Doˆ-iˇ 28:9 - Akha

⁹ Neˇ tseuˆ ni gʼeh-eu kʼaˬ lo sehˇ nyiˬ siˬ yuˇ-awˇ, Yaˬkoˆ-euˬ aˬ li tseˇ nyiꞈ li-euˬ tsawˇ myahˇ toeˬ boꞈ-awˬ.

Doˆ-iˇ 28:9 ပူးပေါင်းရင်းမြစ်များ

Aˇ dahˬ 2:12

(Miˇ kʼahˬ kʼoeˇ kʼahˬ laꞈ kʼoeˇ, muiˬ dui dui-eu shuiˇ, aˇ poeˬ kʼaˆ-eu tsiˇ yaw saw jeˬ hawˇ-eu, kʼaˬ lo sehˇ deuˬ doˆ-eu meh.)

1 Laˬsaˬbaˬ 29:2

Ngaˇ leh jeh dui dui-awˇ, Uˬ duˬ tahˬ nymˇ nymˇ ma heu nymˇ tsoˆ-eu gʼaˇ duˬ, pyuˇ shuiˇ myawˬ gahˬ hawˇ-eu, mˇ myawˬ keu ka deuˬ lehˬ hmˬ taˬ-euˬ ma. Shuiˇ, pyuˇ, guiˬ shuiˇ, shmˇ, daˇ kawˬ daˇ laꞈ, aˇ poeˬ kʼaˆ-euˬ kʼaˬ lo sehˇ, aˇ caˇ caˇ kʼawꞈ sehˇ, aˇ boꞈ boꞈ-eu gʼaˇ duˬ haw muiˬ-eu kʼaˬ lo gʼawˬ mya jeˬ hawˇ-eu, muiˬ dui gʼahˇ dui dui-eu kʼaˬ lo gʼawˬ mya jeˬ poˆ uiˬ taˬ gʼaˬ-euˬ ma.

2 Laˬsaˬbaˬ 2:7

Shuiˇ, pyuˇ, guiˬ shuiˇ hawˇ-eu shmˇ heu deuˬ tehˆ-eu kʼaˇ-eu gaˇ maˬ ehˇ, saˬ paˇ paˇ puiˇ, neˇ naˆ naˆ-eu saˬ paˇ hawˇ-eu, saˬ paˇ paˇ neˇ zaꞈ-eu mˇ-eu gaˇ maˬ ehˇ, mˇ nya-eu nawˬ-euˬ tsawˇ haˬ tiˬ gʼaˬ ngaˇ jawˇ gaˇ pyehˬ gʼeh leꞈ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu ngaˬ da Daˬbiˇ neh tseˇ doˆ taˬ-euˬ ba jiˬ deuˬ nehˬ-ehˇ aˬ yawꞈ-ahˇ gaˇ bi mˇ ma.

Yawˇbaˆ 28:16

Muiˬ dui dui-eu shuiˇ hawˇ-eu kʼaˬ lo sehˇ deuˬ, kʼoeˇ naˆ ni maˬ poeˬ-a.

Doˆ-iˇ 25:7

Piˇ ma Yaw huiˬ gʼaˬ-euˬ pehˇ kʼahˬ hawˇ-eu kʼahˬ-ahˇ dehˬ daˬ duˬ-ahˇ guꞈ tsoꞈ-eu gʼaˇ duˬ neˇ tseuˆ ni gʼeh-eu kʼaˬ lo sehˇ deuˬ hawˇ-eu, nui jeˬ kʼaˬ lo sehˇ heu deuˬ meh.

Doˆ-iˇ 28:10

Aˬ yawꞈ maꞈ-euˬ tsawˇ myahˇ deuˬ-ahˇ, aˇ kʼoꞈ huiˬ nyiˇ baw-ehˇ, tiˬ siˬ kʼoeˇ taˆ tsawˇ myahˇ koꞈ myahˇ toeˬ boꞈ-awˬ.

Doˆ-iˇ 28:20

oeˬ cehˆ tiˬ cehˆ-ahˇ, nyoeˇ shuiˇ shuiˇ-eu kʼaˬ lo sehˇ, neˇ tseuˆ ni gʼeh-eu kʼaˬ lo sehˇ hawˇ-eu, yaw shehꞈ gʼawˬ mya jeˬ ahˇ-eu kʼaˬ lo sehˇ maˬ ehˇ, guꞈ tsoꞈ-awˬ. Heu deuˬ-ahˇ, shuiˇ iˇ puˬ laꞈ kʼoeˇ ya dawˆ ahˇ taˬ-eu meh.

Doˆ-iˇ 28:36

“Maˇ jawˆ ni gʼeh-eu shuiˇ neh, daˇ gʼawˆ tiˬ gʼawˆ jahˇ-awˇ, Sahˬpaˬ Miˬyehˇ-ahˇ a nehˬ taˬ-euˬ lehˇ toeˬ boꞈ taˬ-awˬ.

