Doˆ-iˇ 23:6 - Akha

⁶ “Shaˬ-eu zahˬ-eu tsawˇ haˬ-ahˇ yaˇ kʼaˬ daˇ nehˬ ngeh, maˬ tsaˬ maˬ dawˇ-eu laꞈ kʼoeˇ maˬ ya daˇ nehˬ-a.

Doˆ-iˇ 23:6 ပူးပေါင်းရင်းမြစ်များ

2 Laˬsaˬbaˬ 19:7

Naw maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ yaw muiˬ paˬ-ehˇ mˇ-awˬ. Aˬ jeˬ miˇ neh ehˇ naˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ myawꞈ-eu jeˬ-ahˇ maˬ ehˇ, myaˆ pyawˬ huiˬ nyiˇ tseˇ-eu jeˬ-ahˇ maˬ ehˇ, laꞈ nmꞈ nmꞈ-eu jeˬ-ahˇ maˬ ehˇ, iˬ baˇ maˬ pyehˬ nehˬ-a.”

Yawˇbaˆ 31:13

“Ngaˬ-euˬ zaˬ kʼaˆ tiˬ gʼaˬ na ngaˬ-ahˇ iˬ baˇ taˬ-eu dawˬ ngehˬ naˇ, aˬ yawꞈ-euˬ dawˬ-ahˇ naˇ haˬ-awˇ jahˇ tsaˬ nehˬ ma.

Dawqdaq 18:5

Haiˬ-eu tsawˇ haˬ-euˬ myaˆ pyawˬ-ahˇ haw-awˇ, tsaˬ-eu tsawˇ haˬ-ahˇ guiˇ oꞈ tiꞈ-eu maˬ muiˬ-a.

Dawqdaq 22:22

Nawˇ gʼeh nya-eu miˇ neh shaˬ zaˬ zahˬ zaˬ-ahˇ taˬ kʼaˬ gʼa. Laꞈ jeuˬ shaˇ kʼaˇ maˬ za-eu deuˬ-ahˇ yaˇ kʼaˬ ja gʼaˬ-eu taˬ leh jeh.

Dawqdaq 31:5

Aˬ yawꞈ maꞈ jiˇ baˬ dawˇ ngeh, zahˇ sahˇ kʼoꞈ-ahˇ ngehˇ jiˇ-awˇ, shaˬ-eu zahˬ-eu tsawˇ haˬ deuˬ gʼaˇ duˬ yaw tsaˬ yaw dawˇ dawˇ-ehˇ maˬ shaˇ noeˬ nehˬ nya-a.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Yeˬlaˬmiˇ 6:28

Guiˬ shuiˇ hawˇ-eu shmˇ byaˆ gʼahˇ-eu loꞈ-ehˇ, aˬ yawꞈ maꞈ nui ma gʼahˇ-awˇ ngaˬ-ahˇ puiˬ-euˬ meh. Aˬ yawꞈ maꞈ yaw lehˬ mˇ doe- awˇ maˬ muiˬ-eu jeˬ ja byah-eu meh.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

Dawˬmehˬ 27:19

“ ‘Boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ maˬ tsaˬ maˬ dawˇ-eu laꞈ kʼoeˇ yaˇ kʼaˬ ja gʼaˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.