Doˆ-iˇ 28:40 - Akha

⁴⁰ “Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, Aˬloˬ-euˬ aˬ li deuˬ gʼaˇ duˬ, pehˇ kʼahˬ, joꞈ tsiˬ hawˇ-eu, uˬ dzahˬ guꞈ-awˬ.

Doˆ-iˇ 28:40 ပူးပေါင်းရင်းမြစ်များ

Doˆ-iˇ 28:2

Bi haw muiˬ-eu gʼaˇ duˬ maˬ ehˇ, aˬ cawˬ yaw zeu bi baw-eu gʼaˇ duˬ maˬ ehˇ, piˇ ma-euˬ dm gʼaˬ dm lmˇ deuˬ, Aˬloˬ-ahˇ guꞈ nehˬ-awˬ.

Doˆ-iˇ 28:4

Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Doˆ-iˇ 29:8

“Aˬ yawꞈ-euˬ aˬ li deuˬ sheuˬ laꞈ-awˇ, pehˇ kʼahˬ bi dm-awˬ.

Doˆ-iˇ 29:9

Aˬ yawꞈ maꞈ-euˬ joꞈ-ahˇ joꞈ tsiˬ bi paꞈ-awˇ, uˬ duˬ-ahˇ uˬ kʼoˆ bi kʼoˆ-awˬ. Naw maˬ kʼoeˇ loꞈ-ehˇ jahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ aˇ yaˬ ya biꞈ meh. Aˬ yawꞈ maꞈ hawˇ-eu, aˬ yawꞈ maꞈ-euˬ zaˬ deuˬ uˆ deuˬ-aˬ, mˬ maˬ maˬ byaˆ zaˇ ziˇ, ngaˬ-euˬ piˇ ma ya geuꞈ meh.

Doˆ-iˇ 39:41

piˇ ma Aˬloˬ hawˇ-eu aˬ yawꞈ-euˬ aˬ li deuˬ bi dm-eu gʼaˇ duˬ, piˇ ma deuˬ muiˬ-eu shawˇ-eu jawˇ duˬ-ahˇ uˇ leˇ ngeh dm-eu haw muiˬ dui dui-eu pehˇ kʼahˬ deuˬ, heu deuˬ-ahˇ aˬ yawꞈ maꞈ yuˇ laꞈ-euˬ meh.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Uˬ duˬ 16:24

Muiˬ-eu shawˇ-eu jawˇ duˬ tiˬ tsahˇ-ahˇ, aˬ yawꞈ iˇ cuꞈ ya dzuiꞈ shawˇ-awˇ, yawˬ ha-euˬ mehˬ tsoeˬ paˇ ya dm paˇ meh. Kʼoeˇ naˇ, aˬ yawꞈ doˆ-iˇ-awˇ, aˬ yawꞈ-euˬ iˬ baˇ maˬ ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ maˬ ehˇ, ya buˬ ya law-iˇ-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ ya lawˇ meh.

Uˬ duˬ 8:13

Kʼoeˇ naˇ, Aˬloˬ-euˬ aˬ li deuˬ-ahˇ, mehˬ shi paw Moˇseˬ kuˇ doˆ-awˇ, pehˇ kʼahˬ bi dm-euˬ meh. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ joꞈ paꞈ bi paꞈ-awˇ uˬ kʼoˆ bi kʼoˆ-euˬ meh.

Tiˇtuˆ 2:10

Kʼoeˇ uˬ taꞈ, baw leˬ deuˬ-euˬ myawˬ maˬ ya kʼoeˬ-eu uꞈ taꞈ, aˬ myah luꞈ muiˬ-awˇ saˇ jaˇ ziꞈ-eu gaˆ kawˆ ya dehꞈ mehˬ nehˬ meh lehˇ mehˬ nehˬ-awˬ. Aˬ yawꞈ maꞈ kʼaˇ mˇ kʼaˇ shaˇ-eu jeˬ laꞈ kʼoeˇ , aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ-euˬ gaˇ kawˆ mehˬ-eu tsoˆ-eu heu aˇ naˆ ni muiˬ-eu jeˬ pyeuꞈ-eu gaˇ kawˆ aˬ cawˬ mawˇ nya ni, kʼoeˇ loꞈ-ehˇ mehˬ nehˬ tsoˆ nehˬ-awˬ.

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.