Doˆ-iˇ 24:11 - Akha

¹¹ Aˬ yawꞈ maꞈ Miˬyehˇ-ahˇ mawˇ-euˬ kʼawꞈ, Miˬyehˇ aˬ yawꞈ maꞈ-ahˇ maˬ laˆ cawˆ nehˬ ni, Miˬyehˇ-euˬ mehˬ shi aˬ yawꞈ maꞈ dzaˬ taꞈ dawˇ taꞈ-awˇ jawˇ-euˬ meh.

Doˆ-iˇ 24:11 ပူးပေါင်းရင်းမြစ်များ

Aˇ dahˬ 16:13

Kʼoeˇ ngeh, “Miˬyehˇ-ahˇ ngaˇ aˬ diˇ aˬ maˇ ya mawˇ gʼaˬ-euˬ kʼawꞈ, maˬ ya shiˇ-ehˇ, gaˇ kawˆ kʼoeˇ aˬ cawˬ-ahˇ dzawˇ mehˬ dzawˇ mehˬ-ehˇ paˇ ya dehꞈ ta siˬ loˇ” lehˇ, Haˬgaˬlaˇ yawˬ haˇ yawˬ ha ehˇ-eu meh. Kʼoeˇ miˇ neh, aˬ yawꞈ-ahˇ dawˬ ngehˬ cawˬ le-euˬ Sahˬpaˬ Miˬyehˇ-ahˇ, “Siˬ luꞈ mawˇ luꞈ-eu Miˬyehˇ” lehˇ aˬ yawꞈ kuˇ-euˬ meh.

Aˇ dahˬ 18:18

Aˬ yawꞈ-euˬ zaˬ deuˬ uˆ deuˬ-aˬ, tsawˇ myahˇ doˆ-awˇ baoˬ huiˬ-eu tsawˇ jeuˬ pyeuꞈ laˇ tehꞈ-a. Aˬ yawꞈ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.

1 Sahˬpaˬ 21:8

Kʼoeˇ naˇ, Yeˬsaˬbeˬlaˇ sahˬ boꞈ heu myaˆ taꞈ boꞈ-awˇ, Aˬhaˆ-euˬ laꞈ ma dehˬ-awˇ, Aˬhaˆ-euˬ jmˬ diˬ-awˇ, Yeˬzaˬleˬlaˇ meuˬ laꞈ kʼoeˇ jawˇ-eu yaw huiˬ yaw mahˇ deuˬ hawˇ-eu aˬ yuiꞈ aˬ tsu deuˬ-ahˇ bi biꞈ ha-iˇ-euˬ meh.

2 Laˬsaˬbaˬ 23:20

Guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, miˇ kʼahˬ zaˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ maˬ ehˇ, miˇ kʼahˬ gaˇ mˇ-eu yaw huiˬ yaw mahˇ deuˬ maˬ ehˇ, miˇ kʼahˬ zaˬ dawˬ tawˆ luꞈ maˬ ehˇ, Yeˬhawˇyaˬdaˬ nehˬ-ehˇ tiˬ kawˆ loꞈ-ehˇ, sahˬ paˬ Yawˇshaˆ-ahˇ Uˬ duˬ tahˬ nymˇ nymˇ ma-ahˇ neh sahˬ paˬ-euˬ nymˇ-ahˇ sheuˬ ha nehˬ-euˬ meh. Aˬ yawꞈ maꞈ lahˇ kʼehˬ kʼehˬ ma kʼehˬ-ahˇ neh uˇ leˇ-awˇ, sahˬ paˬ Yawˇshaˆ gʼaˬ dzoeˬ dzaˬ nuiˇ mahˬ-ahˇ nuiˇ leˇ-euˬ meh.

Neˬhaˬmiˇ 2:16

Ngaˇ aˬ gaˇ iˇ keuˆ-awˇ aˬ jeˬ mˇ yaꞈ-euˬ gaˇ kawˆ, kʼoeˇ gaˇ jawˇ-eu yaw huiˬ yaw mahˇ deuˬ tiˬ gʼaˬ-iˬ maˬ siˬ nya-a. Meuˬ meuˬ lahˇ tsoˆ muiˬ-eu gaˇ ya mˇ-eu deuˬ pyeuꞈ-eu Yuˇdaˆ tsawˇ haˬ deuˬ, piˇ ma deuˬ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ tiˬ gʼaˬ-ahˇ-iˬ, kʼoeˇ ngeh keuˆ ni gaˇ kawˆ kʼoeˇ ngaˇ maˬ ehˇ nehˬ-aˬ siˬ.

