Doˆ-iˇ 28:30 - Akha

³⁰ Ngaˇ jawˇ gaˇ Aˬloˬ laˇ ngeh bi hehˇ laꞈ-eu gʼaˇ duˬ, kʼahˬ-ahˇ dehˬ daˬ duˬ laꞈ kʼoeˇ Uˇleˬ hawˇ-eu Duˇmeˬ dawˆ ahˇ taˬ-awˬ. Iˇsaˬleˬlaˆ tsawˇ haˬ deuˬ kʼoeˇ taˆ ngaˇ nui ma aˬ joˆ-ehˇ taˬ-euˬ aˬ yawꞈ siˬ nya-awˇ mˇ nya ni, ngaˇ jawˇ gaˇ kʼaˇ laˇ ngeh, kʼahˬ-ahˇ dehˬ daˬ duˬ heu hmˬ aˬ yawꞈ ya dm tehꞈ-a.

Doˆ-iˇ 28:30 ပူးပေါင်းရင်းမြစ်များ

Eˇzaˬlaˬ 2:63

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ tsawˇ jeuˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Neˬhaˬmiˇ 7:65

Uˇleˬ hawˇ-eu Duˇmeˬ ahˇ-eu piˇ ma tiˬ gʼaˬ maˬ doˆ laˇ kʼoeˇ keuˆ ni, Miˬyehˇ-ahˇ damˬ nehˬ lawˇ nehˬ gʼaˬ-euˬ dzaˬ dzaˬ dawˇ dawˇ-ahˇ aˬ yawꞈ maꞈ maˬ ya dzaˬ-a lehˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 28:29

“Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ aˬ myah luꞈ noeˬ keuˆ-eu gʼaˇ duˬ, Muiˬ-eu shawˇ-eu jawˇ duˬ-ahˇ Aˬloˬ uˇ leˇ ngeh, Iˇsaˬleˬlaˆ tsawˇ jeuˬ deuˬ-euˬ tsawˇ myahˇ boꞈ ahˇ taˬ-euˬ kʼahˬ-ahˇ dehˬ daˬ duˬ heu hmˬ-ahˇ, aˬ yawꞈ ya dm meh.

Uˬ duˬ 8:8

Kʼoeˇ naˇ, kʼahˬ-ahˇ dehˬ daˬ duˬ bi dm-awˇ, Uˇleˬ hawˇ-eu Duˇmeˬ dawˆ ahˇ nehˬ-euˬ meh.

Zaˬkaˬliˇ 6:13

Aˬ yawꞈ-aˬ, Uˬ duˬ tahˬ nymˇ nymˇ ma tsoˆ muiˬ-awˇ, sahˬ paˬ loꞈ-ehˇ taˬ huiˬ taˬ mahˇ nehˬ gaˇ ya daˬ-awˇ, aˬ yawꞈ-euˬ tsawˇ haˬ deuˬ-ahˇ ya uˆ lahˇ tehꞈ-a. Piˇ ma tiˬ gʼaˬ aˬ yawꞈ-euˬ dzoeˬ dzaˬ nuiˇ mahˬ dawˬ peh yawꞈ-awˇ, aˬ yawꞈ nyaꞈ tiˬ gʼaˬ tiˇ gʼaˬ nui noeˬ taꞈ-eu laꞈ kʼoeˇ gaˇ mˇ tehꞈ-aʼ lehˇ ehˇ nehˬ-awˬ.

Bawˇtsahˬ 27:21

Uˇleˬ hawˇ-eu Duˇmeˬ zmˬ-eu laꞈ kʼoeˇ ngaˬ-eu nui kʼahˇ-ahˇ siˬ nya-eu piˇ ma Eˇlaˬzaˬ-ahˇ aˬ yawꞈ ya gʼoe meh. Yawˬ jeˬ na luꞈ laꞈ kʼoeˇ, Eˇlaˬzaˬ neh mehˬ nehˬ tsoˆ nehˬ-euˬ loꞈ-ehˇ, Yawˇshuˆ hawˇ-eu Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ ya mˇ meh.”

2 Gawˇliˬtu 12:15

Ngaˇ kʼaˇ jaˆ-eu jeˬ dawˬ tawˆ luꞈ hawˇ-eu ngaˬ-euˬ gʼawˇ mawˇ dawˬ tawˆ luꞈ, naw maꞈ-ahˇ caw ba-eu gʼaˇ duˬ laˬ kʼaˬ tiˬ cehˇ damˬ-eu ma. Ngaˇ naw maꞈ-ahˇ gaˬ dui dui-eu miˇneh naw maꞈ ngaˬ-ahˇ ui cuiˆ tehꞈ-ehˇ gaˬ te loˇ.

2 Gawˇliˬtu 7:3

Ngaˇ heu loꞈ-ehˇ ehˇ-eu-aˬ, naw maꞈ kʼoeˇ taˆ iˬ baˇ taˬ-awˇ ehˇ-eu maˬ ngeuˇ. Ngaˬ neh ehˇ dzeuˇ yaꞈ-euˬ loꞈ-ehˇ, dehꞈ ngeh maˬ ehˇ , shiˇ ngeh maˬ ehˇ, maˬ gʼawˬ-iˇ ni naw maꞈ-ahˇ nga maꞈ gʼoeˇ luꞈ gaˬ luꞈ ma.

Dawˬmehˬ 33:8

Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 9:12

Sehˬ gʼawˆ kʼoeˇ-ahˇ Yeˬsuˇ le uˇ-awˇ, Muiˬ dui shawˇ dui dui-eu Jawˇ duˬ-ahˇ mˬ maˬ maˬ byaˆ zaˇ ziˇ gʼaˇ duˬ tiˬ poˆ uˇ leˇ ngeh, ciꞈ myehꞈ hawˇ-eu mawˇ neˇ-euˬ shiˬ yuˇ ahˇ gʼeh-awˇ lawˇ leˇ-euˬ maˬ ngeuˇ-a. Aˬ yawꞈ-euˬ shiˬ yuˇ ahˇ gʼeh-awˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ aˬ dui za ni lawˇ leˇ-euˬ jeˬ pyeuꞈ-eu meh.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Yaˇ kʼaˬ daˇ 1:1

Yawˇshuˆ shiˇ dzeuˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ naˇ haˬ-eu, “Nga maꞈ tsawˇ jeuˬ deuˬ laꞈ kʼoeˇ, tsawˇ jeuˬ aˬ geu jeuˬ aˬ cawˬ mehˬ hu le-awˇ, Kaˬnaˬ tsawˇ jeuˬ-ahˇ guiˇ ya deuˆ leˇ nmˇ.”

Yaˇ kʼaˬ daˇ 20:18

Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ le-awˇ, “Beˬyaˬmiˬ tsawˇ jeuˬ-ahˇ tsawˇ jeuˬ aˬ geu jeuˬ guiˇ jeˬ hu ya deuˆ-iˇ nmˇ” lehˇ, Miˬyehˇ-ahˇ naˇ haˬ-euˬ meh. “Yuˇdaˆ tsawˇ haˬ jeˬ hu deuˆ-iˇ-awˬ” lehˇ Sahˬpaˬ Miˬyehˇ ehˇ-eu meh.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.