Doˆ-iˇ 25:2 - Akha

² “Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

Doˆ-iˇ 25:2 ပူးပေါင်းရင်းမြစ်များ

Eˇzaˬlaˬ 1:6

Aˬ yawꞈ maꞈ dawˬ peh jawˇ-eu tsawˇ haˬ deuˬ aˬ yawꞈ maꞈ-ahˇ, pyuˇ myawˬ guˇ deuˬ, shuiˇ deuˬ, dzaˬ dzaˬ dawˇ dawˇ deuˬ, myawˬ tawˬ-eu jeˬ zaˬ deuˬ hawˇ-eu, gaˇ dahˇ tsoeˬ-eu mˇ myawˬ deuˬ uˬ taꞈ, Uˬ duˬ tahˬ nymˇ nymˇ ma-ahˇ lawˇ-eu gʼawˬ mya jeˬ biꞈ-euˬ meh.

Eˇzaˬlaˬ 2:68

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ gʼoꞈ keuˆ laˇ ngeh, Uˬ duˬ tahˬ nymˇ nymˇ ma-ahˇ aˬ yawꞈ yaw oeˇ tsahˇ-ahˇ paˇ tsoˆ-eu gʼaˇ duˬ, aˇ jeuˬ aˇ ca deuˬ kʼoeˇ taˆ aˬ yuiꞈ aˬ tsu geuꞈ-eu tiˬ paˆ na deuˬ, yawˬ ha nui ma keuˆ-eu loꞈ-ehˇ damˬ-euˬ meh.

Eˇzaˬlaˬ 3:5

Kʼoeˇ uˬ taꞈ, aˬ myah luꞈ ya lawˇ-eu mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ maˬ ehˇ, la shuiꞈ lah-eu bawˬ-iˬ gʼeh ngeh lawˇ-eu jeˬ maˬ ehˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ uiˬ leˇ ngeh lawˇ-eu jeˬ maˬ ehˇ, nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ lawˇ nehˬ-eu lawˇ-eu jeˬ maˬ ehˇ, aˬ yawꞈ maꞈ lawˇ-euˬ meh.

Eˇzaˬlaˬ 7:16

Baˬbuˇloˬ miˇ kʼahˬ laꞈ kʼoeˇ nawˇ kʼaˇ taꞈ za-euˬ pyuˇ hawˇ-eu shuiˇ deuˬ maˬ ehˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ piˇ ma deuˬ neh, Yeˬluˇsaˬlehˬ meuˬ-ahˇ jaˆ-eu aˬ yawꞈ maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma gʼaˇ duˬ damˬ nehˬ-euˬ jeˬ maˬ ehˇ, nawˇ ya yuˇ gʼeh meh.

Neˬhaˬmiˇ 11:2

Yeˬluˇsaˬlehˬ meuˬ-ahˇ jawˇ leˇ-eu gʼaˇ duˬ yawˬ haˇ yawˬ ha nui ma keuˆ-awˇ noeˬ tsehˆ-eu tsawˇ haˬ deuˬ-ahˇ, miˇ kʼahˬ zaˬ deuˬ ja ceuˬ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Doˆ-iˇ 25:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 25:3

Ngaˬ-ahˇ ya damˬ-eu myawˬ deuˬ-aˬ, shuiˇ, pyuˇ, guiˬ shuiˇ,

Bawˇtsahˬ 18:24

Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ neh yaw zawˇ muiˬ-eu damˬ-eu jeˬ loꞈ-ehˇ damˬ nehˬ laˇ-euˬ tseˇ bymˇ tiˬ bymˇ, aˬ yawꞈ maꞈ-ahˇ ngaˇ biꞈ nehˬ-eu ma. Kʼoeˇ miˇ neh, Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ ya geuꞈ tsehˆ tsehˆ-eu jeˬ biˇ maˬ jaˆ-a lehˇ aˬ yawꞈ maꞈ-ahˇ ngaˇ ehˇ nehˬ-eu ma.”

2 Gawˇliˬtu 9:7

Kʼoeˇ miˇ neh, aˬ yawꞈ gʼaˬ yawꞈ yawˬ ha neh kʼaˇ noeˬ tsehˆ taˬ-euˬ loꞈ-ehˇ damˬ-awˬ. Nui ma maˬ keuˆ ni damˬ-eu maˬ ehˇ, aˬ cawˬ ehˇ-eu miˇ neh damˬ-eu maˬ ehˇ, taˬ bi pyeuꞈ. Aˬ jeˬ miˇ neh ehˇ naˇ, laˬ kʼaˬ tiˬ cehˇ damˬ-eu tsawˇ haˬ-ahˇ Miˬyehˇ gaˬ-eu meh.

Yaˇ kʼaˬ daˇ 5:9

Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.