Doˆ-iˇ 24:1 - Akha

¹ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ, Naˬdehˇ, Aˬbiˇhuˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ sheuˬ-awˇ, gawˬ jawˬ-ahˇ ngaˇ jawˇ gaˇ daˆ laˇ-awˬ. Naw maꞈ ngaˇ jawˇ gaˇ maˬ laˇ keuˆ mi naˆ-ehˇ, ui cuiˆ gaˇ mahˇ kaˬ gaˇ jawˇ-awˇ, aw byaˆ-eu laꞈ kʼoeˇ, ngaˬ-ahˇ uˬ duˬ tahˬ-awˬ.

Doˆ-iˇ 24:1 ပူးပေါင်းရင်းမြစ်များ

1 Laˬsaˬbaˬ 6:3

Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

Doˆ-iˇ 1:5

Yaˬkoˆ-euˬ zaˬ deuˬ uˆ deuˬ pyeuꞈ-eu heu deuˬ dawˬ tawˆ luꞈ shiꞈ tseˇ gʼaˬ byah-eu meh. Aˬ yawꞈ-euˬ aˬ li Yoˇsehˆ-aˬ, aˬ yawꞈ maꞈ-euˬ mehˬ hu neh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu meh.

Doˆ-iˇ 19:20

Sahˬpaˬ Miˬyehˇ-aˬ, Siˇnaˆ gawˬ jawˬ uˬ du zaꞈ le-awˇ, Moˇseˬ-ahˇ gawˬ jawˬ uˬ du kuˇ daˆ-euˬ meh. Kʼoeˇ ngeh, Moˇseˬ gawˬ jawˬ uˬ du daˆ leˇ-euˬ meh.

Doˆ-iˇ 19:24

Sahˬpaˬ Miˬyehˇ ehˇ-eu, “Nawˇ zaꞈ ka-iˇ-awˇ, Aˬloˬ-ahˇ sheuˬ daˆ laꞈ-awˬ. Ehˇ kʼawꞈ, piˇ ma deuˬ hawˇ-eu tsawˇ haˬ kʼoeˇ deuˬ-aˬ, ngaˇ jawˇ gaˇ laˇ-eu gʼaˇ duˬ, kmˇ tuiˆ maˬ ya laˇ dzeuˇ-a. Laˇ dzeuˇ naˇ, aˬ yawꞈ maꞈ-ahˇ ngaˇ kʼehˬ ma.”

Doˆ-iˇ 19:9

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ gaˇ tsawˇ haˬ heu deuˬ ya gaˬ-awˇ, aˬ kaˇ naˇ, aˬ yawꞈ maꞈ nawˬ-ahˇ jah laˇ ni, zahˇ tsui ni gʼeh-eu mˬ dmˇ laꞈ kʼoeˇ nawˇ jawˇ gaˇ ngaˇ oe ma.” Tsawˇ haˬ kʼoeˇ deuˬ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ-ahˇ Moˇseˬ tsaꞈ nehˬ leˇ-euˬ meh.

Doˆ-iˇ 20:21

Ehˇ kʼawꞈ, tsawˇ haˬ kʼoeˇ deuˬ-aˬ, gaˇ mahˇ kaˬ gaˇ tehꞈ-ehˇ yawꞈ yaꞈ-awˇ, Moˇseˬ tiˬ gʼaˬ tehꞈ-ehˇ, Miˬyehˇ jawˇ-eu zahˇ tsui ni gʼeh-eu mˬ dmˇ dawˬ peh le-euˬ meh.

Doˆ-iˇ 24:15

Siˇnaˆ gawˬ jawˬ-ahˇ Moˇseˬ daˆ leˇ ngeh, gawˬ jawˬ kʼoeˇ jawˬ-ahˇ mˬ dmˇ kʼawˬ pymˬ pymˬ-euˬ meh.

