Doˆ-iˇ 27:21 - Akha

²¹ Ngaˇ jawˇ-eu sehˬ gʼawˆ laꞈ kʼoeˇ, dawˬ ma saˇ jaˇ bahˬ keuˆ mehˬ shi gʼeu taw taˬ-euˬ saˬ paˇ paˇ ma-euˬ laꞈ nyiˇ paw, Aˬloˬ hawˇ-eu aˬ yawꞈ-euˬ aˬ li deuˬ tsiˇ kʼmˬ kʼoeˇ ya doꞈ taˬ meh. Ngaˬ-euˬ mehˬ shi, jawˇ duˬ kʼoeˇ tsahˇ-ahˇ, tsiˇ kʼmˬ kʼoeˇ uˬ ciꞈ uˬ bya bya ni ya bi doꞈ meh. Dawˬ heu dawˬ-aˬ, Iˇsaˬleˬlaˆ tsawˇ haˬ deuˬ hawˇ-eu, aˬ kaˇ aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ ya naˇ haˬ geuꞈ-eu dawˬ pyeuꞈ-eu meh.

Doˆ-iˇ 27:21 ပူးပေါင်းရင်းမြစ်များ

Aˇ dahˬ 1:5

Yaw shehꞈ-ahˇ “Nah gʼahˇ”, yaw zahˇ-ahˇ “Uˬ ciꞈ” lehˇ, aˬ yawꞈ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, yaw beh nah dzeuˇ-iˇ-euˬ meh.

Aˇ dahˬ 1:8

Kaˬ lawˆ kʼoeˇ hmˬ-ahˇ, “Mˬ” lehˇ Miˬyehˇ myahˇ nehˬ-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, nyiˬ nah tiˬ nah dzeuˇ-iˇ-euˬ meh.

2 Laˬsaˬbaˬ 13:11

Yaw saw jeˬ doꞈ damˬ-eu hawˇ-eu, jeˬ zaˬ yuˇ-awˇ mawˇ lah-ehˇ miˬ dzaˬ-ahˇ dzah puiˆ-awˇ law-eu jeˬ, yawˬ shawˬ yawˬ miˇ na luꞈ aˬ yawꞈ maꞈ mˇ luꞈ meh. Zahˇ sahˇ kʼoꞈ-ahˇ taꞈ leˇ-awˇ shawˇ jehˆ ni gʼeh-eu hawˬ jeh kʼoeˇ taˆ, kaˬ muˇ lawˇ-eu jeˬ aˬ yawꞈ maꞈ lawˇ-awˇ, yawˬ miˇ na luꞈ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ, aˬ yawꞈ maꞈ tsiˇ kʼmˬ doꞈ daˆ taˬ-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ nga maꞈ mˇ luꞈ ma. Ehˇ kʼawꞈ, naw maꞈ aˬ yawꞈ-ahˇ byehˇ dzeh-euˬ meh.

Jaceuq 134:1

Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

Doˆ-iˇ 12:14

Aˇ nah heu nah-ahˇ, Sahˬpaˬ Miˬyehˇ pyeuꞈ-eu ngaˇ mˇ-eu gaˇ-ahˇ noeˬ keuˆ-awˇ, lah-eu daw-eu laꞈ kʼoeˇ, ngaˬ-ahˇ uˬ duˬ tahˬ-eu jeˬ-ahˇ taꞈ leˇ-eu bawˬ-iˬ naw maꞈ ya gʼeh tehꞈ-a. Tiˬ ziˇ saˇ-iˬ tiˬ ziˇ, bawˬ-iˬ heu hmˬ naw maꞈ ya jahˇ daˆ leꞈ meh.”

Doˆ-iˇ 16:34

Moˇseˬ-ahˇ Sahˬpaˬ Miˬyehˇ neh ehˇ nehˬ-euˬ loꞈ-ehˇ jeˬ hmˬ taˬ-eu gʼaˇ duˬ, ciˬ cuˇ kʼoeˇ siˬ-ahˇ, Dawˬ ma saˇ jaˇ Bahˬ keuˆ mehˬ shi Aˬloˬ ciˬ taˬ-iˇ-euˬ meh.

Doˆ-iˇ 25:16

Naw maꞈ-ahˇ ngaˇ biꞈ-eu lehˇ gʼeh-eu zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ kʼoeˇ nyiˬ byaꞈ-ahˇ, bahˬ keuˆ kʼoeˇ siˬ laꞈ kʼoeˇ dawˆ-ahˇ taˬ-awˬ.

Doˆ-iˇ 28:43

Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.

Doˆ-iˇ 29:42

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, ngaˬ-euˬ mehˬ shi, ngaˇ jawˇ-eu sehˬ gʼawˆ gʼoˆ kʼehˬ-ahˇ, aˬ myah luꞈ ya lawˇ meh. Kʼoeˇ gaˇ, ngaˬ-euˬ tsawˇ haˬ-ahˇ ngaˇ tahˬ puˬ le-awˇ, nawˬ-ahˇ ngaˇ dawˬ ngehˬ cawˬ ma.

Doˆ-iˇ 29:44

Sehˬ gʼawˆ hawˇ-eu lawˇ duˬ-ahˇ ngaˇ bi muiˬ bi shawˇ laˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, ngaˇ tseˇ doˆ ma.

Doˆ-iˇ 30:21

Aˬ yawꞈ maꞈ maˬ ya shiˇ-eu gʼaˇ duˬ, aˬ kuiˇ aˬ laꞈ ya dzuiꞈ shawˇ-eu jeˬ pyeuꞈ-eu meh. Heu-aˬ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ ya mˇ-eu zahˇ sahˇ kʼoꞈ tiˬ jeˬ meh.”

Doˆ-iˇ 30:36

Kʼoeˇ loꞈ-ehˇ jahˇ gʼaˬ ngeh, ui cuiˆ yuˇ doˆ-awˇ, kʼaˬ lehˇ loꞈ-ehˇ tahˬ loeˇ-awˬ. Tahˬ loeˇ gʼaˬ-euˬ kʼoeˇ ngaˇ jawˇ-eu sehˬ gʼawˆ laꞈ kʼoeˇ yuˇ laꞈ-awˇ, dawˬ ma saˇ jaˇ bahˬ keuˆ dawˬ peh byaˆ shehˬ-awˬ. Doꞈ damˬ-eu yaw saw jeˬ heu-ahˇ, maˇ maˇ ni muiˬ-eu shawˇ-eu jeˬ loꞈ-ehˇ taˬ huiˬ taˬ mahˇ-awˬ.

Doˆ-iˇ 30:8

Uˬ ciꞈ uˬ taw paw aˬ yawꞈ tsiˇ kʼmˬ laˆ saˆ doꞈ laˇ ngeh kʼawꞈ, kʼoeˇ loꞈ-ehˇ ya jahˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yaw saw jeˬ doꞈ-awˇ damˬ-eu heu, tiˬ jawˇ-iˬ maˬ ya bi tsehˆ leˇ-a.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

Uˬ duˬ 16:34

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.

Uˬ duˬ 17:7

Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.

Uˬ duˬ 23:14

Miˬyehˇ-ahˇ lawˇ nehˬ-eu jeˬ kʼoeˇ maˬ mˇ gʼaˬ kʼoeˇ keuˆ ni, keuˆ le-euˬ cehˇ shuiꞈ kʼoeˇ-ahˇ, yaw jmˬ-ehˇ maˬ ehˇ, laˆ jaꞈ-awˇ maˬ ehˇ, kaˬ muˇ jahˇ-awˇ neh maˬ ehˇ, naw maꞈ maˬ ya dzaˬ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh.

Uˬ duˬ 23:21

Aˇ nah kʼoeˇ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ-euˬ zaˬ deuˬ uˆ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ aˬ yawꞈ maꞈ aˬ myah luꞈ ya caw teh meh.

Uˬ duˬ 24:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Tsiˇ kʼmˬ maˬ miˆ-iˇ ni bi doꞈ-eu gʼaˇ duˬ, muiˬ dui dui-eu shawˇ jehˆ ni gʼeh-eu saˬ loˬ tsiˇ deuˬ yuˇ laꞈ-awˬ.

