Doˆ-iˇ 3:16 - Akha

¹⁶ Iˇ-awˬ. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-awˇ, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu ngaˇ gʼaˬ, nawˬ-euˬ mehˬ shi doˆ le-euˬ meh lehˇ ehˇ nehˬ-awˬ. Aˬ yawꞈ maꞈ jawˇ gaˇ ngaˇ oe-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ nehˬ-euˬ gaˇ kawˆ, ngaˇ ya mawˇ gʼaˬ-euˬ meh lehˇ ehˇ nehˬ-awˬ.

Doˆ-iˇ 3:16 ပူးပေါင်းရင်းမြစ်များ

Aˇ dahˬ 1:7

Kaˬ lawˆ kʼoeˇ hmˬ-euˬ kʼoeˇ taˆ paw jaˆ-eu iˇ cuꞈ hawˇ-eu, uˬ moˆ paw jaˆ-eu iˇ cuꞈ-ahˇ Miˬyehˇ biˇ paˆ nehˬ-euˬ meh.

Aˇ dahˬ 21:1

Sahˬpaˬ Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ, Saˬlaˇ-ahˇ guiˬ lahˬ biꞈ-euˬ meh.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

Aˇ dahˬ 50:24

Aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ nehˬ-eu, “Ngaˇ ziˇ jiˇ le shaw-iˬ miˇ-a. Ehˇ kʼawꞈ, Miˬyehˇ naw maꞈ-ahˇ yaw muiˬ paˬ-ehˇ ngehˬ gʼeh dah teˬ nehˬ-eu laꞈ kʼoeˇ, miˇ kʼahˬ heu kʼahˬ laꞈ kʼoeˇ neh naw maꞈ-ahˇ sheuˬ doˆ gʼeh-awˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh saˇ jaˇ dzaˬ tsehˆ taˬ-euˬ miˇ kʼahˬ-ahˇ sheuˬ gʼeh nehˬ laꞈ tehꞈ-a” lehˇ ehˇ nehˬ-euˬ meh.

Jaceuq 102:21

Miˇ kʼahˬ tsawˇ jeuˬ dawˬ tawˆ luꞈ uiˬ laˇ-awˬ. Sahˬpaˬ Miˬyehˇ-ahˇ uˬ duˬ tahˬ laˇ ngeh, Ziˇoˬ gawˬ jawˬ-ahˇ aˬ yawꞈ-euˬ tsawˇ myahˇ guˇ gaˬ-awˇ, Yeˬluˇsaˬlehˬ meuˬ laꞈ kʼoeˇ aˬ yawꞈ-ahˇ ja ceuˬ tehꞈ-a.

Jaceuq 33:18

SahˬpaˬMiˬyehˇ-euˬmyaˆnuiˆ-aˬ, yawꞈ-ahˇzeu-eu tsawˇhaˬhawˇ-eu, yawꞈgaˬgaˇgʼoe-eu tsawˇhaˬ-ahˇ, maˬtsehˆleˇni haw piˇ-eu meh.

Jaceuq 8:4

tsawˇhaˬzaˬ-ahˇnawˇnoeˬpaˬ-ehˇ, tsawˇhaˬzaˬ aˬjeˬ-a. Teˬ-eu tsawˇhaˬloˆni gʼeh gaˇ, nawˇkʼahˇkʼoꞈnehˬ-eu meh.

Doˆ-iˇ 1:8

Kʼoeˇ ngeh, Yoˇsehˆ-ahˇ maˬ siˬ nya-eu sahˬ paˬ yaw shuiꞈ tiˬ gʼaˬ Iˇjiˇtuˆ miˇ kʼahˬ-ahˇ uˆ lahˇ-euˬ meh.

Doˆ-iˇ 13:19

Yoˇsehˆ neh Iˇsaˬleˬlaˆ tsawˇ haˬ deuˬ-ahˇ, aˬ yawꞈ neh ehˇ-euˬ loꞈ-ehˇ mˇ ma lehˇ saˇ jaˇ bi dzaˬ-euˬ loꞈ-ehˇ, Moˇseˬ-aˬ, Yoˇsehˆ-euˬ gʼawˇ mawˇ-ahˇ aˬ yawꞈ nehˬ-ehˇ yuˇ gʼeh-euˬ meh. “Miˬyehˇ naw maꞈ-ahˇ ka kʼoꞈ le ngeh, ngaˬ-euˬ gʼawˇ mawˇ-ahˇ, miˇ kʼahˬ heu kʼahˬ laꞈ kʼoeˇ neh naw maꞈ ya yuˇ doˆ gʼeh meh” lehˇ, Yoˇsehˆ neh ehˇ taˬ yaꞈ-euˬ jaˆ-eu meh.

Doˆ-iˇ 15:14

Gaˇ kawˆ heu aˬ cawˬ tsawˇ jeuˬ deuˬ ya gaˬ-awˇ, aˬ yawꞈ maꞈ guˆ dui dui-eu laꞈ kʼoeˇ yaw dzuˬ dzuˬ-euˬ meh. Piˇliˇtiˆ tsawˇ haˬ deuˬ noeˬ shaˬ dui dui meh.

Doˆ-iˇ 17:5

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ laꞈ kʼoeˇ, aˬ yuiꞈ aˬ tsu tiˬ paˆ na deuˬ sheuˬ-awˇ, mehˬ hu paw iˇ huˬ gʼeh-awˬ. Nawˬ neh Niˬlaˇ lawˇ baˬ-ahˇ juiꞈ-euˬ gawˬ yoeˬ kʼoeˇ hmˬ gʼeh yuˇ gʼeh-awˬ.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 2:25

Iˇsaˬleˬlaˆ tsawˇ haˬ deuˬ aˬ cawˬ laꞈ oˆ zaˬ kʼaˆ ya geuꞈ luꞈ gaˇ aˬ yawꞈ ya mawˇ ngeh, aˬ yawꞈ maꞈ gʼaˇ duˬ shaˇ noeˬ-euˬ meh.

