Doˆ-iˇ 3:12 - Akha

¹² Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Doˆ-iˇ 3:12 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 15:8

Ehˇ kʼawꞈ, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, miˇ kʼahˬ heu kʼahˬ-ahˇ ngaˇ za-euˬ gaˇ kawˆ aˬ joˆ-ehˇ ya siˬ nmˇ” lehˇ, Sahˬpaˬ Miˬyehˇ-ahˇ Aˬbyaˬ naˇ haˬ-euˬ meh.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 31:3

Kʼoeˇ ngeh, “Nawˬ da jawˇ-eu miˇ kʼahˬ-ahˇ, nawˬ-euˬ aˬ yuiꞈ aˬ nyiˇ deuˬ jawˇ gaˇ gʼoꞈ-iˇ-awˬ. Nawˬ nehˬ-ehˇ ngaˇ jawˇ ma” lehˇ, Yaˬkoˆ-ahˇ Sahˬpaˬ Miˬyehˇ ehˇ nehˬ-euˬ meh.

2 Sahˬpaˬ 19:29

Kʼoeˇ naˇ, sahˬ paˬ Heˬsaˬgiˇ-ahˇ Iˇsaˬyaˇ heu loꞈ-ehˇ ehˇ nehˬ-euˬ meh. “Aˬ joˆ-ehˇ pyeuꞈ laˇ-eu gaˇ kawˆ-ahˇ taꞈ leˇ-awˇ, bi siˬ bi mawˇ-eu jeˬ heu loꞈ-ehˇ jaˆ tehꞈ-a. Tsuiꞈ nui kʼoꞈ hawˇ-eu naꞈ yaꞈ kʼoꞈ laꞈ kʼoeˇ, aˬ yawˆ yawꞈ dehꞈ laˇ-euˬ cehˇ aˇ shehꞈ deuˬ tehꞈ-ehˇ nawˇ ya yehˬ dzaˬ tehꞈ-a. Ehˇ kʼawꞈ, na nui kʼoꞈ keuˆ laˇ ngeh, nawˇ cehˇ ka dzaˬ nya-awˇ aˬ gaꞈ yaˇ kmˇ kʼawꞈ mˇ dzaˬ nya tehꞈ-a.

1 Laˬsaˬbaˬ 9:20

Eˇlaˬzaˬ-euˬ aˬ li Piˇnaˬhaˇ gʼaˬ-aˬ, aˬ yawꞈ maꞈ-euˬ kʼoeˇ taˆ haw-eu pyaˆ-eu gʼaˬ tiˬ poˆ geuꞈ-awˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-euˬ meh.

Jaceuq 86:17

Sahˬpaˬ Miˬyehˇ-oˇ, nawˇ muiˬ-eu gaˇ kawˆ bi siˬ bi mawˇ laꞈ. Nawˇ ngaˬ-ahˇ nui saˇ oꞈ-eu jeˬ biꞈ laꞈ-awˇ ngehˬ gʼeh luꞈ gaˇ ya mawˇ ngeh, ngaˬ-ahˇ bye-eu tsawˇ haˬ deuˬ ya shaꞈ dawˇ tehꞈ-a.

Doˆ-iˇ 18:5

Yeˬdaˬyoˇ-aˬ, Moˇseˬ-euˬ miˬ zaˬ hawˇ-eu aˬ yawꞈ-euˬ aˬ li nyiˬ li nehˬ-ehˇ, muiˬ-eu shawˇ-eu gawˬ jawˬ dawˬ peh bawˇ tsahˬ bawˇ dahˇ laꞈ kʼoeˇ, Moˇseˬ sehˬ gʼawˆ gʼawˆ-awˇ jawˇ luꞈ gaˇ oe-euˬ meh.

Doˆ-iˇ 3:1

Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

Doˆ-iˇ 3:13

Ehˇ kʼawꞈ, Moˇseˬ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ ngaˇ iˇ-awˇ, ‘Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ naw maꞈ jawˇ gaˇ ngaˬ-ahˇ kʼehˇ gʼeh leꞈ-euˬ meh’ lehˇ, aˬ yawꞈ maꞈ-ahˇ ngaˇ ehˇ nehˬ ngeh, ‘Aˬ yawꞈ-euˬ tsawˇ myahˇ aˬ joˆ-ehˇ-a’ lehˇ, aˬ yawꞈ maꞈ ngaˬ-ahˇ paˇ naˇ haˬ laˇ naˇ, ngaˇ aˬ joˆ-ehˇ ya ehˇ kʼoꞈ nehˬ nmˇ.”

