Doˆ-iˇ 26:30 - Akha

³⁰ Gawˬ jawˬ kʼoeˇ taˆ, ngaˬ neh nawˬ-ahˇ mehˬ nehˬ-euˬ loꞈ-ehˇ, sehˬ gʼawˆ tsoˆ-awˬ.

Doˆ-iˇ 26:30 ပူးပေါင်းရင်းမြစ်များ

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 26:29

Daˇ kawˬ teˇ byaꞈ kʼoeˇ deuˬ-ahˇ shuiˇ yaw-awˇ, laꞈ yoꞈ tsoꞈ nya ni, shuiˇ daˇ kʼahˇ ya jahˇ tsoꞈ meh. Laꞈ yoꞈ kʼoeˇ deuˬ-ahˇ kʼawꞈ shuiˇ ya yaw meh.

Doˆ-iˇ 27:8

Gawˬ jawˬ kʼoeˇ taˆ ngaˇ nawˬ-ahˇ mehˬ nehˬ-euˬ loꞈ-ehˇ, lawˇ duˬ kʼoeˇ hmˬ-ahˇ teˇ byaꞈ neh jahˇ-awˇ, coˇ hoˇ ni ya bi jaˆ meh.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 8:4

Moˇseˬ-ahˇ Sahˬpaˬ Miˬyehˇ yaw duˬ duˬ-ehˇ mehˬ nehˬ-euˬ loꞈ-ehˇ, tsiˇ kʼmˬ doꞈ taˬ duˬ kʼoeˇ hmˬ-ahˇ, uˬ duˬ-ahˇ neh dawˬ pehˬ-ahˇ keuˆ ni shuiˇ neh tehˆ taˬ-euˬ meh.

Gʼaˬkʼehˇ 7:44

“Aˬ dui-euˬ aˬ poeˬ aˬ bawˇ deuˬ, bawˇ tsahˬ bawˇ dahˇ-ahˇ Dawˬ ma saˇ jaˇ Sehˬ gʼawˆ jaˆ-euˬ meh. Miˬyehˇ neh Moˇseˬ-ahˇ ehˇ nehˬ-awˇ bi tsoˆ-euˬ loꞈ-ehˇ, Moˇseˬ neh ya mawˇ-euˬ hmˬ-ahˇ duˇ leˇ ni tsoˆ-euˬ meh.

HeˬByehˇ 8:2

Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

HeˬByehˇ 8:5

Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

HeˬByehˇ 9:23

Maˇ maˇ ni mˬ kʼoeˇ taˆ jaˆ-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ gʼeh-eu deuˬ-ahˇ, kʼoeˇ loꞈ-ehˇ ya mˇ shawˇ-eu meh. Ehˇ kʼawꞈ, maˇ maˇ ni mˬ kʼoeˇ taˆ jaˆ-eu jeˬ-ahˇ shawˇ-eu gʼaˇ duˬ, kʼoeˇ naˆ maˬ tseˇ muiˬ dzehˬ-eu jeˬ ya lawˇ ya shehˇ-eu meh.

Yawˇshuˆ 18:1

Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.