Doˆ-iˇ 26:1 - Akha

¹ “Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Doˆ-iˇ 26:1 ပူးပေါင်းရင်းမြစ်များ

2 Saˬmeuˬlaˆ 7:2

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ aˬ yawꞈ ehˇ nehˬ-eu, “Shuˬ liˇ neh tsoˆ taˬ-euˬ nymˇ laꞈ kʼoeˇ ngaˇ jawˇ luꞈ-eu ma. Ehˇ kʼawꞈ, Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ tehꞈ-ehˇ jaˆ luꞈ-a siˬ.”

1 Sahˬpaˬ 6:29

Nymˇ ma lawˆ hawˇ-eu laꞈ kʼoeˇ lawˆ-euˬ kaˇ pyawˇ yawˬ pyawˬ na luꞈ-ahˇ, jeˬ luˇ beˬ aˇ baˇ, daoˇ aˇ bawˬ aˇ baˇ hawˇ-eu aˇ yehˆ aˇ baˇ deuˬ toeˬ boꞈ taˬ-euˬ meh.

1 Laˬsaˬbaˬ 17:1

Nymˬ-mˇ poˆ jawˇ, sahˬ paˬ Daˬbiˇ-aˬ, aˬ yawꞈ-euˬ sahˬ paˬ hawˇ nymˇ laꞈ kʼoeˇ jawˇ luꞈ-eu meh. Tiˬ nah keuˆ laˇ ngeh, Miˬyehˇ gʼaˇ duˬ ngehˬ dah-eu Naˬdaˬ-ahˇ bi kuˇ laˬ-iˇ-awˇ, “Ngaˇ-aˬ, shuˬ liˇ daˇ kawˬ neh tsoˆ taˬ-euˬ muiˬ dui dui-eu nymˇ laꞈ kʼoeˇ jawˇ luꞈ ma. Ehˇ kʼawꞈ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ jaˆ luꞈ-a siˬ” lehˇ ehˇ nehˬ-euˬ meh.

1 Laˬsaˬbaˬ 21:29

Aˇ yamˬ kʼoeˇ yamˬ laꞈ kʼoeˇ, Moˇseˬ neh bawˇ tsahˬ bawˇ dahˇ-ahˇ tsoˆ-euˬ Sahˬpaˬ Miˬyehˇ jawˇ-eu Sehˬ gʼawˆ kʼoeˇ gʼawˆ hawˇ-eu, lawˇ-eu shehˇ-eu jeˬ dzah puiˆ-awˇ lawˇ-eu lawˇ duˬ kʼoeˇ hmˬ, Giˇbyoˬ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ tsahˇ-ahˇ jaˆ luꞈ-eu meh.

Doˆ-iˇ 25:18

Shuiˇ yuˇ-awˇ, Jeˬluˇbeˬ mawˇ kawˇ nyiˬ hmˬ jahˇ-awˬ.

Doˆ-iˇ 25:4

shawˇ jehˆ ni gʼeh-eu saˬ paˇ paˇ pyuˇ, yawˇ zaˬ caꞈ hm neh zaꞈ taˬ-euˬ nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ,

Doˆ-iˇ 25:8

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-eu gʼaˇ duˬ, ngaˬ-euˬ gʼaˇ duˬ muiˬ-eu shawˇ-eu sehˬ gʼawˆ tiˬ gʼawˆ aꞈ yawꞈ maꞈ ya tsoˆ meh.

Doˆ-iˇ 26:2

Saˬ paˇ kʼoeˇ yawˬ dzeh na luꞈ, yaw mahˇ paw nyiˬ tseˇ yehꞈ caˆ, yaw jeˇ paw oeˬ caˆ byah-awˇ, aˬ yawꞈ tiˬ shehˆ tehꞈ-ehˇ ya bi pyeuꞈ meh.

Doˆ-iˇ 26:31

“Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-eu saˬ paˇ yuˇ-awˇ, lawˆ kaˬ taw paˆ-eu saˬ paˇ paˇ ma ya jahˇ meh.

Doˆ-iˇ 26:36

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ-awˇ, aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ paˇ ma yuˇ-awˇ, sehˬ gʼawˆ gʼoˆ kʼehˬ-ahˇ sheu taw taˬ-awˬ.