Doˆ-iˇ 33:14

Sahˬpaˬ Miˬyehˇ ehˇ-eu, “Naw maꞈ nehˬ-ehˇ ngaˇ le-awˇ, naw maꞈ aˬ cawˬ-ahˇ gʼaˬ leˇ-eu tsawˇ jeuˬ bi pyeuꞈ laˇ ma.”

Doˆ-iˇ 4:12

Nawˇ dawˬ ngehˬ nya ni ngaˇ caw ba-awˇ, nawˇ aˬ joˆ-ehˇ ya ngehˬ ya tmˇ-eu ngaˇ mehˬ nehˬ ma.”

Doˆ-iˇ 4:15

Aˬ yawꞈ nehˬ-ehˇ nawˇ ja cawˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ aˬ yawꞈ-ahˇ nawˇ mehˬ nehˬ nya tehꞈ-a. Naw nyaꞈ nyiˬ gʼaˬ luꞈ dawˬ ngehˬ nya ni ngaˇ caw ba-awˇ, aˬ joˆ-ehˇ ya mˇ-eu gaˇ kawˆ naw nyaꞈ-ahˇ ngaˇ mehˬ nehˬ ma.

Doˆ-iˇ 8:27

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ ehˇ taˬ-euˬ loꞈ-ehˇ, smˬ nah gaˇ ma kaˬ-eu bawˇ tsahˬ bawˇ dahˇ laꞈ kʼoeˇ nga maꞈ iˇ-awˇ, aˬ yawꞈ-ahˇ ya lawˇ ya shehˇ meh.”

Iˇsaˬyaˇ 37:30

Kʼoeˇ naˇ, sahˬ paˬ Heˬsaˬgiˇ-ahˇ Iˇsaˬyaˇ heu loꞈ-ehˇ ehˇ nehˬ-euˬ meh. “Aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ, nawˬ-euˬ gʼaˇ duˬ saˇ kiˇ heu loꞈ-ehˇ jaˆ tehꞈ-a. Tsuiꞈ nui kʼoꞈ hawˇ-eu naˬ yaꞈ kʼoꞈ laꞈ kʼoeˇ, bawˇ tsahˬ sahˬ lahˬ jaˆ gaˆ tehꞈ-ehˇ nawˇ ya dzaˬ tehꞈ-a. Ehˇ kʼawꞈ, na nui kʼoꞈ nawˇ cehˇ ya ka dzaˬ-awˇ, aˬ gaꞈ yaˇ kmˇ mˇ-awˇ, aˬ gaꞈ aˇ siˬ kʼawꞈ ya dzaˬ tehꞈ-a.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Bawˇtsahˬ 16:28

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Gaˇ heu deuˬ-ahˇ ngaˇ mˇ mawꞈ-eu miˇ neh mˇ-eu maˬ ngeuˇ-ehˇ, Sahˬpaˬ Miˬyehˇ ngaˬ-ahˇ pyehˬ gʼeh leꞈ-awˇ bi mˇ nehˬ laꞈ-euˬ gaˇ kawˆ, naw maꞈ heu loꞈ-ehˇ ya siˬ tehꞈ-a.

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maˬkuˆ 16:20

Zaˬ lahˇ deuˬ yawˬ paw na luꞈ iˇ-awˇ, dawˬ mehˬ mehˬ-iˇ-euˬ meh. Sahˬpaˬ Yeˬsuˇ aˬ yawꞈ maꞈ nehˬ-ehˇ gaˇ mˇ-awˇ, aˬ yawꞈ maꞈ dawˬ mehˬ mehˬ-euˬ aˬ diˇ aˬ maˇ tsaˬ-eu gaˇ kawˆ, zahˬ leˇ paˬ-ehˇ gʼeh-eu jeˬ mˇ mehˬ-awˇ bi siˬ bi mawˇ duˬ-euˬ meh.)