Uˬ duˬ 24:3

Muiˬ dui shawˇ dui dui-eu jawˇ duˬ laꞈ kʼoeˇ jaˆ-eu Dawˬ ma saˇ jaˇ Bahˬ keuˆ mehˬ shi, lawˆ kaˬ taw taˬ-euˬ saˬ paˇ-euˬ laꞈ nyiˇ paw, Sahˬpaˬ Miˬyehˇ-euˬ mehˬ shi, yawˬ miˇ na luꞈ Aˬloˬ tsiˇ kʼmˬ ya doꞈ-awˇ, uˬ bya bya laˇ ngeh keuˆ ni maˬ miˆ-iˇ-ehˇ ya bi jaˆ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya mˇ daˆ leꞈ meh.

Uˬ duˬ 24:9

Kaˬ muˇ kʼoeˇ-aˬ, Aˬloˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ shaˬ bymˇ pyeuꞈ-awˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh. Aˬ jeˬ miˇ neh ehˇ naˇ, kaˬ muˇ kʼoeˇ-aˬ, piˇ ma deuˬ gʼaˇ duˬ Sahˬpaˬ Miˬyehˇ-ahˇ lawˇ nehˬ-euˬ muiˬ dui shawˇ dui dui-eu dzaˬ dzaˬ dawˇ dawˇ pyeuꞈ-eu meh.

Uˬ duˬ 3:17

Iˇsaˬleˬlaˆ tsawˇ haˬ tiˬ gʼaˬ-iˬ, shaˬ tsuˇ hawˇ-eu shiˬ maˬ ya dzaˬ-a. Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-euˬ maˬ kaˬ, zahˇ sahˇ kʼoꞈ heu hmˬ-ahˇ, mˬ maˬ maˬ byaˆ zaˇ ziˇ ya caw teh meh.

Uˬ duˬ 3:8

yawˇ kʼoeˇ mawˇ-euˬ uˬ duˬ-ahˇ aˬ yawꞈ-euˬ aˬ laꞈ baꞈ daˆ-awˇ, sehˬ gʼawˆ-euˬ mehˬ shi yawˇ kʼoeˇ mawˇ-ahˇ ya sehꞈ meh. Piˇ ma deuˬ yawˇ kʼoeˇ mawˇ-euˬ shiˬ yuˇ-awˇ, lawˇ duˬ oeˬ paw pyawˬ luꞈ-ahˇ ya byaˆ meh.

Uˬ duˬ 6:15

Cehˇ meu dawˬ tawˆ luꞈ hawˇ-eu tsiˇ dawˬ tawˆ luꞈ lawˇ-eu dah zaˇ, laꞈ tsuˆ tiˬ tsuˆ aˬ yawꞈ ya yuˇ doˆ meh. Kʼoeˇ naˇ, kʼoeˇ-euˬ kʼoeˇ taˆ yaw saw jeˬ dawˆ daˆ-awˇ, lawˇ duˬ kʼoeˇ taˆ dzah puiˆ-awˇ, Sahˬpaˬ Miˬyehˇ-ahˇ ya lawˇ meh. Lawˇ-euˬ yaw saꞈ kʼoeˇ-ahˇ Sahˬpaˬ Miˬyehˇ nui ma tsaˬ-eu meh.

Uˬ duˬ 7:36

Lawˇ-eu shehˇ-eu jeˬ laꞈ kʼoeˇ, shaˬ bymˇ kʼoeˇ bymˇ aˬ yawꞈ maꞈ-ahˇ biꞈ-eu gʼaˇ duˬ, kʼoeˇ ngeh nah Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ dawˬ biꞈ taˬ-euˬ meh. Heu-aˬ, mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ ya caw teh-eu zahˇ sahˇ kʼoꞈ pyeuꞈ-eu meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Bawˇtsahˬ 18:23

Aˬ kaˇ naˇ, Leˬbiˇ tsawˇ haˬ deuˬ tehꞈ-ehˇ Sehˬ gʼawˆ-ahˇ haw-eu pyaˆ-eu laꞈ kʼoeˇ, sehˬ gʼawˆ laꞈ kʼoeˇ jaˆ-eu gaˇ deuˬ ya mˇ meh. Heu-aˬ, naw maꞈ-euˬ zaˬ deuˬ uˆ deuˬ-ahˇ keuˆ ni taꞈ-eu maˬ poˆ maˬ paˇ laˇ nya-eu zahˇ sahˇ kʼoꞈ pyeuꞈ-eu meh. Iˇsaˬleˬlaˆ miˇ kʼahˬ laꞈ kʼoeˇ, Leˬbiˇ tsawˇ haˬ deuˬ ya geuꞈ tsehˆ tsehˆ-eu jeˬ biˇ maˬ jaˆ-a.

Bawˇtsahˬ 18:5

Iˇsaˬleˬlaˆ tsawˇ haˬ deuˬ-ahˇ yawˬ poˆ yawˬ ngaˇ nui ma maˬ ya pehˇ-eu gʼaˇ duˬ, muiˬ-eu shawˇ-eu jawˇ duˬ-ahˇ taꞈ-eu gaˇ deuˬ hawˇ-eu lawˇ duˬ-ahˇ taꞈ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh.

Bawˇtsahˬ 19:21

Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, zahˇ sahˇ kʼoꞈ heu hmˬ-ahˇ naw maꞈ ya caw teh meh. Bi shawˇ laˇ-eu iˇ cuꞈ byaˆ shehˬ nehˬ gʼaˬ-euˬ tsawˇ haˬ kʼoeˇ gʼaˬ kʼawꞈ, yawˬ ha-euˬ mehˬ tsoeˬ ya lehˬ tsiˬ meh. Iˇ cuꞈ kʼoeˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, uˬ ciꞈ uˬ taw paw keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 35:29

Naw maꞈ hawˇ-eu naw maꞈ-euˬ zaˬ deuˬ uˆ deuˬ aˬ geu gaˇ jawˇ keuˆ-eu maˬ kaˬ, zahˇ sahˇ kʼoꞈ heu hmˬ-ahˇ maˬ ya byehˇ-a.

Bawˇtsahˬ 8:9

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ kuˇ uiˬ-awˇ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ mehˬ shi bi yawꞈ-awˬ.

Maꞈtehˬ 4:16

Yaw zahˇ laꞈ kʼoeˇ jawˇ luꞈ-eu deuˬ, yaw shehꞈ ya mawˇ-euˬ meh. Shiˇ-eu miˇ kʼahˬ yaw zahˇ laꞈ kʼoeˇ, kʼaˇ jawˇ-eu tsawˇ haˬ deuˬ kʼoeˇ taˆ, yaw shehꞈ bya keuˆ le gʼaˬ-euˬ meh.”

Luˇkaꞈ 12:35

Naw maꞈ joꞈ paꞈ deuˇ geuˆ ni paꞈ-awˇ, tsiˇ kʼmˬ doꞈ taˬ-awˬ.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.

1 Saˬmeuˬlaˆ 3:3

Saˬmeuˬlaˆ-aˬ, Sahˬpaˬ Miˬyehˇ jawˇ-eu Sehˬ gʼawˆ-ahˇ jaˆ-eu Dawˬ ma saˇ jaˇ Bahˬ keuˆ dawˬ peh yuꞈ luꞈ-eu meh. Uˬ bya bya taw maˬ taw laˇ-euˬ miˇ neh, tsiˇ kʼmˬ maˬ miˆ-iˇ ni doꞈ luꞈ-eu meh.

1 Saˬmeuˬlaˆ 30:25

Daˬbiˇ neh zahˇ kʼoeˇ loꞈ-ehˇ taˬ taˬ-awˇ, Iˇsaˬleˬlaˆ miˇ kʼahˬ laꞈ kʼoeˇ, zahˇ kʼoeˇ hmˬ-ahˇ aˬ myah luꞈ caw teh-euˬ meh.