ gʼaˬ-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ luꞈ-eu ngaˇ mawˇ duˬ gʼaˬ-euˬ ma.

Doˆ-iˇ 3:9 ပူးပေါင်းရင်းမြစ်များ

Aˇ dahˬ 16:11

Nawˇ aˬ li tiˬ li jawˇ le-awˇ, aˬ li kʼoeˇ li-ahˇ Iˇshaˬmeˬlaˇ lehˇ ya myahˇ nehˬ tehꞈ-a. Aˬ jeˬ miˇ neh ehˇ naˇ, nawˇ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

Aˇ dahˬ 31:12

Aˬ yawꞈ ehˇ-eu, Haw sheˇ. Zaˬ shaˇ luꞈ-eu jeˬ zaˬ aˬ buˬ deuˬ dawˬ tawˆ luꞈ, yaw byaꞈ byaꞈ-ehˇ gʼeh-eu deuˬ hawˇ-eu, yaw kawˆ kawˆ-ehˇ byaꞈ-eu deuˬ tehꞈ maˬ ngeuˇ nga loˇ. Laˬbaˬ neh nawˬ-ahˇ kʼaˇ jahˇ nehˬ-euˬ dawˬ tawˆ luꞈ ngaˇ siˬ nya-eu miˇ neh, nawˬ-ahˇ muiˬ leˇ ni ngaˇ heu loꞈ-ehˇ jahˇ nehˬ laꞈ-eu ma.

2 Sahˬpaˬ 13:4

Kʼoeˇ ngeh jawˇ, Yeˬhawˇhaˆ-aˬ, Sahˬpaˬ Miˬyehˇ-ahˇ guiˬ lahˬ shaˇ-euˬ meh. Suˇliˆ sahˬ paˬ Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ kʼehˬ nehˬ gaˇ Sahˬpaˬ Miˬyehˇ ya mawˇ ngeh, Yeˬhawˇhaˆ-euˬ guiˬ lahˬ shaˇ dawˬ-ahˇ naˇ haˬ nehˬ-euˬ meh.

2 Sahˬpaˬ 20:5

“Sahˬpaˬ Miˬyehˇ-euˬ tsawˇ haˬ deuˬ-ahˇ uˆ lahˇ-eu gʼaˬ pyeuꞈ-eu Heˬsaˬgiˇ-ahˇ, heu loꞈ-ehˇ ehˇ nehˬ-awˬ. ‘Nawˬ poeˬ Daˬbiˇ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, nawˬ-euˬ shaˇ dawˬ ya gaˬ-awˇ, nawˇ myaˆ biˇ yoeˇ le gaˇ ya mawˇ-euˬ ma. Nawˬ-ahˇ ngaˇ laˆ taˬ nehˬ-awˇ, smˬ nah laꞈ kʼoeˇ Uˬ duˬ tahˬ nymˇ nymˇ ma-ahˇ nawˇ ya le tehꞈ-a.

Neˬhaˬmiˇ 9:9

Nga maꞈ-euˬ poeˬ piˬ deuˬ Iˇjiˇtuˆ meuˬ laꞈ kʼoeˇ, shaˬ zahˬ naꞈ-eu nawˇ mawˇ-euˬ meh. Caw ba le-awˬ lehˇ aˬ yawꞈ maꞈ guˇ-eu dawˬ, laˆ shaˆ yaw neˇ dawˬ peh nawˇ gaˬ-euˬ meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 9:14

Yeˬluˇsaˬlehˬmehˬshi yawꞈ-awˇ, gaˇkawˆheu dzawˇmehˬ-eu laꞈkʼoeˇ, nawˬ-ahˇbi ja ceuˬnehˬlaꞈ-awˬ. Nawˇka kʼoꞈnehˬlaꞈ-euˬ miˇ neh, ngaˇlaˬkʼaˬcehˇ nui kʼahˇshiˇma.

Doˆ-iˇ 1:11

Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 1:8

Kʼoeˇ ngeh, Yoˇsehˆ-ahˇ maˬ siˬ nya-eu sahˬ paˬ yaw shuiꞈ tiˬ gʼaˬ Iˇjiˇtuˆ miˇ kʼahˬ-ahˇ uˆ lahˇ-euˬ meh.

Doˆ-iˇ 2:23

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Doˆ-iˇ 2:25

Iˇsaˬleˬlaˆ tsawˇ haˬ deuˬ aˬ cawˬ laꞈ oˆ zaˬ kʼaˆ ya geuꞈ luꞈ gaˇ aˬ yawꞈ ya mawˇ ngeh, aˬ yawꞈ maꞈ gʼaˇ duˬ shaˇ noeˬ-euˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Dawˬmehˬ 26:7

Kʼoeˇ ngeh, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuˬ-eu Sahˬpaˬ Miˬyehˇ-ahˇ, caw ba le-awˬ lehˇ nga maꞈ guˇ-euˬ ma. Nga maꞈ guˇ-eu teˇ saˇ-ahˇ aˬ yawꞈ ya gaˬ-awˇ, nga maꞈ ya daˬ luꞈ-eu jeˬ-ahˇ maˬ ehˇ, ya shaˬ ya zahˬ luꞈ gaˇ maˬ ehˇ, noeˬ dui noeˬ duiˇ taˬ-euˬ gaˇ maˬ ehˇ, aˬ yawꞈ ya mawˇ-euˬ meh.

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”