Gʼaˬkʼehˇ 11:21

Sahˬpaˬ Miˬyehˇ-euˬ baoˬ aˬ yawꞈ maꞈ nehˬ-ehˇ jawˇ-eu miˇ neh, tsawˇ haˬ gʼawˬ mya ni jah laˇ-awˇ, Sahˬpaˬ Miˬyehˇ jawˇ paw pyawˇ laˇ-euˬ meh.

Gʼaˬkʼehˇ 7:7

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ koeˇ jeuˬ-ahˇ ngaˇ yaˇ kʼaˬ daˇ-awˇ, aˬ yawꞈ maꞈ-ahˇ miˇ kʼahˬ kʼoeˇ kʼahˬ laꞈ kʼoeˇ neh bi doˆ laˇ ma. Kʼoeˇ ngeh, jawˇ duˬ heu tsahˇ-ahˇ aˬ yawꞈ maꞈ ngaˬ-ahˇ uˬ duˬ tahˬ tehꞈ-a.’

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 31:23

Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yaˇ kʼaˬ daˇ 6:12

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ aˬ yawꞈ jawˇ gaˇ doˆ le-awˇ, “Kʼaˬ duˬ ni gʼeh-awˇ gʼaˬ huiˬ-eu gʼaˬ-oˇ, Sahˬpaˬ Miˬyehˇ nawˬ nehˬ-ehˇ jawˇ meh” lehˇ ehˇ le-euˬ meh.

Yaˇ kʼaˬ daˇ 6:16

Sahˬpaˬ Miˬyehˇ ehˇ-eu, “Ngaˇ nawˬ-ahˇ caw ba-eu miˇ neh, nawˇ kʼoeˇ loꞈ-ehˇ mˇ nya meh. Tsawˇ haˬ tiˬ gʼaˬ-ahˇ sehꞈ-eu loꞈ-ehˇ, Miˇdiˬyaˬ tsawˇ haˬ deuˬ-ahˇ nawˇ yaw awˇ laꞈ-ehˇ laˆ luˬ laˆ seˇ nehˬ nya tehꞈ-a.”

Yaˇ kʼaˬ daˇ 6:17

Giˇdoˬ ehˇ-eu, “Nawˇ ngaˬ-ahˇ nui ma tsaˬ-eu ngeuˇ naˇ, nawˇ aˬ diˇ aˬ maˇ Sahˬpaˬ Miˬyehˇ pyeuꞈ-eu gaˇ kawˆ, ngaˬ-ahˇ bi siˬ bi mawˇ laꞈ-awˬ.

Yaˇ kʼaˬ daˇ 6:21

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ aˬ laꞈ cawˬ ja-awˇ, aˬ yawꞈ tuˆ tehˬ luꞈ-eu gawˬ yoeˬ mehˬ dzaˬ neh, shaˬ jiˇ hawˇ-eu kaˬ muˇ-ahˇ toeˬ ciˆ-euˬ meh. Kʼaˬ lo-ahˇ miˬ dzaˬ doꞈ laˇ-awˇ, shaˬ jiˇ hawˇ-eu kaˬ muˇ puiˆ dzaˬ-euˬ meh. Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ byoˆ-iˇ-euˬ meh.

Yaˇ kʼaˬ daˇ 7:11

Aˬ yawꞈ maꞈ ja luꞈ-eu gaˇ kawˆ-ahˇ nawˇ ya gaˬ ngeh, nawˇ guiˇ deuˆ peuˬ laˇ tehꞈ-a.” Kʼoeˇ ngeh, Giˇdoˬ hawˇ-eu Puˇlaˬ aˬ nyaꞈ, muiˇ-euˬ deuˬ-euˬ taˆ taˆ dzeˇ keuˆ ni iˇ-euˬ meh.

1 Saˬmeuˬlaˆ 14:10

Aˬ yawꞈ maꞈ jawˇ gaˇ laˇ-awˬ lehˇ ehˇ laˇ naˇ, aˇ nyaꞈ le ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ loꞈ-ehˇ ehˇ laˇ naˇ, Sahˬpaˬ Miˬyehˇ neh aˬ dui maꞈ-ahˇ aˬ yawꞈ maꞈ kʼoeˇ taˆ bi gʼaˬ leˇ nehˬ laꞈ-euˬ gaˇ kawˆ bi siˬ bi mawˇ-eu jeˬ pyeuꞈ-eu meh.”