Doˆ-iˇ 25:31 - Akha

³¹ “Maˇ jawˆ ni gʼeh-eu shuiˇ neh, tsiˇ kʼmˬ doꞈ taˬ duˬ tiˬ hmˬ jahˇ-awˇ, dawˬ pehˬ hawˇ-eu gʼawˇ pah kʼawˇ zeuˇ-ahˇ, shuiˇ neh tehˆ-awˇ jahˇ-awˬ. Aˇ cuˬ aˇ yehˆ yehˆ luꞈ-eu aˇ yehˆ aˇ baˇ deuˬ kʼawꞈ, tiˬ poˆ tehꞈ-ehˇ kʼoeˇ gaˇ jahˇ tsoꞈ-awˬ.

Doˆ-iˇ 25:31 ပူးပေါင်းရင်းမြစ်များ

Zaˬkaˬliˇ 4:2

“Nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ laˇ ngeh, ngaˇ heu loꞈ-ehˇ ehˇ kʼoꞈ nehˬ-euˬ ma. “Shuiˇ neh jahˇ taˬ-euˬ tsiˇ kʼmˬ doꞈ taˬ duˬ mawˇ-euˬ ma. Tsiˇ kʼmˬ doꞈ taˬ duˬ kʼoeˇ hmˬ-euˬ uˬ du, tsiˇ shehˆ ahˇ duˬ naˬ bo jaˆ-awˇ, tsiˇ kʼmˬ shiꞈ kʼmˬ dahˇ-eu meh. Tsiˇ kʼmˬ aˬ yawꞈ kʼmˬ yawꞈ, tsiˇ diꞈ shiꞈ hmˬ tsoꞈ kʼaˇ za-eu meh.

1 Sahˬpaˬ 7:49

Muiˬ dui shawˇ dui dui-eu jawˇ duˬ mehˬ shi laꞈ oˆ paw pyawˬ-ahˇ ngaˬ hmˬ, laꞈ taˆ paw pyawˬ-ahˇ ngaˬ hmˬ bi jaˆ-eu gʼaˇ duˬ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ tseˇ hmˬ, shuiˇ aˇ yehˆ deuˬ, shuiˇ tsiˇ kʼmˬ deuˬ hawˇ-eu shuiˇ ciˆ nyawˆ deuˬ,

Panmaeq 1:12

Ngaˬ-ahˇ dawˬ ngehˬ cawˬ-eu gʼaˬ-ahˇ haw-eu lehˇ ngaˇ zeuˆ pyawˇ ngeh, shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ jaˆ gaˇ ya mawˇ-euˬ ma.

HeˬByehˇ 9:2

Muiˬ-eu shawˇ-eu Jawˇ duˬ lehˇ kuˇ-eu Sehˬgʼawˆ laꞈ nyiˇ lawˆ, gʼawˆ taˬ-euˬ meh. Kʼoeˇ-euˬ laꞈ kʼoeˇ, tsiˇ kʼmˬ doꞈ daˆ duˬ hawˇ-eu Miˬyehˇ-ahˇ lawˇ nehˬ-euˬ ka muˇ ciˬ daˆ-eu hawˬ jeh tiˬ jeh jaˆ-eu meh.

Panmaeq 4:5

Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.

2 Laˬsaˬbaˬ 13:11

Yaw saw jeˬ doꞈ damˬ-eu hawˇ-eu, jeˬ zaˬ yuˇ-awˇ mawˇ lah-ehˇ miˬ dzaˬ-ahˇ dzah puiˆ-awˇ law-eu jeˬ, yawˬ shawˬ yawˬ miˇ na luꞈ aˬ yawꞈ maꞈ mˇ luꞈ meh. Zahˇ sahˇ kʼoꞈ-ahˇ taꞈ leˇ-awˇ shawˇ jehˆ ni gʼeh-eu hawˬ jeh kʼoeˇ taˆ, kaˬ muˇ lawˇ-eu jeˬ aˬ yawꞈ maꞈ lawˇ-awˇ, yawˬ miˇ na luꞈ, shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ, aˬ yawꞈ maꞈ tsiˇ kʼmˬ doꞈ daˆ taˬ-euˬ meh. Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ nga maꞈ mˇ luꞈ ma. Ehˇ kʼawꞈ, naw maꞈ aˬ yawꞈ-ahˇ byehˇ dzeh-euˬ meh.

1 Sahˬpaˬ 7:24

Lah kʼoeˇ-euˬ daˇ bahˇ caw caw-ehˇ, tiˬ caˆ laꞈ kʼoeˇ iˇ puˬ aˇ baˇ tseˇ siˬ ahˇ leˇ-ehˇ, iˇ puˬ aˇ baˇ nyiˬ cehˆ, lah aˬ yawꞈ-ahˇ tiˬ poˆ tehꞈ-ehˇ kʼaˇ tawꞈ taˬ-euˬ meh.

1 Sahˬpaˬ 6:18

Shuˬ liˇ teˇ byaꞈ kʼoeˇ deuˬ-ahˇ, iˇ puˬ aˇ baˇ hawˇ-eu aˇ yehˆ aˇ baˇ toeˬ boꞈ taˬ-euˬ meh. Kaˇ pyawˇ laꞈ kʼoeˇ pyawˬ tiˬ pyawˬ pyawˬ lah-ehˇ, kʼaˬ lo kaˇ pyawˇ maˬ bi mawˇ laˇ ni, shuˬ liˇ teˇ byaꞈ neh paˇ taw gʼoeˬ jiˇ taˬ-euˬ meh.

