Doˆ-iˇ 3:1 - Akha

¹ Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

Doˆ-iˇ 3:1 ပူးပေါင်းရင်းမြစ်များ

1 Sahˬpaˬ 19:19

Jawˇ duˬ kʼoeˇ tsahˇ-ahˇ neh Eˇliˇyaˆ iˇ gʼeh ngeh, Eˇliˇshehˇ mawˇ neˇ tiˬ gu teh-awˇ deh yaˇ tsehˬ luꞈ gaˇ ya mawˇ-euˬ meh. Eˇliˇshehˇ-euˬ mehˬ hu mawˇ neˇ tseˇ tiꞈ gu tsehˬ luꞈ-awˇ, aˬ yawꞈ gʼaˬ, aˬ cawˬ jeˬ nah nah saˬ tsehˬ luꞈ-eu meh. Eˇliˇyaˆ-aˬ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, Eˇliˇshehˇ-ahˇ sheu dm nehˬ-euˬ meh.

1 Sahˬpaˬ 19:8

Kʼoeˇ ngeh, Eˇliˇyaˆ tuˇ-awˇ dzaˬ-euˬ dawˇ-euˬ meh. Muiˬ-eu shawˇ-eu Siˇnaˆ gawˬ jawˬ-ahˇ, oeˬ tseˇ nah keuˆ ni aˬ yawꞈ cah keuˆ gʼeh nya ni, dzaˇ kʼoeˇ aˬ yawꞈ-ahˇ gʼaˬ bi ahˇ laˇ-euˬ meh.

Jaceuq 106:19

Siˇnaˆ gawˬ jawˬ-ahˇ shuiˇ mawˇ neˇ mawˇ kawˇ tehˆ-awˇ, aˬ yawꞈ maꞈ uˬ duˬ tahˬ-euˬ meh.

Doˆ-iˇ 17:6

Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Doˆ-iˇ 19:3

Kʼoeˇ ngeh, Miˬyehˇ-ahˇ tahˬ puˬ leˇ-eu gʼaˇ duˬ, gawˬ jawˬ-ahˇ Moˇseˬ le daˆ-euˬ meh. Sahˬpaˬ Miˬyehˇ gawˬ jawˬ-ahˇ jawˇ-awˇ Moˇseˬ-ahˇ kuˇ-eu laꞈ kʼoeˇ, Yaꞈkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-iˇ-euˬ meh.

Doˆ-iˇ 2:16

Kʼoeˇ ngeh, Miˇdiˬyaˬ miˇ kʼahˬ-euˬ piˇ ma pyeuꞈ-eu Yeˬdaˬyoˇ-euˬ aˬ buˇ shiꞈ gʼaˬ, aˬ yawꞈ maꞈ-euˬ aˬ da-euˬ yawˇ hawˇ-eu ciꞈ myehꞈ deuˬ-ahˇ iˇ cuꞈ bi dawˇ-eu gʼaˇ duˬ, jeˬ zaˬ-euˬ iˇ cuꞈ kʼawˇ lawˬ-ahˇ iˇ cuꞈ kʼawꞈ ahˇ-eu lehˇ, lah duˬ-ahˇ oe-euˬ meh.

Doˆ-iˇ 2:18

Aˬ buˇ kʼoeˇ deuˬ iˇ kahˇ gʼoꞈ keuˆ leˇ ngeh, “Aˬ jeˬ miˇ neh iˬ nah naw maꞈ yaw naꞈ-ehˇ gʼoꞈ keuˆ laˇ teˬ” lehˇ, aˬ yawꞈ maꞈ-euˬ aˬ da aˬ yawꞈ maꞈ-ahˇ naˇ haˬ-euˬ meh.

Doˆ-iˇ 2:21

Kʼoeˇ naˇ, aˬ yawꞈ pehˬ nehˬ-ehˇ jawˇ-eu gʼaˇ duˬ, Moˇseˬ nui ma tsaˬ-awˇ, Yeˬdaˬyoˇ neh Moˇseˬ-ahˇ, aˬ yawꞈ-euˬ aˬ buˇ Ziˬpoˇlaˬ-ahˇ bi sheuˬ-euˬ meh.

