Doˆ-iˇ 23:24 - Akha

²⁴ Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Doˆ-iˇ 23:24 ပူးပေါင်းရင်းမြစ်များ

2 Sahˬpaˬ 17:11

Miˇ kʼahˬ kʼoeˇ kʼahˬ laꞈ kʼoeˇ Sahˬpaˬ Miˬyehˇ neh teh doˆ nehˬ-euˬ tsawˇ haˬ kʼoeˇ deuˬ-ahˇ aˬ yawꞈ maꞈ dzaw geuꞈ-awˇ, lawˇ ciꞈ zaˬ deuˬ-euˬ lawˇ duˬ kʼoeˇ deuˬ kʼoeˇ taˆ, aˬ yawꞈ maꞈ yaw saw jeˬ doꞈ damˬ-euˬ meh. Aˬ yawꞈ maꞈ neh mˇ-euˬ yaw haiˬ jeˬ dawˬ tawˆ luꞈ baˬ da neh, Sahˬpaˬ miˬyehˇ nui ma bi pehˇ-euˬ meh.

2 Sahˬpaˬ 17:8

Sahˬpaˬ Miˬyehˇ-euˬ tsawˇ jeuˬ pyeuꞈ-eu aˬ yawꞈ maꞈ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ tsawˇ haˬ kʼoeˇ deuˬ-euˬ zahˇ sahˇ kʼoꞈ-ahˇ aˬ yawꞈ maꞈ caw teh-awˇ, Iˇsaˬleˬlaˆ sahˬ paˬ deuˬ neh beh taˬ yaꞈ-euˬ zahˇ sahˇ kʼoꞈ deuˬ-ahˇ ha geuꞈ-euˬ meh.

2 Sahˬpaˬ 18:4

Lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ laˆ cawˆ-awˇ, kʼaˬ lo kʼawˇ zeuˇ deuˬ deh coˬ-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ tuˇ dzeh-euˬ meh. Neˬhuˇshaˬtaˬ lehˇ kuˇ-eu Moˇseˬ neh jahˇ-euˬ aˇ lawˇ mawˇ kawˇ kʼoeˇ hmˬ kʼawꞈ, aˬ yawꞈ deh meuˇ deh loeˇ-euˬ meh. Aˇ yamˬ kʼoeˇ yamˬ-ahˇ keuˆ ni, Iˇsaˬleˬlaˆ tsawˇ haˬ deuˬ mawˇ kawˇ kʼoeˇ hmˬ-ahˇ taˬ huiˬ taˬ mahˇ dui dui-awˇ, yaw saw jeˬ doꞈ damˬ-euˬ meh.

2 Sahˬpaˬ 3:2

Sahˬpaˬ Miˬyehˇ-euˬ mehˬ shi aˬ yawꞈ iˬ baˇ mˇ-euˬ meh. Ehˇ kʼawꞈ, aˬ yawꞈ-euˬ aˬ da Aˬhaˆ hawˇ-eu aˬ yawꞈ-euˬ aˬ ma Yeˬsaˬbeˬlaˇ naˆ ni aˬ yawꞈ iˬ baˇ maˬ mˇ-a. Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ aˬ yawꞈ-euˬ aˬ da neh ka tuˇ taˬ yaꞈ-euˬ tahˬ pahˬ aˬ ma mawˇ kawˇ-ahˇ, aˬ yawꞈ gʼeu coˬ-euˬ meh.

2 Laˬsaˬbaˬ 14:2

Aˬsaˬ-aˬ, yaw tsaˬ yaw dawˇ jeˬ hawˇ-eu yaw muiˬ jeˬ mˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma tsaˬ ni dehꞈ-euˬ meh.

2 Laˬsaˬbaˬ 25:14

Eˬdoˬ tsawˇ haˬ-ahˇ Aˬmaˬziˇ deuˆ gʼaˬ-awˇ gʼoꞈ laˇ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ aˬ yawꞈ yuˇ kʼoꞈ laꞈ-euˬ meh. Tahˬ pahˬ aˬ ma mawˇ kawˇ kʼoeˇ deuˬ-ahˇ aˬ yawꞈ ka tuˇ-awˇ, uˬ duˬ tahˬ-eu laꞈ kʼoeˇ, yaw saw jeˬ doꞈ-awˇ damˬ nehˬ-euˬ meh.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 33:9

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, aˬ yawꞈ neh teh dzeh nehˬ-euˬ kʼoeˇ gaˇ jawˇ-eu tsawˇ oeˇ deuˬ neh mˇ-euˬ iˬ baˇ naˆ maˬ tseˇ huiˬ dzehˬ-eu iˬ baˇ-ahˇ, Yuˇdaˆ miˇ kʼahˬ zaˬ deuˬ mˇ ni Maˬnaˇseˬ sheuˬ gʼeh-euˬ meh.

Jaceuq 101:3

Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Doˆ-iˇ 23:13

“Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼaˇ ehˇ nehˬ-eu jeˬ-ahˇ, naw maꞈ naˇ haˬ geuꞈ-awˬ. Miˬyehˇ nui gʼaˬ-ahˇ naw maꞈ uˬ duˬ maˬ ya tahˬ shaˇ-a. Aˬ yawꞈ-euˬ tsawˇ myahˇ-ahˇ tehꞈ-ehˇ kʼawꞈ maˬ ya kuˇ-a.

