Doˆ-iˇ 28:21 - Akha

²¹ Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Doˆ-iˇ 28:21 ပူးပေါင်းရင်းမြစ်များ

1 Sahˬpaˬ 18:31

Sahˬpaˬ Miˬyehˇ neh Iˇsaˬleˬlaˆ lehˇ myahˇ nehˬ-euˬ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ pi luꞈ-eu tsawˇ jeuˬ tseˇ nyiꞈ jeuˬ gʼaˇ duˬ, kʼaˬ lo tseˇ nyiˬ siˬ aˬ yawꞈ yuˇ-euˬ meh.

Yawˇbaˆ 19:24

Maˬ ngeuˇ naˇ dawˬ heu deuˬ miˇ tsaˬ kʼoeˇ taˆ maˬ ya byoˆ-iˇ ni, kʼaˬ lo kʼoeˇ taˆ taꞈ boꞈ taˬ law nmˇ-aˬ gʼaˬ tehꞈ-a.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Doˆ-iˇ 28:11

Aˇ boꞈ toeˬ nya-eu tsawˇ haˬ deuˬ neh, kʼaˬ lo kʼoeˇ nyiˬ siˬ kʼoeˇ taˆ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ bi toeˬ boꞈ-awˇ, shuiˇ iˇ puˬ laꞈ kʼoeˇ dawˆ ahˇ-awˬ.

Doˆ-iˇ 28:20

oeˬ cehˆ tiˬ cehˆ-ahˇ, nyoeˇ shuiˇ shuiˇ-eu kʼaˬ lo sehˇ, neˇ tseuˆ ni gʼeh-eu kʼaˬ lo sehˇ hawˇ-eu, yaw shehꞈ gʼawˬ mya jeˬ ahˇ-eu kʼaˬ lo sehˇ maˬ ehˇ, guꞈ tsoꞈ-awˬ. Heu deuˬ-ahˇ, shuiˇ iˇ puˬ laꞈ kʼoeˇ ya dawˆ ahˇ taˬ-eu meh.

Doˆ-iˇ 28:22

Kʼahˬ ahˇ dehˬ daˬ duˬ-ahˇ tsoꞈ-eu gʼaˇ duˬ, maˇ jawˆ ni gʼeh-eu shuiˇ neh, shuiˇ shuiˇ caˆ yeuꞈ-awˬ.

Zaˬkaˬliˇ 9:16

Aˇ nah kʼoeˇ nah keuˆ le ngeh jawˇ, yawˇ bo-eu gʼaˬ yawˇ yawˇ maꞈ-ahˇ, haw piˇ-awˇ ka kʼoꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ-ahˇ, Sahˬpaˬ Miˬyehˇ ka kʼoꞈ tehꞈ-a. shuiˇ uˬ kʼoˆ kʼoeˇ taˆ bya luꞈ-eu, poeˬ-eu kʼaˬ lo sehˇ deuˬ loꞈ-ehˇ, aˬ yawꞈ-euˬ miˇ kʼahˬ kʼoeˇ uˬ du, aˬ yawꞈ maꞈ yaw shehꞈ bya tehꞈ-a.

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Panmaeq 21:12

Huiˬ dui goˇ dui dui-eu meuˬ meuˬ lahˇ gawˬ taˬ-awˇ, lahˇ kʼehˬ tseˇ nyiꞈ kʼehˬ jaˆ-awˇ, mˬ taˆ gʼaˬ kʼehˇ tseˇ nyiꞈ gʼaˬ loꞈ luꞈ-eu meh. Lahˇ kʼehˬ kʼoeˇ deuˬ kʼoeˇ taˆ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ tsawˇ myahˇ boꞈ taˬ-euˬ meh.