Doˆ-iˇ 24:13

Moˇseˬ hawˇ-eu aˬ yawꞈ-euˬ gʼaˬ zaˬ Yawˇshuˆ aˬ nyaꞈ lehˬ hmˬ-awˇ, muiˬ-eu shawˇ-eu gawˬ jawˬ-ahˇ Moˇseˬ daˆ leˇ-euˬ meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Doˆ-iˇ 33:6

Kʼoeˇ miˇ neh, Siˇnaˆ gawˬ jawˬ-ahˇ neh aˬ yawꞈ maꞈ doˆ-iˇ ngeh tiˬ nah neh, aˇ poeˬ kʼaˆ-eu myawˬ guˇ deuˬ aˬ yawꞈ maꞈ maˬ paˇ geuꞈ luꞈ meh.

Doˆ-iˇ 4:18

Aˬ yawꞈ-euˬ tsawˇ mawˬ Yeˬdaˬyoˇ jawˇ gaˇ Moˇseˬ gʼoꞈ-iˇ-awˇ, “Iˇjiˇtuˆ miˇ kʼahˬ laꞈ kʼoeˇ jawˇ-eu ngaˬ-eu aˬ yuiꞈ aˬ nyiˇ deuˬ dehꞈ luꞈ jawˇ luꞈ nga siˬ loˇ lehˇ haw-iˇ-eu gʼaˇ duˬ, ngaˬ-ahˇ Iˇjiˇtuˆ miˇ kʼahˬ-ahˇ bi gʼoꞈ-iˇ laꞈ-awˬ” lehˇ ehˇ nehˬ ngeh, “Gʼoꞈ-iˇ nya tehꞈ-a” lehˇ Yeˬdaˬyoˇ aˬ yawꞈ-ahˇ ehˇ nehˬ-euˬ meh.

Doˆ-iˇ 4:27

Aˇ yamˬ kʼoeˇ yamˬ laꞈ kʼoeˇ, “Moˇseˬ-ahˇ tahˬ puˬ-iˇ-eu gʼaˇ duˬ, bawˇ tsahˬ bawˇ dahˇ-ahˇ iˇ-awˬ” lehˇ, Aˬloˬ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Aˬloˬ iˇ-awˇ, Moˇseˬ-ahˇ muiˬ-eu shawˇ-eu gawˬ jawˬ-ahˇ tahˬ puˬ-awˇ, mehˬ cuˇ cuˇ nehˬ-euˬ meh.

Aˬmoˆ 1:1

Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Bawˇtsahˬ 10:29

Miˇdiˬyaˬ tsawˇ jeuˬ Yeˬdaˬyoˇ-euˬ aˬ li pyeuꞈ-eu Moˇseˬ-euˬ oeˇ kʼaˬ Hawˇbaˆ-ahˇ Moˇseˬ ehˇ nehˬ-eu, “Sahˬpaˬ Miˬyehˇ nga maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ nga maꞈ le-eu gʼaˇ duˬ, doˆ-iˇ-eu lehˇ lehˬ hmˬ taˬ-euˬ ma. Iˇsaˬleˬlaˆ tsawˇ haˬ deuˬ bi baw bi za le ma lehˇ aˬ yawꞈ saˇ jaˇ dzaˬ taˬ-euˬ meh. Kʼoeˇ miˇ neh ngaˬ nehˬ-ehˇ nawˇ laˇ-awˬ. Nga maꞈ-euˬ baw le za le-eu guiˬ lahˬ nawˬ-ahˇ biˇ nehˬ ma.”

Bawˇtsahˬ 10:33

Iˇsaˬleˬlaˆ tsawˇ haˬ deuˬ muiˬ-eu shawˇ-eu gawˬ jawˬ pyeuꞈ-eu Siˇnaˆ gawˬ jawˬ-ahˇ neh doˆ-iˇ ngeh, smˬ nah gaˇ ma iˇ gʼeh-euˬ meh. Aˬ yawꞈ maꞈ jawˇ naˬ-eu jawˇ duˬ mawˇ nya-eu gʼaˇ duˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ aˬ myah luꞈ aˬ yawꞈ maꞈ-euˬ mehˬ hu paw tehꞈ-ehˇ iˇ luꞈ-eu meh.

Luˇkaꞈ 2:8

Miˇ kʼahˬ kʼoeˇ kʼahˬ-ahˇ jawˇ-eu yawˇ bo-eu tsawˇ haˬ tiˬ deuˬ, yaˇ peuˬ-ahˇ yawˇ bo yaꞈ-euˬ meh.