Doˆ-iˇ 23:32

Aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ miˬ yehˇ-ahˇ maˬ ehˇ, saˇ jaˇ taˬ dzaˬ.

Doˆ-iˇ 23:33

Tsawˇ haˬ kʼoeˇ deuˬ-ahˇ, naw maꞈ-euˬ miˇ kʼahˬ laꞈ kʼoeˇ taˬ bi jawˇ. Aˬ yawꞈ maꞈ-ahˇ bi jawˇ naˇ, naw maꞈ-ahˇ mˇ bahˬ ni aˬ yawꞈ maꞈ jahˇ tehꞈ-a. Aˬ yawꞈ maꞈ-euˬ miˬ yehˇ deuˬ-ahˇ naw maꞈ uˬ duˬ tahˬ naˇ, shiˇ-eu lahˇ ju-ahˇ naw maꞈ paꞈ leˇ tehꞈ-a.”

Doˆ-iˇ 32:20

Aˬ yawꞈ maꞈ neh jahˇ taˬ-euˬ mawˇ neˇ mawˇ kawˇ kʼoeˇ aˬ yawꞈ yuˇ-awˇ, miˬ dzaˬ-ahˇ puiˆ guiˇ-euˬ meh. Kʼoeˇ naˇ, lehˬ meuˇ lehˬ loeˇ jiˇ-awˇ, iˇ cuꞈ laꞈ kʼoeˇ byaˆ ahˇ-awˇ, Iˇsaˬleˬlaˆ tsawˇ haˬ deuˬ-ahˇ, iˇ cuꞈ kʼoeˇ bi dawˇ-euˬ meh.

Yeˬsaˬgeˬlaˇ 16:47

Aˬ yawꞈ maꞈ-euˬ kuiˇ toꞈ-ahˇ nawˇ caw teh-awˇ, aˬ yawꞈ maꞈ loꞈ-ehˇ ya dehꞈ jawꞈ naˇ, nawˇ nui kʼahˇ shiˇ ma loˇ. Kʼoeˇ naˆ tehꞈ maˬ ngeuˇ-a siˬ. Tiˬ kʼehˇ laˇ kʼehˬ laꞈ kʼoeˇ nawˬ neh kʼaˇ mˇ kʼaˇ shaˇ-euˬ yawˬ jeˬ na luꞈ laꞈ kʼoeˇ, aˬ yawꞈ nyaꞈ naˆ maˬ tseˇ nawˇ dehꞈ doeˇ dui dui-euˬ meh.

Hawˇseˬ 10:2

Nui ma yaw gʼoꞈ ahˇ-eu aˇ poeˬ, nymˬ-mˇ paˇ ya daˬ poˆ tehꞈ-a. Aˬ yawꞈ maꞈ-euˬ lawˇ duˬ kʼoeˇ deuˬ, Miˬyehˇ laˆ kʼehˬ laˆ kʼoeˆ nehˬ-awˇ, muiˬ-eu shawˇ-eu kʼawˇ zeuˇ kʼoeˇ deuˬ, laˆ piˬ laˆ byoˆ jiˇ nehˬ tehꞈ-a.

Uˬ duˬ 18:3

Naw maꞈ jawˇ yaꞈ-euˬ Iˇjiˇtuˆ miˇ kʼahˬ-ahˇ jawˇ-eu tsawˇ haˬ deuˬ loꞈ-ehˇ taˬ gʼeh. Ngaˇ naw maꞈ-ahˇ bi jawˇ-eu lehˇ gʼeh-eu Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ loꞈ-ehˇ taˬ mˇ.

Uˬ duˬ 26:1

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Bawˇtsahˬ 25:2

Mawˇbaˆ miˬ yehˇ-ahˇ uˬ duˬ tahˬ-eu lawˇ-eu shehˇ-eu bawˬ-iˬ gʼeh gaˇ, zaˬ miˬ zaˬ kʼoeˇ deuˬ aˬ yawꞈ maꞈ-ahˇ sheuˬ gʼeh-euˬ meh. Iˇsaˬleˬlaˆ tsawˇ haˬ deuˬ aˬ cawˬ tsawˇ jeuˬ-euˬ dzaˇ dzaˬ-awˇ, aˬ cawˬ tsawˇ jeuˬ-euˬ miˬ yehˇ-ahˇ uˬ duˬ tahˬ-euˬ meh.

Bawˇtsahˬ 33:52

kʼoeˇ gaˇ jawˇ luꞈ-eu tsawˇ haˬ dawˬ tawˆ luꞈ-ahˇ ya teh doˆ-awˇ, aˬ yawꞈ maꞈ neh tehˆ taˬ-euˬ tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ uˬ duˬ tahˬ-eu jawˇ duˬ dawˬ tawˆ luꞈ ya laˆ cawˆ jiˇ meh.

Dawˬmehˬ 12:3

Aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ meuˇ laˆ loeˇ nehˬ jiˇ-awˬ. Aˬ yawꞈ maꞈ-euˬ Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ deuˆ coˬ dzeh-awˬ. Jawˇ duˬ kʼoeˇ deuˬ-ahˇ tiˬ jawˇ-iˬ uˬ duˬ maˬ paˇ ya tahˬ ni laˆ piˬ laˆ byoˆ nehˬ-awˬ.

Dawˬmehˬ 7:5

Kʼoeˇ miˇ neh, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ deuˬ kʼawꞈ laˆ cawˆ nehˬ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˬ.