Doˆ-iˇ 28:4 - Akha

⁴ Kʼahˬ-ahˇ dehˬ daˬ duˬ, pehˇ kʼahˬ pehˇ nymˇ, pehˇ kʼahˬ pehˇ mahˇ, aˇ boꞈ boꞈ taˬ-euˬ pehˇ kʼahˬ, uˬ dzahˬ, dzoꞈ tsiˬ, heu deuˬ guꞈ-awˬ lehˇ aˬ yawꞈ maꞈ-ahˇ ehˇ nehˬ-awˬ. Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li deuˬ, ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, piˇ ma-euˬ dm gʼaˬ dm lmˇ deuˬ ya guꞈ nehˬ meh lehˇ aˬ yawꞈ maꞈ-ahˇ nawˇ ehˇ nehˬ-awˬ.

Doˆ-iˇ 28:4 ပူးပေါင်းရင်းမြစ်များ

2 Saˬmeuˬlaˆ 6:14

Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

Doˆ-iˇ 25:7

Piˇ ma Yaw huiˬ gʼaˬ-euˬ pehˇ kʼahˬ hawˇ-eu kʼahˬ-ahˇ dehˬ daˬ duˬ-ahˇ guꞈ tsoꞈ-eu gʼaˇ duˬ neˇ tseuˆ ni gʼeh-eu kʼaˬ lo sehˇ deuˬ hawˇ-eu, nui jeˬ kʼaˬ lo sehˇ heu deuˬ meh.

Doˆ-iˇ 29:6

Aˬ yawꞈ-ahˇ uˬ dzahˬ bi dzahˬ-awˇ, ‘Sahˬpaˬ Miˬyehˇ-ahˇ a nehˬ taˬ-euˬ’ lehˇ boꞈ taˬ-euˬ muiˬ-eu shawˇ-eu pehˇ gʼawˆ kʼoeˇ hmˬ uˬ dzahˬ-ahˇ paꞈ tawꞈ nehˬ-awˬ.

Doˆ-iˇ 39:28

uˬ dzahˬ hawˇ-eu uˬ kʼoˆ maˬ ehˇ, laꞈ di laꞈ cuˬ maˬ ehˇ, shawˇ jehˆ ni gʼeh-eu saˬ paˇ neh guꞈ-euˬ meh.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Eˇpeˇsu 6:14

Kʼoeˇ miˇ neh, yaw sui yaw dawˇ jeˬ joꞈ paꞈ paꞈ-awˇ, yaw tsaˬ yaw dawˇ jeˬ kʼahˬ-ahˇ dehˬ kaˬ-awˇ yawꞈ-awˬ.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.

Panmaeq 9:17

Yaw sahˇ laꞈ kʼoeˇ ya mawˇ-euˬ jeˬ laꞈ kʼoeˇ, mahˬ kʼoeˇ deuˬ hawˇ-eu mahˬ dziˬ-eu yehˇ kʼoeˇ deuˬ-ahˇ ngaˇ ya mawˇ-euˬ ma. Aˬ yawꞈ maꞈ-aˬ, miˬ dzaˬ loꞈ-ehˇ neˇ-eu, nyoeˇ leuˬ leuˬ-eu kʼaˬ lo sehˇ loꞈ-ehˇ nyoeˇ-eu, miˬ dzaˇ dzaˇ shuiˇ loꞈ-ehˇ shuiˇ-eu kʼahˬ-ahˇ dehˬ daˬ duˬ deuˬ-ahˇ dm luꞈ-eu meh. Mahˬ kʼoeˇ deuˬ-euˬ uˬ duˬ-aˬ, aˇ laˬ jaˬ shiˇ-euˬ uˬ duˬ-ahˇ duˇ-awˇ, kʼaˬ meh-ahˇ miˬ dzaˬ maˬ ehˇ, uˬ kʼoeˬ maˬ ehˇ, miˬ dzaˇ dzaˇ shuiˇ maˬ ehˇ, doˆ luꞈ-eu meh.

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 22:18

Kʼoeˇ ngeh, “Nawˇ sehꞈ-awˬ” lehˇ Doˇgaˆ-ahˇ Sawˇluˆ ehˇ nehˬ-awˇ, Doˇgaˆ neh piˇ ma kʼoeˇ deuˬ-ahˇ sehꞈ-euˬ meh. Kʼoeˇ ngeh nah piˇ ma-euˬ pehˇ kʼahˬ pehˇ nymˇ dm-awˇ piˇ ma geuꞈ nya-eu yehꞈ tseˇ gʼaˬ-ahˇ aˬ yawꞈ sehꞈ dzeh-euˬ meh.

1 Saˬmeuˬlaˆ 23:6

Aˬhiˇmaˬlehˇ-euˬ aˬ li Aˬbyaˬdaˬ cehˆ doˆ-awˇ, Kiˇlahˬ meuˬ-ahˇ Daˬbiˇ jawˇ gaˇ cehˆ uˇ-iˇ ngeh, piˇ ma dm-eu pehˇ kʼahˬ pehˇ nymˇ kʼawꞈ yuˇ gʼeh-euˬ meh.

1 Saˬmeuˬlaˆ 30:7

“Piˇ ma dm-eu pehˇ kʼahˬ pehˇ nymˇ hehˇ leꞈ sheˇ” lehˇ, Aˬhiˇmaˬlehˇ-euˬ aˬ li piˇ ma Aˬbyaˬdaˬ-ahˇ Daˬbiˇ ehˇ nehˬ ngeh, Aˬbyaˬdaˬ pehˇ kʼahˬ pehˇ nymˇ yuˇ gʼeh nehˬ-euˬ meh.