Gʼaˬkʼehˇ 7:30

Oeˬ tseˇ kʼoꞈ dzeuˇ-iˇ geh, Siˇnaˆ gawˬ jawˬ dawˬ peh baw duˆ tiˬ duˆ-ahˇ doꞈ luꞈ-eu miˬ dzaˬ miˬ lmˇ laꞈ kʼoeˇ, mˬ taˆ gʼaˬ kʼehˇ tiˬ gʼaˬ Moˇseˬ-euˬ mehˬ shi doˆ le-euˬ meh.

Dawˬmehˬ 1:2

Siˇnaˆ gawˬ jawˬ-ahˇ neh Eˬdoˬ miˇ kʼahˬ gawˬ jawˬ gawˬ duˇ paw neh Kaˬdeˬshaˇbaˬneˬ meuˬ-ahˇ tseˇ tiꞈ nah ya iˇ-eu meh.

Dawˬmehˬ 1:6

“Siˇnaˆ gawˬ jawˬ-ahˇ aˬ dui jawˇ luꞈ ngeh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ heu loꞈ-ehˇ ehˇ-eu meh. ‘Gawˬ jawˬ heu jawˬ-ahˇ naw maꞈ jawˇ luꞈ-eu myahˇ laˇ-euˬ meh.

Dawˬmehˬ 4:10

Siˇnaˆ gawˬ jawˬ-ahˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi naw maꞈ yawꞈ ngeh nah, aˬ yawꞈ ngaˬ-ahˇ ehˇ-eu, ‘Iˇsaˬleˬlaˆ tsawˇ haˬ deuˬ kuˇ uiˬ-awˬ. Aˬ yawꞈ maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ ngaˬ-euˬ ehˇ dawˬ naˇ haˬ geuꞈ-awˇ, aˬ yawꞈ maꞈ-euˬ zaˬ deuˬ ngaˬ-ahˇ guˆ ni, aˬ yawꞈ maꞈ mehˬ nehˬ tsoˆ nehˬ nya-eu gʼaˇ duˬ, aˬ yawꞈ maꞈ-ahˇ ngaˬ-euˬ dawˬ bi gaˬ mawꞈ nya’ lehˇ ehˇ-eu meh. Aˬ yawꞈ neh ehˇ-euˬ dawˬ kʼoeˇ dawˬ-ahˇ naw maꞈ taˬ ngehˇ.

Yaˇ kʼaˬ daˇ 4:11

Kʼoeˇ ngeh, Kaˬnaˆ tsawˇ jeuˬ Heˬbeuˬ-aˬ, Zaˬnaˬneˬ meuˬ-euˬ tsuiꞈ kaˆ aˇ bawˇ dawˬ peh, Geˬdeˬshaˆ meuˬ dawˬ peh tehˬ ni sehˬ gʼawˆ gʼawˆ-awˇ jawˇ luꞈ-eu meh. Aˬ yawꞈ-aˬ, Moˇseˬ-euˬ oeˇ kʼaˬ Hawˇbaˆ-euˬ zaˬ deuˬ uˆ deuˬ pyeuꞈ-eu Kaˬnaˆ tsawˇ haˬ deuˬ nehˬ-ehˇ gʼawˬ-iˇ-awˇ jawˇ doˆ le-euˬ meh.

1 Saˬmeuˬlaˆ 16:11

Kʼoeˇ naˇ, “Nawˬ-euˬ aˬ li nui gʼaˬ jawˇ te siˬ loˇ” lehˇ, Yeˬshehˇ-ahˇ Saˬmeuˬlaˆ laˇ naˇ haˬ-euˬ meh. Yeˬshehˇ ehˇ-eu, “Aˬ li zaˬ saˬ gʼaˬ jawˇ te siˬ. Ehˇ kʼawꞈ, aˬ yawꞈ yawˇ bo-iˇ dzeuˇ-euˬ meh.” Saˬmeuˬlaˆ ehˇ-eu, “Aˬ yawꞈ-ahˇ bi kuˇ kʼoꞈ laˬ-iˇ-awˬ. Aˬ yawꞈ maˬ gʼoꞈ keuˆ laˇ kʼoeˇ keuˆ ni aˬ dui maꞈ maˬ lawˇ maˬ shehˇ-ehˇ jawˇ tawˬ ma.”