Doˆ-iˇ 35:14

tsiˇ kʼmˬ doꞈ taˬ duˬ hawˇ-eu kʼoeˇ-euˬ keu ka deuˬ maˬ ehˇ, tsiˇ kʼmˬ hawˇ-eu tsiˇ maˬ ehˇ,

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Doˆ-iˇ 25:34

Gʼawˇ pah kʼawˇ zeuˇ-ahˇ, aˇ cuˬ aˇ yehˆ yehˆ luꞈ-eu aˬ laˬ moˬ aˇ yehˆ-ahˇ duˇ-eu aˇ yehˆ aˇ baˇ oeˬ baˇ bi tsoꞈ-awˬ.

Doˆ-iˇ 25:36

Aˇ yehˆ aˇ cuˬ kʼoeˇ deuˬ maˬ ehˇ, uˬ laꞈ kʼoeˇ deuˬ maˬ ehˇ, tsiˇ kʼmˬ doꞈ taˬ duˬ nehˬ-ehˇ aˬ yawꞈ tiˬ gaˇ tsoꞈ tawꞈ ni, maˇ jawˆ ni gʼeh-eu shuiˇ neh ya tehˆ meh.

Uˬ duˬ 24:4

Maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ kʼoeˇ taˆ jaˆ-eu tsiˇ kʼmˬ deuˬ-ahˇ, Aˬloˬ ya laˆ saˆ-awˇ, Sahˬpaˬ Miˬyehˇ-euˬ mehˬ shi tsiˇ kʼmˬ kʼoeˇ deuˬ aˬ myah luꞈ maˬ miˆ tsehˆ-iˇ ni doꞈ luꞈ nga loˇ lehˇ aˬ yawꞈ ya haw meh.

Bawˇtsahˬ 3:31

Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 4:9

Tsiˇ kʼmˬ doꞈ taˬ duˬ, tsiˇ kʼmˬ, ciˆ nyawˆ, kʼaˬ lehˇ tawˆ ahˇ duˬ hawˇ-eu saˬ loˬ tsiˇ dawˆ ahˇ-eu mui deuˇ oeˬ lahˬ heu deuˬ kʼoeˇ taˆ, nyoeˇ leuˬ leuˬ-eu saˬ paˇ tiˬ dzeh yuˇ-awˇ ya dehˬ kaˬ meh.

Bawˇtsahˬ 8:4

Moˇseˬ-ahˇ Sahˬpaˬ Miˬyehˇ yaw duˬ duˬ-ehˇ mehˬ nehˬ-euˬ loꞈ-ehˇ, tsiˇ kʼmˬ doꞈ taˬ duˬ kʼoeˇ hmˬ-ahˇ, uˬ duˬ-ahˇ neh dawˬ pehˬ-ahˇ keuˆ ni shuiˇ neh tehˆ taˬ-euˬ meh.

1 Saˬmeuˬlaˆ 3:3

Saˬmeuˬlaˆ-aˬ, Sahˬpaˬ Miˬyehˇ jawˇ-eu Sehˬ gʼawˆ-ahˇ jaˆ-eu Dawˬ ma saˇ jaˇ Bahˬ keuˆ dawˬ peh yuꞈ luꞈ-eu meh. Uˬ bya bya taw maˬ taw laˇ-euˬ miˇ neh, tsiˇ kʼmˬ maˬ miˆ-iˇ ni doꞈ luꞈ-eu meh.

1 Laˬsaˬbaˬ 28:15

Tsiˇ kʼmˬ hawˇ-eu tsiˇ kʼmˬ doꞈ taˬ duˬ aˬ yawꞈ hmˬ yawꞈ jahˇ gaˇ maˬ ehˇ,

2 Laˬsaˬbaˬ 4:7

Aˬ yawꞈ maꞈ shuiˇ yuˇ-awˇ aˬ myah myah luꞈ jahˇ haw-euˬ hui ni ahˇ-eu tsiˇ kʼmˬ doꞈ taˬ duˬ tseˇ hmˬ jahˇ-awˇ, Uˬ duˬ tahˬ nymˇ nymˇ ma laꞈ kʼoeˇ, laꞈ oˆ paw ngaˬ hmˬ, laꞈ taˆ paw ngaˬ hmˬ bi jaˆ-euˬ meh.

2 Laˬsaˬbaˬ 4:20

yaw beh ehˇ taˬ-euˬ loꞈ-ehˇ, Muiˬ dui shawˇ dui dui-eu jawˇ duˬ-euˬ mehˬ shi bi doꞈ-eu gʼaˇ duˬ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu tsiˇ kʼmˬ deuˬ,

Doˆ-iˇ 31:8

hawˬ jeh hawˇ-eu kʼmˬ maˬ oeˬ tsaꞈ deuˬ maˬ ehˇ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu kʼoeˇ gaˇ taꞈ leˇ-eu keu ka deuˬ maˬ ehˇ, yaw saw jeˬ doꞈ-awˇ damˬ-eu lawˇ duˬ maˬ ehˇ,

Doˆ-iˇ 39:37

maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ, tsiˇ kʼmˬ, tsiˇ kʼmˬ doꞈ taˬ duˬ-ahˇ taꞈ leˇ-eu keu ka deuˬ, tsiˇ kʼmˬ doꞈ-eu tsiˇ,

Bawˇtsahˬ 4:10

Kʼoeˇ naˇ, tsiˇ kʼmˬ doꞈ taˬ duˬ hawˇ-eu kʼoeˇ-euˬ keu ka dawˬ tawˆ luꞈ-ahˇ, shawˇ jehˆ ni gʼeh-eu shaˬ kʼoˆ neh lahˇ cuꞈ-awˇ, baꞈ kawˬ kʼoeˇ taˆ ya bi jaˆ meh.

Bawˇtsahˬ 8:1

Moˇseˬ-ahˇ Sahˬpaˬ Miˬyehˇ ehˇ nehˬ-eu,