Doˆ-iˇ 3:5 - Akha

⁵ Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Doˆ-iˇ 3:5 ပူးပေါင်းရင်းမြစ်များ

Doˆ-iˇ 19:12

Tsawˇ haˬ maˬ bi le tsehˆ-eu gʼaˇ duˬ, gawˬ jawˬ heu siˬ jawˬ jawˬ-ehˇ kmˇ tuiˆ mˇ jawˬ taˬ-awˇ, gawˬ jawˬ-ahˇ tiˬ gʼaˬ-iˬ maˬ ya le daˆ-eu uˬ taꞈ, dawˬ peh tehꞈ-ehˇ kʼawꞈ maˬ ya le peh-a lehˇ aˬ yawꞈ maꞈ-ahˇ ehˇ nehˬ-awˬ. Tsawˇ haˬ tiˬ gʼaˬ na, gawˬ jawˬ-ahˇ laˆ ciˆ leˇ naˇ, ya shiˇ tehꞈ-a.

Doˆ-iˇ 19:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ zaꞈ ka-iˇ-awˇ, ngaˬ-ahˇ haw laˇ-eu gʼaˇ duˬ, kmˇ tuiˆ maˬ ya tsehˆ laˇ-a lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-iˇ-awˬ. Aˬ yawꞈ maꞈ kmˇ tuiˆ laˇ tsehˆ te lehˇ ngeuˇ naˇ, tsawˇ haˬ gʼawˬ mya ni ya shiˇ tehꞈ-a.

Doˆ-iˇ 4:28

Kʼoeˇ naˇ, aˬ joˆ-ehˇ ya ngehˬ ya tmˇ-eu gaˇ kawˆ, Sahˬpaˬ Miˬyehˇ neh Moˇseˬ-ahˇ kʼaˇ ehˇ nehˬ-euˬ jeˬ dawˬ tawˆ luꞈ maˬ ehˇ, Sahˬpaˬ Miˬyehˇ neh bi mˇ-euˬ zahˬ leˇ paˬ-ehˇ gʼeh-eu jeˬ gaˇ kawˆ dawˬ tawˆ luꞈ maˬ ehˇ, Aˬloˬ-ahˇ Moˇseˬ dzawˇ nehˬ-euˬ meh.

Dawˬ tsoˆ 5:1

Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Gʼaˬkʼehˇ 7:33

Sahˬpaˬ Miˬyehˇ ehˇ-eu, ‘Nawˬ-euˬ sehˬ nawˆ lehˆ-awˬ. Nawˇ yawꞈ luꞈ-eu jawˇ duˬ teu tsahˇ muiˬ-eu shawˇ-eu pehˇ tsahˇ meh.

Dawˬmehˬ 23:14

Nawˬ-euˬ taˆ-ahˇ, zahˇ sahˇ kʼoꞈ-ahˇ tsaˬ ni yaw muiˬ yaw shawˇ shawˇ-ehˇ bi jaˆ-awˬ. Aˬ jeˬ miˇ neh ehˇ naˇ, nawˬ-ahˇ haw piˇ-eu gʼaˇ duˬ maˬ ehˇ, nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba-eu gʼaˇ duˬ maˬ ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ taˆ laꞈ kʼoe jawˇ-eu meh. Sahˬpaˬ Miˬyehˇ nawˬ-ahˇ maˬ ya byehˇ dzeh yaꞈ-eu gʼaˇ duˬ, maˬ muiˬ maˬ shawˇ-eu jeˬ maˬ mˇ ni jawˇ-awˬ.

HeˬByehˇ 12:20

Aˬ jeˬ miˇ neh ehˇ naˇ, “Gawˬ jawˬ heu jawˬ-ahˇ kʼaˇ tahˬ ciˆ-euˬ jeˬ zaˬ tiˬ mawˇ-ahˇ keuˆ ni, kʼaˬ lo neh biˬ sehꞈ gaˇ ya daˬ meh” lehˇ ehˇ taˬ-euˬ dawˬ kʼoeˇ dawˬ-ahˇ aˬ yawꞈ maꞈ maˬ pi coeˇ-a.

Yawˇshuˆ 5:15

Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ ehˇ-eu, “Nawˬ-euˬ sehˬ nawˆ lehˆ-awˬ. Nawˇ yawꞈ luꞈ-eu jawˇ duˬ heu muiˬ-eu shawˇ-eu jawˇ duˬ pyeuꞈ-eu meh.” Yawˇshuˆ gʼeh aˬ yawꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

2 Beˬtuˆluˆ 1:18

Muiˬ-eu shawˇ-eu gawˬ jawˬ kʼoeˇ taˆ aˬ yawꞈ nehˬ-ehˇ nga maꞈ ya jawˇ luꞈ ngeh, teˇ saˇ kʼoeˇ saˇ mˬ-ahˇ neh mahˇ doˆ le gaˇ nga maꞈ-euˬ naˬ bawˇ neh ya gaˬ-euˬ ma.