Doˆ-iˇ 29:4 - Akha

⁴ “Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu sehˬ gʼawˆ gʼoˆ kʼehˬ-ahˇ sheuˬ laꞈ-awˇ, iˇ cuꞈ dzuiꞈ-awˇ gʼawˇ mawˇ shawˇ-eu zahˇ jahˇ-awˬ lehˇ ehˇ nehˬ-awˬ.

Doˆ-iˇ 29:4 ပူးပေါင်းရင်းမြစ်များ

Doˆ-iˇ 26:36

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ-awˇ, aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ paˇ ma yuˇ-awˇ, sehˬ gʼawˆ gʼoˆ kʼehˬ-ahˇ sheu taw taˬ-awˬ.

Doˆ-iˇ 29:3

Mawˇ neˇ mawˇ gaw zaˬ kʼoeˇ mawˇ hawˇ-eu yawˇ aˬ buˬ kʼoeˇ mawˇ ngaˬ-ahˇ naw maꞈ lawˇ ngeh, kaˬ muˇ kʼoeˇ deuˬ kʼawꞈ, kʼa sa-ahˇ dawˆ ahˇ-awˇ lawˇ-awˬ.

Doˆ-iˇ 40:12

“Aˬloˬ hawˇ-eu aˬ yawꞈ-euˬ aˬ li deuˬ-ahˇ Sehˬ gʼawˆ gʼoˆ kʼehˬ-ahˇ sheuˬ laꞈ-awˇ, iˇ cuꞈ dzuiꞈ shawˇ-eu zahˇ jahˇ-awˬ lehˇ ehˇ nehˬ-awˬ.

Doˆ-iˇ 40:28

Sehˬ gʼawˆ gʼoˆ kʼehˬ-ahˇ, saˬ paˇ sheu taw-euˬ meh.

Doˆ-iˇ 40:32

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sehˬ gʼawˆ laꞈ kʼoeˇ aˬ yawꞈ maꞈ kʼaˇ uˇ leˇ ngeh, aˬ kuiˇ aˬ laꞈ dzuiꞈ shawˇ-euˬ meh.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Yeˬsaˬgeˬlaˇ 42:14

Piˇ ma deuˬ Uˬ duˬ tahˬ nymˇ nymˇ ma-ahˇ neh laꞈ nyiˇ pu kaˬ-ahˇ doˆ-iˇ mawꞈ ngeh, aˬ yawꞈ maꞈ Sahˬpaˬ Miˬyehˇ mehˬ shi gaˇ mˇ ngeh dm-euˬ muiˬ-eu shawˇ-eu dm gʼaˬ dm lmˇ deuˬ-ahˇ, aˇ lawˆ kʼoeˇ deuˬ laꞈ kʼoeˇ ya lehˆ taˬ yaꞈ-eu meh. Miˇ kʼahˬ zaˬ deuˬ uiˬ leˇ duˬ-ahˇ aˬ yawꞈ maꞈ maˬ iˇ doˆ mi naˆ-ehˇ mehˬ tsoeˬ ya dm paˇ-eu meh.

Uˬ duˬ 14:8

Tsawˇ haˬ kʼoeˇ gʼaˬ yawˬ ha-euˬ mehˬ tsoeˬ lehˬ tsiˬ-awˇ, uˬ jehˆ jehˆ dzeh-awˇ, iˇ cuꞈ ya dzuiꞈ shawˇ meh. Kʼoeˇ naˇ, shawˇ-eu tsawˇ haˬ pyeuꞈ laˇ-eu meh. Pu laꞈ kʼoeˇ aˬ yawꞈ uˇ leˇ nya meh. Ehˇ kʼawꞈ, aˬ yawꞈ-euˬ sehˬ gʼawˆ laˬ nyiˇ, shiꞈ nah keuˆ ni aˬ yawꞈ ya jawˇ meh.

Bawˇtsahˬ 8:9

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ kuˇ uiˬ-awˇ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ mehˬ shi bi yawꞈ-awˬ.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Dawˬmehˬ 23:11

Uˬ ciꞈ uˬ taw paw aˬ yawꞈ-euˬ gʼawˇ mawˇ dzuiꞈ shawˇ-awˇ, nahˇ ma ga ahˇ ngeh, taˆ laꞈ kʼoeˇ gʼoꞈ uˇ laˇ nya meh.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.