Doˆ-iˇ 28:1 - Akha

¹ “Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 28:1 ပူးပေါင်းရင်းမြစ်များ

1 Laˬsaˬbaˬ 23:13

Aˬ li aˬ yuiꞈ yuiꞈ saˬ gʼaˬ pyeuꞈ-eu Aˬmaˬlamˬ-aˬ, Aˬloˬ hawˇ-eu Moˇseˬ-euˬ aˬ da meh. (Aˬloˬ hawˇ-eu aˬ yawꞈ-euˬ zaˬ deuꞈ uˆ deuˬ-aˬ, mˬ maˬ maˬ byaˆ zaˇ ziˇ muiˬ-eu shawˇ-eu keu ka deuˬ-ahˇ haw-eu pyaˆ-eu gʼaˇ duˬ maˬ ehˇ, aˬ yawꞈ-euˬ tsawˇ myahˇ uˬ moˆ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ gaˇ yaw saw jeˬ doꞈ damˬ-eu gʼaˇ duˬ maˬ ehˇ, tseˇ doˆ taˬ-euˬ tsawˇ haˬ deuˬ pyeuꞈ-eu meh.

1 Laˬsaˬbaˬ 6:10

(Yeˬluˇsaˬlehˬ meuˬ-ahˇ sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu gʼaˬ pyeuꞈ-eu) Aˬzaˬyiˇ,

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

2 Laˬsaˬbaˬ 11:14

Leˬbiˇ tsawˇ haˬ deuˬ-aˬ, yawˬ ha-euˬ jeˬ zaˬ gaˆ kʼahˬ hawˇ-eu miˇ tsaˬ deuˬ byehˇ dzeh yaꞈ jiˇ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ pawˇ le jiˇ-euˬ meh. Aˬ jeˬ miˇ neh ehˇ naˇ, sahˬ paˬ Yeˬyawˇbamˬ hawˇ-eu aˬ yawꞈ-euˬ mehˬ nah daˆ laˇ-euˬ sahˬ paˬ deuˬ, aˬ yawꞈ maꞈ-ahˇ Sahˬpaˬ Miˬyehˇ-euˬ piˇ ma maˬ bi geuꞈ-a.

Jaceuq 115:10

Miˬyehˇ-euˬ piˇ ma deuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ naw maꞈ-ahˇ ngehˬ gʼeh dah teˬ-eu meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Doˆ-iˇ 24:9

Moˇseˬ, Aˬloˬ, Naˬdehˇ, Aˬbiˇhuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ, gawˬ jawˬ kʼoeˇ jawˬ-ahˇ daˆ leˇ-euˬ meh.

Doˆ-iˇ 28:41

Dm gʼaˬ dm lmˇ heu deuˬ, nawˬ-euˬ aˇ doˆ hawˇ-eu aˬ yawꞈ-euˬ aˬ li deuˬ-ahˇ bi dm-awˬ. Kʼoeˇ naˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, aˬ yawꞈ maꞈ-ahˇ saˬ loˬ tsiˇ lehꞈ nehˬ-awˇ, aˇ yaˬ biꞈ nehˬ-eu laꞈ kʼoeˇ, ngaˬ-ahˇ a nehˬ-awˬ.

Doˆ-iˇ 29:1

“Aˬloˬ hawˇ-eu aˬ yawꞈ-euˬ aˬ li deuˬ, ngaˬ-eu gaˇ mˇ-eu piˇ ma geuꞈ-eu gʼaˇ duˬ, nawˇ heu loꞈ-ehˇ jahˇ-awˇ ya a nehˬ meh. Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu yawˇ aˬ buˬ tiˬ mawˇ yuˇ-awˬ.

Doˆ-iˇ 29:44

Sehˬ gʼawˆ hawˇ-eu lawˇ duˬ-ahˇ ngaˇ bi muiˬ bi shawˇ laˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, ngaˇ tseˇ doˆ ma.

Doˆ-iˇ 29:9

Aˬ yawꞈ maꞈ-euˬ joꞈ-ahˇ joꞈ tsiˬ bi paꞈ-awˇ, uˬ duˬ-ahˇ uˬ kʼoˆ bi kʼoˆ-awˬ. Naw maˬ kʼoeˇ loꞈ-ehˇ jahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ aˇ yaˬ ya biꞈ meh. Aˬ yawꞈ maꞈ hawˇ-eu, aˬ yawꞈ maꞈ-euˬ zaˬ deuˬ uˆ deuˬ-aˬ, mˬ maˬ maˬ byaˆ zaˇ ziˇ, ngaˬ-euˬ piˇ ma ya geuꞈ meh.

Doˆ-iˇ 30:30

Kʼoeˇ naˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ tsiˇ lehꞈ-awˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, aˇ yaˬ biꞈ nehˬ-awˬ.

Doˆ-iˇ 31:10

Aˬloˬ hawˇ-eu aˬ yawꞈ-euˬ aˬ li deuˬ piˇ ma geuꞈ-awˇ gaˇ mˇ ngeh dm-eu gʼaˇ duˬ, haw muiˬ dui dui-eu dm gʼaˬ dm lmˇ deuˬ maˬ ehˇ,

Doˆ-iˇ 35:19

Aˬloˬ hawˇ-eu aˬ yawꞈ-euˬ aˬ li deuˬ bi dm-eu gʼaˇ duˬ, piˇ ma deuˬ muiˬ-eu shawˇ-eu jawˇ duˬ-ahˇ uˇ leˇ ngeh dm-eu kʼahˬ sehˇ jaˆ-eu muiˬ-eu shawˇ-eu dm gʼaˬ dm lmˇ deuˬ maˬ ehˇ, jahˇ-awˬ.”

Doˆ-iˇ 6:23

Aˬloˬ-aˬ, Aˇmiˇnaˬdehˇ-euˬ aˬ buˇ pyeuꞈ-eu Naˬshoˬ-euˬ dmˇ ma Eˇliˇsheˬba-ahˇ sheuˬ-awˇ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ jawˇ le-euˬ meh.

Uˬ duˬ 10:1

Aˬloˬ-euˬ aˬ li Naˬdehˇ hawˇ-eu Aˬbiˇhuˬ aˬ nyaꞈ nmˇ-aˬ, miˬ jiˆ pehˆ ahˇ-eu guiˬ gʼawˆ yuˇ-awˇ, miˬ jiˆ pehˆ ahˇ-euˬ meh. Kʼoeˇ naˇ, yaw saw jeˬ dawˆ puiˆ-awˇ, Sahˬpaˬ Miˬyehˇ-ahˇ damˬ nehˬ-euˬ meh. Ehˇ kʼawꞈ, miˬ dzaˬ kʼoeˇ maˬ muiˬ maˬ shawˇ-a. Aˬ jeˬ miˇ neh ehˇ naˇ, kʼoeˇ loꞈ-ehˇ damˬ laˇ-awˬ lehˇ aˬ yawꞈ nyaꞈ-ahˇ Sahˬpaˬ Miˬyehˇ dawˬ biꞈ taˬ-euˬ maˬ jaˆ-a.

Uˬ duˬ 10:12

Aˬloˬ hawˇ-eu aˬ yawꞈ-euˬ aˬ li deuˬ laꞈ kʼoeˇ maˬ shiˇ ni dzeˇ-eu Eˇlaˬzaˬ hawˇ-eu Iˇdaˬmaˬ-ahˇ, Moˇseˬ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ-ahˇ lawˇ-eu dzaˬ dzaˬ dawˇ dawˇ deuˬ laꞈ kʼoeˇ, dzehˬ laˇ-euˬ dzaˬ la gʼo cehˇ lawˇ-eu jeˬ kʼoeˇ yuˇ-awˇ, dehˬ tseˬ maˬ ahˇ-eu kaˬ muˇ jahˇ-awˇ lawˇ duˬ-euˬ dawˬ peh jawˇ-awˇ dzaˬ-awˬ. Aˬ jeˬ miˇ neh ehˇ naˇ, lawˇ-eu jeˬ kʼoeˇ-aˬ, muiˬ dui shawˇ dui dui-eu meh.

Uˬ duˬ 7:35

Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ aˇ yaˬ biꞈ ngeh nah, Sahˬpaˬ Miˬyehˇ-ahˇ lawˇ nehˬ-euˬ dzaˬ dzaˬ dawˇ dawˇ lawˇ-eu jeˬ laꞈ kʼoeˇ, Sahˬpaˬ Miˬyehˇ neh aˬ yawꞈ maꞈ-ahˇ biꞈ nehˬ taˬ-euˬ shaˬ bymˇ pyeuꞈ-eu meh.

Uˬ duˬ 8:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Uˬ duˬ 8:2

“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, piˇ ma-euˬ dm gʼaˬ dm lmˇ deuˬ, tseˇ doˆ-euˬ deuˬ-ahˇ lehꞈ-eu tsiˇ, iˬ baˇ shawˇ-eu lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ, yawˇ aˬ buˬ nyiˬ mawˇ, dehˬ tseˬ maˬ ahˇ-eu kaˬ muˇ dawˆ ahˇ taˬ-euˬ kʼa sa, heu deuˬ yuˇ laꞈ-awˬ.

Bawˇtsahˬ 18:7

Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Bawˇtsahˬ 2:4

Aˬ yawꞈ-euˬ guiˇ maꞈ shiꞈ muiˇ oeˬ heˇ koꞈ yaˇ gʼaˬ byah-eu meh.

Bawˇtsahˬ 26:61

Naˬdehˇ hawˇ-eu Aˬbiˇhuˬ aˬ nyaꞈ-aˬ, maˬ muiˬ maˬ shawˇ-eu miˬ dzaˬ yuˇ-awˇ Sahˬpaˬ Miˬyehˇ-ahˇ lawˇ-euˬ miˇ neh ya shiˇ-euˬ meh.

Luˇkaꞈ 1:8

Tiˬ nah-aˬ, piˇ ma-euˬ gaˇ mˇ-eu gʼaˇ duˬ, Zaˬkaˬliˇ-euˬ aˇ muˇ-ahˇ doˇ laˇ-euˬ miˇ neh, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu meh.

Dawˬmehˬ 10:6

(Iˇsaˬleˬlaˆ tsawˇ haˬ deuˬ-aˬ, Yaˬkaˬ tsawˇ jeuˬ-euˬ lah duˬ deuˬ jaˆ gaˇ neh doˆ-iˇ-awˇ, Moˇseˬlahˬ lehˇ kuˇ-eu jawˇ duˬ-ahˇ le-euˬ meh. Kʼoeˇ gaˇ Aˬloˬ shiˇ-awˇ, baꞈ pahˬ nehˬ yaꞈ-euˬ meh. Aˬ yawꞈ-euˬ dah zaˇ, aˬ yawꞈ-euˬ aˬ li Eˇlaˬzaˬ piˇ ma geuꞈ-euˬ meh.

Dawˬmehˬ 18:5

Mˬ maˬ maˬ byaˆ zaˇ ziˇ aˬ yawꞈ gʼaˇ duˬ piˇ ma bi geuꞈ-eu lehˇ, naw maꞈ-euˬ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Leˬbiˇ tsawˇ jeuˬ-ahˇ aˬ yawꞈ tseˇ doˆ-euˬ meh.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.