Doˆ-iˇ 28:34 - Akha

³⁴ Aˇ siˬ aˇ boꞈ tiˬ boꞈ yaw kaˬ-ahˇ shuiˇ jaˇ cuˇ tiˬ siˬ, pehˇ kʼahˬ pehˇ mahˇ-euˬ pehˇ dahˬ caw caw-ehˇ guꞈ tsoꞈ-awˬ.

Doˆ-iˇ 28:34 ပူးပေါင်းရင်းမြစ်များ

Jaceuq 89:15

Caˇ dawˬ caˇ-awˇ nawˬ-ahˇ uˬ duˬ tahˬ-eu tsawˇ haˬ deuˬ, nawˇ gʼawˬ shaˬ gaˬ-eu yaw shehꞈ laꞈ kʼoeˇ dehꞈ-eu deuˬ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Doˆ-iˇ 28:33

Pehˇ kʼahˬ pehˇ mahˇ pehˇ dahˬ caw caw-ehˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ neh aˇ siˬ aˇ boꞈ boꞈ-awˬ. Aˇ siˬ aˇ boꞈ kʼoeˇ deuˬ-euˬ yaw kaˬ-ahˇ, shuiˇ jaˇ cuˇ guꞈ tsoꞈ-awˬ.

Doˆ-iˇ 28:35

Aˬloˬ piˇ ma geuꞈ ngeh, pehˇ kʼahˬ pehˇ mahˇ heu kahˇ ya dm meh. Muiˬ-eu shawˇ-eu jawˇ duˬ-ahˇ, ngaˇ jawˇ gaˇ aˬ yawꞈ laˇ ngeh, aˬ yawꞈ maˬ ya shiˇ-eu gʼaˇ duˬ, jaˇ cuˇ teˇ saˇ ya bi mahˇ meh.

Doˆ-iˇ 39:22

Pehˇ kʼahˬ pehˇ nymˇ-euˬ kʼoeˇ taˆ dm daˆ-eu pehˇ kʼahˬ pehˇ mahˇ kahˇ lah ni, nyoeˇ leuˬ leuˬ-eu saˬ kahˇ neh zaꞈ taˬ-euˬ meh.

Doˆ-iˇ 39:26

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, aˇ siˬ aˇ boꞈ tiˬ boꞈ yaw kʼaˬ-ahˇ, shuiˇ jaˇ cuˇ tiˬ siˬ guꞈ tsoꞈ-euˬ meh.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Dawˬ caˇ 4:13

Aˇ ka uˆ aˇ siˬ aˇ bawˇ yaˇ kmˇ loꞈ-ehˇ, sahˬ lahˬ aˇ bawˇ deuˬ mehˇ dui dui-awˇ, muiˬ dui dui-eu aˇ siˬ siˬ le-eu meh. Heˇnaˬ hawˇ-eu Naˆ lehˇ kuˇ-eu, tsiˇ yaw saw aˇ bawˇ kʼoeˇ gaˇ bawˇ-eu meh.

Dawˬ caˇ 4:3

Nawˬ-euˬ mehˬ luˬ aˇ caˆ caˆ neˇ-ahˇ duˇ-awˇ, dawˬ ngehˬ ngeh haw muiˬ dui dui meh. Uˬ boeˬ tsahˇ kaˬ taˬ-eu naˇ kʼah, nawˬ-euˬ baˬ ba neˇ jiˆ poˬ ni jaˆ-eu meh.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 6:7

Uˬ boeˬ tsahˇ kaˬ taˬ-euˬ naˇ kʼah, nawˬ-euˬ baˬ ba yaw shehꞈ bya-eu meh.

Dawˬ caˇ 8:2

Ngaˬ ma-euˬ nymˇ-ahˇ ngaˇ nawˬ-ahˇ sheuˬ gʼeh-awˇ, gaˬ-eu gaˇ kawˆ nawˇ ngaˬ-ahˇ bi mehˬ ma. Yaw saw keuˬ-eu aˬ gaꞈ dzaˇ uiˇ nawˬ-ahˇ ngaˇ ciˬ nehˬ ma. Ngaˬ-euˬ aˇ ka uˆ dzaˇ uiˇ bi dawˇ ma.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Gawˇlawˇsehˇ 1:10

Kʼoeˇ miˇ neh, Sahˬpaˬ Yeˬsuˇ bi dehꞈ mawꞈ-eu loꞈ-ehˇ naw maꞈ dehꞈ nya laˇ-awˇ, aˬ yawꞈ nui kʼahˇ shiˇ-eu jeˬ-ahˇ naw maꞈ aˬ myah luꞈ mˇ nya laˇ tehꞈ-a. Naw maꞈ yaw dehꞈ dehꞈ-eu laꞈ kʼoeˇ yaw muiˬ jeˬ gʼawˬ mya ni doˆ laˇ-awˇ, Miˬyehˇ-ahˇ siˬ nya dzehˬ laˇ tehꞈ-a.