Doˆ-iˇ 23:26 - Akha

²⁶ Naw maꞈ jawˇ-eu miˇ kʼahˬ laꞈ kʼoeˇ, zaˬ miˬ zaˬ tiˬ gʼaˬ-iˬ zaˬ maˬ dzeh-eu uˬ taꞈ, maˬ baw aˬ ma maˬ jawˇ ni ngaˇ mˇ ma. Ngaˇ naw maꞈ-ahˇ ziˇ bi baw ma.

Doˆ-iˇ 23:26 ပူးပေါင်းရင်းမြစ်များ

Aˇ dahˬ 25:8

Aˬ yawꞈ mawˬ dui dui laˇ-awˇ, aˇ yamˬ tsaˬ ngeh ziˇ jiˇ-euˬ meh.

Aˇ dahˬ 35:29

Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.

1 Laˬsaˬbaˬ 23:1

Daˬbiˇ tsawˇ mawˬ mawˬ dui dui laˇ ngeh, aˬ yawꞈ-euˬ aˬ li Sawˇlaˬmoˬ-ahˇ Iˇsaˬleˬlaˆ sahˬ paˬ ka nehˬ-euˬ meh.

Yawˇbaˆ 21:10

Aˬ yawꞈ maꞈ-euˬ jeˬ zaˬ deuˬ kʼawꞈ, maˬ byoˆ maˬ laˆ ni behˇ laˇ tehˇ tehˬ-eu meh.

Yawˇbaˆ 42:17

Kʼoeˇ naˇ, aˬ yawꞈ tsawˇ mawˬ mawˬ dui dui laˇ gʼaˬ miˇ tsa, ziˇ jiˇ-euˬ meh.

Yawˇbaˆ 5:26

Cehˇ yehˬ ngeh yamˬ-ahˇ myah laˇ-euˬ cehˇ loꞈ-ehˇ, mawˬ-iˇ ngeh keuˆ ni nawˇ ya dehꞈ tehꞈ-a.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 144:13

Nga maꞈ-euˬ cehˇ jiˇ laꞈ kʼoeˇ, dzaˬ la gʼo cehˇ bi byah laꞈ. Deh ga-ahˇ gaˆ luꞈ-eu nga maꞈ-euˬ yawˇ deuˬ aˇ muiˇ aˇ seh mawˇ puˬ dehꞈ luꞈ-uˇ.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

Iˇsaˬyaˇ 65:20

Zaˬ nahˬ aˬ coeˇ dawˇ zaˬ deuˬ shiˇ-eu maˬ baw-ehˇ, tsawˇ haˬ dawˬ tawˆ ziˇ ya dehꞈ jiˇ tehꞈ-a. Aˇ kʼoꞈ tiˬ yaˇ byah-eu tsawˇ haˬ zaˬ guˬ-ahˇ duˇ leˇ-awˇ, kʼoeˇ gaˇ maˬ dehꞈ keuˆ ni shiˇ-eu jeˬ-aˬ, ngaˬ neh kʼehˬ nehˬ-euˬ saˇ kiˇ meh.

Hawˇseˬ 9:14

Sahˬpaˬ Miˬyehˇ nawˇ mawꞈ-eu jeˬ, aˬ yawꞈ maꞈ-ahˇ nawˇ biꞈ nehˬ-awˬ. Maˬ baw aˬ ma bi pyeuꞈ jiˇ-awˇ, aˬ coeˇ gui jiˇ ni jahˇ nehˬ-awˬ.

Dawˬmehˬ 28:4

“Nawˬ-euˬ zaˬ bi myaˬ bi behˇ laˇ-eu laꞈ kʼoeˇ maˬ ehˇ, dzaˬ la gʼo cehˇ bi za myaˬ le-eu laꞈ kʼoeˇ maˬ ehˇ, jeˬ zaˬ bi behˇ laˇ-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ tehꞈ-a.

Dawˬmehˬ 4:40

Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”

Dawˬmehˬ 7:14

Naw maꞈ loꞈ-ehˇ guiˬ lahˬ tiˬ byah tiˬ loꞈ za-euˬ tsawˇ jeuˬ, miˇ tsaˬ kʼoeˇ taˆ maˬ jawˇ-a. Naw maꞈ laꞈ kʼoeˇ maˬ ehˇ, naw maꞈ-euˬ jeˬ zaˬ deuˬ laꞈ kʼoeˇ maˬ ehˇ, maˬ baw aˬ ma hawˇ-eu meh maˇ maˬ jawˇ ni pyeuꞈ-iˇ tehꞈ-a.