Doˆ-iˇ 24:10 - Akha

¹⁰ Iˇsaˬleˬlaˆ tsawˇ jeuˬ-euˬ Miˬyehˇ-ahˇ aˬ yawꞈ maꞈ ya mawˇ-euˬ meh. Aˬ yawꞈ-euˬ aˬ kuiˇ uˬ moˆ, mˬ loꞈ-ehˇ nyoeˇ leuˬ leuˬ-eu kʼaˬ lo sehˇ-ahˇ duˇ-eu jeˬ kʼawˬ taˬ-euˬ meh.

Doˆ-iˇ 24:10 ပူးပေါင်းရင်းမြစ်များ

Aˇ dahˬ 32:30

“Ngaˇ Miˬyehˇ-ahˇ myaˆ pyawˬ ciˬ daˬ-awˇ ya mawˇ-euˬ kʼawꞈ, maˬ ya shiˇ-aˬ” lehˇ Yaˬkoˆ ehˇ-awˇ, jawˇ duˬ kʼoeˇ tsahˇ-ahˇ Peˬniˬlaˇ lehˇ myahˇ nehˬ-euˬ meh.

Aˇ dahˬ 32:31

Peˬniˬlaˇ lehˇ kuˇ-eu jawˇ duˬ kʼoeˇ tsahˇ-ahˇ neh Yaˬkoˆ doˆ-iˇ ngeh, nahˇ ma doˆ laˇ-euˬ meh. Aˬ yawꞈ-euˬ shaˬ pyaˬ myaˆ bi teˇ puiˇ-euˬ miˇ neh, kuiˇ dzaˇ kuiˇ dzaˇ-ehˇ iˇ gʼeh-euˬ meh.

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

2 Laˬsaˬbaˬ 6:17

Kʼoeˇ miˇ neh, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ Daˬbiˇ-ahˇ nawˬ neh saˇ jaˇ dzaˬ taˬ-euˬ yawˬ jeˬ na luꞈ nymˬ-mˇ bi byah laˇ-awˬ.

Doˆ-iˇ 24:11

Aˬ yawꞈ maꞈ Miˬyehˇ-ahˇ mawˇ-euˬ kʼawꞈ, Miˬyehˇ aˬ yawꞈ maꞈ-ahˇ maˬ laˆ cawˆ nehˬ ni, Miˬyehˇ-euˬ mehˬ shi aˬ yawꞈ maꞈ dzaˬ taꞈ dawˇ taꞈ-awˇ jawˇ-euˬ meh.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Doˆ-iˇ 33:20

Ngaˬ-euˬ myaˆ pyawˬ nawˬ-ahˇ maˬ bi mawˇ. Aˬ jeˬ miˇ neh ehˇ naˇ, ngaˬ-euˬ myaˆ pyawˬ-ahˇ ya haw mawˇ-euˬ tsawˇ haˬ tiˬ gʼaˬ-iˬ yaw dehꞈ maˬ ya dehꞈ-a.

Doˆ-iˇ 33:23

Kʼoeˇ naˇ, ngaˬ-euˬ aˬ laꞈ ngaˇ paˇ cawˬ kʼoꞈ ngeh, ngaˬ-ahˇ nawˇ naˇ kʼah paw jeˬ-ehˇ ya mawˇ tehꞈ-a. Ehˇ kʼawꞈ, ngaˬ-euˬ myaˆ pyawˬ nawˇ maˬ mawˇ kʼmˬ-a.”

Dawˬ caˇ 5:14

Aˬ yawꞈ-euˬ laꞈ du-aˬ, lah joˆ ni gʼeh-eu shuiˇ-ahˇ duˇ-awˇ, kʼaˬ lo sehˇ toeˬ taˬ-euˬ laꞈ duꞈ duꞈ luꞈ-eu meh. Aˬ yawꞈ-euˬ gʼawˇ mawˇ-aˬ, nyoeˇ naˆ naˆ-eu kʼaˬ lo sehˇ toeˬ tsoꞈ taˬ-euˬ, ya ma juiˇ-ahˇ duˇ-eu meh.

Dawˬ caˇ 6:10

Uˬ bya bya laˇ-eu loꞈ-ehˇ bya cehˆ ni gʼeh-eu teu gʼaˬ aˬ suˇ gʼaˬ-a. Aˬ yawꞈ ba la loꞈ-ehˇ muiˬ-awˇ, nahˇ ma loꞈ-ehˇ yaw shehꞈ bya-eu meh. Paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ haw muiˬ-eu meh.

Ngoeˇ dawˬ 4:7

Nga maꞈ-euˬ sahˬ paˬ sahˬ ma deuˬ, ngehˇ km maˬ tseˇ shawˇ dui dui-awˇ, mawˇ neˇ aˬ coeˇ maˬ tseˇ ba-awˇ, shaˬ jiˇ neˇ jiˆ poˬ ni gʼeh-awˇ, sehˇ naˆ maˬ tseˇ aˇ gʼehˇ muiˬ meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Daˬyeˬlaˇ 10:17

Sahˬ paˬ mehˬ shi yawꞈ leˇ-euˬ zaˬ kʼaˆ-ahˇ duˇ miˇ-a. Nawˬ-ahˇ ngaˇ dawˬ aˬ joˆ-ehˇ ngehˬ cawˬ coeˇ nmˇ. Ngaˬ-euˬ laꞈ kʼoeˇ gʼaˬ jiˇ-awˇ, saꞈ gʼawˇ-euˬ gʼeh maˬ paˇ dzeˇ miˇ-a.”

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Yoˇhaˬ 6:46

Heu loꞈ-ehˇ ehˇ-eu-aˬ, tsawˇ haˬ tiˬ gʼaˬ na Aˬda-ahˇ mawˇ haw-euˬ meh lehˇ ehˇ mawꞈ-eu maˬ ngeuˇ. Miˬyehˇ jawˇ gaˇ neh oe-euˬ gʼaˬ tehꞈ-ehˇ Aˬda-ahˇ mawˇ haw-euˬ meh.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

1 Yoˇhaˬ 4:12

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 21:11

Meuˬ kʼoeˇ-aˬ, Miˬyehˇ-euˬ yaw shehꞈ kʼahˬ sehˇ ahˇ-awˇ, yaw shehꞈ gʼawˬ mya jeˬ ahˇ-eu kʼaˬ lo sehˇ loꞈ-ehˇ yaw shehꞈ bya-awˇ, shawˇ jehˆ ni doˆ coˆ-ehˇ haw mawˇ nya-eu meh.

Panmaeq 4:3

Aˬ yawꞈ-euˬ myaˆ pyawˬ-aˬ, yaw byaꞈ byaꞈ-eu kʼaˬ lo sehˇ hawˇ-eu neˇ tseuˆ ni gʼeh-eu kʼaˬ lo sehˇ-ahˇ duˇ-awˇ, dzoeˬ dzaˬ nuiˇ mahˬ kʼoeˇ-euˬ tiˬ jawˬ, neˇ naˆ naˆ-eu kʼaˬ lo sehˇ-ahˇ duˇ-eu aˇ deˇ leˇ kʼah jaˆ-eu meh.