Doˆ-iˇ 24:2

Nawˇ maˬ ngeuˇ naˇ, nui gʼaˬ tiˬ gʼaˬ-iˬ ngaˬ-eu dawˬ peh maˬ ya laˇ peh-a. Tsawˇ haˬ aˇ maꞈ deuˬ-aˬ, gawˬ jawˬ-ahˇ tehꞈ-ehˇ kʼawꞈ maˬ ya daˆ laˇ-a.”

Doˆ-iˇ 24:9

Moˇseˬ, Aˬloˬ, Naˬdehˇ, Aˬbiˇhuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ, gawˬ jawˬ kʼoeˇ jawˬ-ahˇ daˆ leˇ-euˬ meh.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Doˆ-iˇ 34:2

Ni shawˬ uˬ shawˬ lehˬ hmˬ-awˇ, Siˇnaˆ gawˬ jawˬ uˬ du ngaˬ-ahˇ tahˬ puˬ laˇ-awˬ.

Doˆ-iˇ 6:23

Aˬloˬ-aˬ, Aˇmiˇnaˬdehˇ-euˬ aˬ buˇ pyeuꞈ-eu Naˬshoˬ-euˬ dmˇ ma Eˇliˇsheˬba-ahˇ sheuˬ-awˇ, Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ jawˇ le-euˬ meh.

Yeˬsaˬgeˬlaˇ 8:11

Sahˬ paˬ-euˬ aˬ li Yaˬzaˬniˇ ahˇ leˇ-ehˇ, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ kʼoeˇ gaˇ jawˇ-eu meh. Aˬ yawꞈ gʼaˬ yawꞈ yaw saw jeˬ doꞈ damˬ duˬ tiˬ gʼaˬ tiˬ hmˬ yuˇ luꞈ-awˇ, yaw saw jeˬ doꞈ taˬ-euˬ uˬ kʼoeˬ uꞈ uꞈ-ehˇ jaˆ-eu meh.

Bawˇtsahˬ 11:16

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ laꞈ kʼoeˇ, aˬ yuiꞈ aˬ tsu loꞈ-ehˇ aˬ cawˬ taˬ huiˬ-awˇ yaw zeu baw-eu tsawˇ haˬ shiꞈ tseˇ gʼaˬ kuˇ uiˬ-awˇ, ngaˇ jawˇ-eu Sehˬ gʼawˆ-ahˇ sheuˬ laꞈ-awˇ, nawˬ-euˬ dawˬ peh yawꞈ-awˬ lehˇ ehˇ nehˬ-awˬ.

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Luˇkaꞈ 10:17

Zaˬ lahˇ shiꞈ tseˇ nyiꞈ gʼaˬ laˬ kʼaˬ tiˬ cehˇ gʼoꞈ keuˆ laˇ-awˇ ehˇ-eu, “Sahˬpaˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ dawˬ biꞈ nehˬ naˇ, nehꞈ deuˬ kʼawꞈ naˇ haˬ-eu meh.”

Dawˬmehˬ 1:15

Kʼoeˇ miˇ neh, naw maꞈ neh tseˇ doˆ-euˬ zaˬ siˬ tsawˇ gahˇ ahˇ-awˇ mˇ haw shaˇ haw-euˬ aˬ yuiꞈ aˬ tsu deuˬ-ahˇ, naw maꞈ kʼoeˇ taˆ aˬ yuiꞈ bi geuꞈ-euˬ ma. Tiˬ paˆ na deuˬ-ahˇ tiˬ heˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ tiˬ yaˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ ngaˬ tseˇ gʼaˬ kʼoeˇ taˆ maˬ ehˇ, tiˬ paˆ na deuˬ-ahˇ tseˇ gʼaˬ kʼoeˇ taˆ maˬ ehˇ, aˬ yuiꞈ bi geuꞈ-euˬ ma. Yaw huiˬ yaw mahˇ geuꞈ-eu tsawˇ haˬ deuˬ kʼawꞈ, Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, ngaˇ tseˇ doˆ taˬ-euˬ ma.