Doˆ-iˇ 31:7

Ngaˇ jawˇ-eu Sehˬ gʼawˆ maˬ ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ maˬ ehˇ, Sehˬ gʼawˆ laꞈ kʼoeˇ jaˆ-eu keu ka deuˬ maˬ ehˇ,

Doˆ-iˇ 35:11

Sehˬ gʼawˆ maˬ ehˇ, sehˬ gʼawˆ-ahˇ joe kaˬ-eu jeˬ hawˇ-eu kʼoeˇ taˆ taˆ saˬ tiˆ-ahˇ joe kaˬ-eu jeˬ maˬ ehˇ, kuˆ seuˬ hawˇ-eu teˇ byaꞈ deuˬ maˬ ehˇ, laꞈ law hawˇ-eu kʼawˇ zeuˇ deuˬ maˬ ehˇ,

Doˆ-iˇ 35:35

Mawˇ kawˇ deuˬ hawˇ-eu aˇ boꞈ deuˬ taꞈ-eu ba jiˬ-euˬ gaˇ maˬ ehˇ, shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ hawˇ-eu, saˬ paˇ nui deuˬ zaꞈ nya-eu tsawˇ gahˇ maˬ ehˇ, heu deuˬ dawˬ tawˆ luꞈ-ahˇ yaw muiˬ paˬ-ehˇ mˇ nya ni, aˬ yawꞈ nyaꞈ-ahˇ tsawˇ gahˇ biꞈ taˬ-euˬ meh. Aˬ yawꞈ nyaꞈ-aˬ, yawˬ jeˬ na luꞈ mˇ nya-awˇ, gʼawˬ mya jeˬ noeˬ doˆ mˇ doˆ nya-eu gahˇ dui dui-eu tsawˇ haˬ pyeuꞈ-eu meh.

Doˆ-iˇ 35:6

shawˇ jehˆ ni gʼeh-eu saˬ paˇ maˬ ehˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ maˬ ehˇ, ciꞈ myehꞈ caꞈ hm neh zaꞈ taˬ-euˬ saˬ paˇ maˬ ehˇ,

Doˆ-iˇ 36:35

Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ saˬ paˇ yuˇ-awˇ, lawˆ kaˬ taw paˆ-eu saˬ paˇ paˇ ma jahˇ-euˬ meh.

Doˆ-iˇ 39:3

Shawˇ jehˆ ni gʼeh-eu saˬ paˇ, nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ paˇ deuˬ kʼoeˇ taˆ aˇ boꞈ boꞈ-eu gʼaˇ duˬ, baˬ lehˇ ni gʼeh-eu shuiˇ shuiˇ yaˆ tehˆ-awˇ, shuiˇ shuiˇ caˆ tehˬ doˆ-euˬ meh.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Bawˇtsahˬ 3:25

Aˬ yawꞈ-euˬ gaˇ-aˬ, Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, gʼoˆ kʼehˬ-ahˇ taw-eu saˬ paˇ,

Bawˇtsahˬ 4:25

Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, kʼoeˇ taˆ taˆ saˬ tiˆ-ahˇ dehˬ kaˬ-eu shawˇ jehˆ ni gʼeh-eu shaˬ kʼoˆ, gʼoˆ kʼehˬ-ahˇ taw taˬ-eu saˬ paˇ,

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 2:21

Ehˇ kʼawꞈ, Yeˬsuˇ ehˇ mawꞈ-eu Uˬ duˬ tahˬ nymˇ nymˇ ma kʼoeˇ-aˬ, aˬ yawꞈ maꞈ-euˬ gʼawˇ mawˇ-ahˇ ehˇ mawꞈ-eu meh. etl

HeˬByehˇ 8:2

Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

HeˬByehˇ 9:2

Muiˬ-eu shawˇ-eu Jawˇ duˬ lehˇ kuˇ-eu Sehˬgʼawˆ laꞈ nyiˇ lawˆ, gʼawˆ taˬ-euˬ meh. Kʼoeˇ-euˬ laꞈ kʼoeˇ, tsiˇ kʼmˬ doꞈ daˆ duˬ hawˇ-eu Miˬyehˇ-ahˇ lawˇ nehˬ-euˬ ka muˇ ciˬ daˆ-eu hawˬ jeh tiˬ jeh jaˆ-eu meh.

HeˬByehˇ 9:9

Heu-aˬ, nymˬ-mˇ-euˬ aˇ yamˬ heu-ahˇ mehˬ nehˬ laꞈ-eu jeˬ pyeuꞈ-eu meh. Ehˇ mawꞈ-eu dawˬ tsuiꞈ-aꞈ, Miˬyehˇ-ahˇ damˬ nehˬ-euˬ jeˬ hawˇ-eu jeˬ zaˬ sehꞈ-awˇ lawˇ-eu shehˇ-eu jeˬ-aˬ, Miˬyehˇ-ahˇ uˬ duˬ tahˬ-eu tsawˇ haˬ-euˬ nui ma muiˬ laˇ shawˇ laˇ ni maˬ mˇ byah nehˬ nya-a lehˇ ehˇ mawꞈ-eu meh.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.