Doˆ-iˇ 24:11

Aˬ yawꞈ maꞈ Miˬyehˇ-ahˇ mawˇ-euˬ kʼawꞈ, Miˬyehˇ aˬ yawꞈ maꞈ-ahˇ maˬ laˆ cawˆ nehˬ ni, Miˬyehˇ-euˬ mehˬ shi aˬ yawꞈ maꞈ dzaˬ taꞈ dawˇ taꞈ-awˇ jawˇ-euˬ meh.

Doˆ-iˇ 3:2

Kʼoeˇ ngeh, aˇ bawˇ baw duˆ tiˬ duˆ-euˬ gʼahˇ ceh miˬ dzaˬ doꞈ laˇ-awˇ, miˬ dzaˬ miˬ lmˇ laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ Moˇseˬ mehˬ shi doˆ le-euˬ meh. Baw duˆ kʼoeˇ duˆ-ahˇ miˬ dzaˬ doꞈ luꞈ-eu kʼawꞈ, baw duˆ kʼoeˇ duˆ maˬ puiˆ dzaˬ gaˇ Moˇseˬ ya mawˇ-euˬ meh.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Doˆ-iˇ 4:1

Kʼoeˇ naˇ, Sahˬpaˬ Miˬyehˇ-ahˇ Moˇseˬ ehˇ nehˬ-eu, “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ maˬ jah-ehˇ, ngaˬ-euˬ ehˇ dawˬ maˬ naˇ haˬ ni, ‘Nawˬ-euˬ mehˬ shi Sahˬpaˬ Miˬyehˇ doˆ le--euˬ maˬ ngeuˇ-aˇ’ lehˇ ehˇ laˇ naˇ, ngaˇ aˬ joˆ-ehˇ ya jahˇ nmˇ.”

Doˆ-iˇ 4:29

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ iˇ-awˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ dawˬ tawˆ luꞈ-ahˇ, tiˬ gaˇ kuˇ uiˬ-euˬ meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Doˆ-iˇ 4:5

“Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Sahˬpaˬ Miˬyehˇ nawˬ-euˬ mehˬ shi doˆ le-euˬ gaˇ aˬ yawꞈ maꞈ jah laˇ ni, kʼoeˇ loꞈ-ehˇ jahˇ mehˬ nehˬ-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Luˇkaꞈ 1:68

“Aˬ yawꞈ-euˬ tsawˇ haˬ deuˬ shaˬ gaˇ, ka kʼoꞈ doˆ nehˬ le-euˬ miˇ neh, Iˇsaˬleˬlaˆ Miˬyehˇ pyeuꞈ-eu, SahˬpaˬMiˬyehˇ-ahˇ ja ceuˬ ma.

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

Gʼaˬkʼehˇ 11:30

Aˬ yawꞈ maꞈ kʼoeˇ loꞈ-ehˇ jahˇ-awˇ, Baˬnaˬbaˇ hawˇ-eu Sawˇluˆ aˬ nyaꞈ-ahˇ neh tiˬ tiˆ, Ka li zaˬ aˇ muˇ-euˬ aˬ yuiꞈ aˬ tsu deuˬ jawˇ gaˇ pyuˇ dawˆ ahˇ gʼeh-euˬ meh.

Gʼaˬkʼehˇ 15:14

Aˬ cawˬ tsawˇ jeuˬ laꞈ kʼoeˇ Miˬyehˇ-ahˇ taꞈ-eu aˇ muˇ tiˬ muˇ bi baw laˇ-euˬ laꞈ kʼoeˇ, aˬ cawˬ tsawˇ jeuˬ-ahˇ gʼeh Miˬyehˇ ha geuꞈ dahˬ beh-euˬ gaˇ kawˆ bya cehˆ ni bi siˬ bi mawˇ laꞈ-euˬ kʼoeˇ hmˬ, Siˇmoˬ neh naw maꞈ-ahˇ ja mehˬ gʼaˬ-euˬ meh.

Gʼaˬkʼehˇ 20:17

Pawˇluˆ Meˬleˬduˇ meuˬ-ahˇ jawˇ luꞈ ngeh, Eˇpeˇsu Ka li zaˬ aˇ muˇ-euˬ aˬ yuiꞈ aˬ tsu deuˬ aˬ yawꞈ-ahˇ tahˬ puˬ le-eu gʼaˇ duˬ bi kuˇ leˇ-euˬ meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 5:1

Ka li zaˬ aˇ muˇ-euˬ tsawˇ mawˬ tsawˇ kʼaˆ tiˬ gʼaˬ pyeuꞈ-eu ngaˇ, naw maꞈ-euˬ Ka li zaˬ aˇ muˇ laꞈ kʼoeˇ jawˇ-eu tsawˇ mawˬ tsawˇ kʼaˆ deuˬ-ahˇ heu loꞈ-ehˇ shaˇ-eu ma. Ngaˇ-aˬ, kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ saˇ kiˇ kamˬ-eu tsawˇ haˬ pyeuꞈ-eu loꞈ-ehˇ, Miˬyehˇ tsawˇ haˬ zaˬ-ahˇ Ka li-euˬ yaw shehꞈ kʼahˬ sehˇ pah mehˬ le ngeh, ngaˇ kʼawꞈ yaw shehꞈ kʼahˬ sehˇ kʼoeˇ za ma. Ngaˇ naw maꞈ-ahˇ heu loꞈ-ehˇ shaˇ-eu ma.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.