Jaceuq 139:5

Ngaˬ-euˬ tiˬ jawˬ yawˬ pyawˬ na luꞈ nawˇ jawˇ-awˇ, nawˬ-euˬ baoˬ ngaˬ-ahˇ haw piˇ-eu meh.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 19:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ zaꞈ ka-iˇ-awˇ, ngaˬ-ahˇ haw laˇ-eu gʼaˇ duˬ, kmˇ tuiˆ maˬ ya tsehˆ laˇ-a lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-iˇ-awˬ. Aˬ yawꞈ maꞈ kmˇ tuiˆ laˇ tsehˆ te lehˇ ngeuˇ naˇ, tsawˇ haˬ gʼawˬ mya ni ya shiˇ tehꞈ-a.

Doˆ-iˇ 24:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Yeˬlaˬmiˇ 14:3

Smˇ muiˬ aˬ da deuˬ zaˬ kʼaˆ deuˬ-ahˇ kʼehˇ gʼeh-awˇ, iˇ cuꞈ bi kʼawꞈ laˬ-iˇ-euˬ kʼawꞈ, lah duˬ-ahˇ iˇ cuꞈ maˬ dahˬ-eu miˇ neh, iˇ puˬ yawꞈ ngehꞈ-ehˇ gʼoꞈ laˇ-euˬ meh. Aˬ yawꞈ maꞈ nui ma cawˆ-awˇ zahˬ leˇ-euˬ miˇ neh, myaˆ pyawˬ ciˬ zaꞈ-eu meh.

Daˬyeˬlaˇ 10:17

Sahˬ paˬ mehˬ shi yawꞈ leˇ-euˬ zaˬ kʼaˆ-ahˇ duˇ miˇ-a. Nawˬ-ahˇ ngaˇ dawˬ aˬ joˆ-ehˇ ngehˬ cawˬ coeˇ nmˇ. Ngaˬ-euˬ laꞈ kʼoeˇ gʼaˬ jiˇ-awˇ, saꞈ gʼawˇ-euˬ gʼeh maˬ paˇ dzeˇ miˇ-a.”

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Bawˇtsahˬ 21:18

Sahˬ paˬ deuˬ neh duˬ-euˬ lah duˬ, Iˇsaˬleˬlaˆ aˬ yuiꞈ aˬ tsu deuˬ neh duˬ-euˬ lah duˬ, sahˬ paˬ-euˬ jmˬ hawˇ-eu aˬ yawꞈ maꞈ-euˬ gawˬ yoeˬ yuˇ-awˇ duˬ-euˬ lah duˬ.” Bawˇ tsahˬ bawˇ dahˇ kʼoeˇ tsahˇ-ahˇ neh, Maˬtaˬnaˬ-ahˇ aˬ yawꞈ maꞈ iˇ-euˬ meh.

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Dawˬmehˬ 4:33

Naw maꞈ loꞈ-ehˇ miˬ dzaˬ laꞈ kʼoeˇ miˬ yehˇ dawˬ ngehˬ gaˇ ya gaˬ haw-awˇ, maˬ shiˇ ni dehꞈ-euˬ tsawˇ haˬ jawˇ meh loˇ.

Yaˇ kʼaˬ daˇ 13:22

Maˬnoˇaˬ aˬ yawꞈ-euˬ miˬ zaˬ-ahˇ ehˇ nehˬ-eu, “Aˇ nyaꞈ ya shiˇ-eu yaw duˬ baw-eu nga. Aˬ jeˬ miˇ neh ehˇ naˇ, Miˬyehˇ-ahˇ aˇ nyaꞈ ya mawˇ gʼaˬ-euˬ ma.”

Yaˇ kʼaˬ daˇ 5:13

Kʼoeˇ naˇ, saˇ jaˇ ziꞈ-eu deuˬ yawˬ ha-euˬ aˬ yuiꞈ aˬ tsu jawˇ gaˇ oe-euˬ meh. Sahˬpaˬ Miˬyehˇ-euˬ tsawˇ haˬ deuˬ aˬ yawꞈ jawˇ gaˇ oe-awˇ, guiˇ deuˆ-eu lehˬ hmˬ dah-euˬ meh.