Doˆ-iˇ 28:8

Pehˇ kʼahˬ pehˇ nymˇ guꞈ-eu saˬ paˇ hawˇ-eu saˬ kahˇ kʼoeˇ neh, joꞈ paꞈ tiˬ kahˇ yaw muiˬ paˬ-ehˇ zaꞈ-awˇ, pehˇ kʼahˬ pehˇ nymˇ aˬ yawꞈ-ahˇ tiˬ poˆ tehꞈ-ehˇ ya guꞈ myahˬ taˬ meh.

Doˆ-iˇ 31:5

aˇ poeˬ kʼaˆ-eu kʼaˬ lo sehˇ deuˬ jeˬ juˇ-awˇ, guꞈ tsoꞈ taꞈ tsoꞈ nya-eu gʼaˇ duˬ maˬ ehˇ, daˇ kawˬ teˇ byaꞈ deuˬ-ahˇ laꞈ sawˆ sawˆ juˇ nya ni maˬ ehˇ, laꞈ myawˬ laꞈ muˆ mˇ-eu nui deuˬ gaˇ dawˬ tawˆ luꞈ-ahˇ aˬ yawꞈ mˇ nya ni maˬ ehˇ, zaˬ siˬ tsawˇ gahˇ deuˬ aˬ yawꞈ-ahˇ ngaˇ biꞈ gʼaˬ-euˬ ma.

Doˆ-iˇ 39:13

oeˬ cehˆ tiˬ cehˆ-ahˇ nyoeˇ shuiˇ shuiˇ-eu kʼaˬ lo sehˇ, neˇ tseuˆ ni gʼeh-eu kʼaˬ lo sehˇ hawˇ-eu, yaw shehꞈ gʼawˬ mya jeˬ ahˇ-eu kʼaˬ lo sehˇ heu deuˬ guꞈ tsoꞈ-euˬ meh. Kʼaˬ lo sehˇ kʼoeˇ deuˬ-ahˇ, shuiˇ iˇ puˬ laꞈ kʼoeˇ dawˆ ahˇ-euˬ meh.

Doˆ-iˇ 39:6

Neˇ tseuˆ ni gʼeh-eu kʼaˬ lo sehˇ deuˬ lehˬ hmˬ-awˇ, shuiˇ iˇ puˬ laꞈ kʼoeˇ dawˆ ahˇ taˬ-euˬ meh. Kʼaˬ lo sehˇ kʼoeˇ deuˬ kʼoeˇ taˆ, Yaˬkoˆ-euˬ aˬ li tseˇ nyiꞈ li-euˬ tsawˇ myahˇ deuˬ yaw muiˬ paˬ-ehˇ toeˬ boꞈ taˬ-euˬ meh.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

Iˇsaˬyaˇ 49:16

Yeˬluˇsaˬlehˬ-oˇ, nawˬ-ahˇ ngaˇ tiˬ jawˇ-iˬ maˬ ngehˇ. Ngaˬ-euˬ aˬ laꞈ laꞈ zaˬ kʼoeˇ taˆ, nawˬ-euˬ tsawˇ myahˇ ngaˇ boꞈ ahˇ taˬ-euˬ ma.

Yeˬsaˬgeˬlaˇ 28:13

Miˬyehˇ yaˇ kmˇ kmˇ muiˬ kmˇ jaˬ, Eˬdeˬ yaˇ kmˇ-ahˇ nawˇ jawˇ-awˇ, Aˇ poeˬ kʼaˆ-eu kʼaˬ lo sehˇ deuˬ, lo neˇ, lo nyoeˇ, lo byaꞈ kʼoeˇ deuˬ nawˇ tiˬ byah ni geuꞈ taˬ-euˬ meh. Nawˬ-ahˇ beh ngeh nah neh daˬ-awˇ, sehˇ kʼoeˇ deuˬ lehˬ hmˬ taˬ-euˬ meh.

Zaˬkaˬliˇ 9:16

Aˇ nah kʼoeˇ nah keuˆ le ngeh jawˇ, yawˇ bo-eu gʼaˬ yawˇ yawˇ maꞈ-ahˇ, haw piˇ-awˇ ka kʼoꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ-ahˇ, Sahˬpaˬ Miˬyehˇ ka kʼoꞈ tehꞈ-a. shuiˇ uˬ kʼoˆ kʼoeˇ taˆ bya luꞈ-eu, poeˬ-eu kʼaˬ lo sehˇ deuˬ loꞈ-ehˇ, aˬ yawꞈ-euˬ miˇ kʼahˬ kʼoeˇ uˬ du, aˬ yawꞈ maꞈ yaw shehꞈ bya tehꞈ-a.