Doˆ-iˇ 23:19 - Akha

¹⁹ “Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Doˆ-iˇ 23:19 ပူးပေါင်းရင်းမြစ်များ

Neˬhaˬmiˇ 10:35

Aˬ yawꞈ kʼoꞈ yawꞈ, keuˆ beh beh le-euˬ dzaˬ la gʼo cehˇ deuˬ hawˇ-eu awꞈ beh beh laˇ-euˬ aˇ siˬ aˇ lu deuˬ, Uˬ duˬ tahˬ nymˇ nymˇ ma-ahˇ nga maꞈ damˬ nehˬ leˇ ma.

Neˬhaˬmiˇ 10:36

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, dehꞈ beh beh le-euˬ nga maꞈ-euˬ aˬ li aˬ yuiꞈ deuˬ-ahˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ sheuˬ gʼeh-awˇ Miˬyehˇ-ahˇ a nehˬ ma. Gʼaw beh beh-euˬ mawˇ neˇ, yawˇ hawˇ-eu ciꞈ myehꞈ deuˬ kʼawꞈ, kʼoeˇ loꞈ-ehˇ a nehˬ ma.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 22:29

“Naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ deuˬ keuˆ le ngeh, ngaˬ-ahˇ ya lawˇ meh. “Dehꞈ beh deh le-euˬ naw maꞈ-euˬ aˬ li aˬ yuiꞈ deuˬ ngaˬ-ahˇ ya biꞈ laꞈ meh.

Doˆ-iˇ 34:26

“Yawˬ kʼoꞈ na luꞈ, keuˆ beh beh le-eu dzaˬ la gʼo cehˇ deuˬ, Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.”

Dawqdaq 12:10

Yaw tsaˬ yaw dawˇ tsawˇ haˬ-aˬ, yawˬ ha-euˬ jeˬ zaˬ-ahˇ ngeh gʼeh-awˇ, haiˬ-eu tsawˇ haˬ-aˬ, yawˬ ha-euˬ jeˬ zaˬ-ahˇ kʼehˬ-eu meh.

Dawqdaq 3:9

Nawˬ-euˬ nui ma gʼawˇ mawˇ hawˇ-eu keuˆ beh beh le-euˬ mˇ kaˇ shaˇ kaˇ damˬ nehˬ-eu laꞈ kʼoeˇ, Sahˬpaˬ Miˬyehˇ-ahˇ taˬ huiˬ taˬ mahˇ-awˬ.

Yeˬlaˬmiˇ 10:3

Tsawˇ jeuˬ kʼoeˇ deuˬ-euˬ uˬ duˬ tahˬ-eu zahˇ sahˇ kʼoꞈ, tiˬ jeˬ-iˬ gaˇ dahˇ maˬ tsoeˬ-a. Sahˬ kʼaˆ laꞈ kʼoeˇ dehꞈ-eu aˇ bawˇ tuˇ-awˇ, tawˆ zaˬ tawˆ jeˇ neh pyaꞈ doˆ seuˆ doˆ-awˇ,

Yeˬsaˬgeˬlaˇ 44:30

Keuˆ beh beh le-euˬ dzaˬ la gʼo cehˇ deuˬ hawˇ-eu, ngaˬ-ahˇ kʼaˇ damˬ laˇ-euˬ yawˬ jeˬ na luꞈ, piˇ ma deuˬ-ahˇ oꞈ-eu meh. Miˇ kʼahˬ zaˬ deuˬ kaˬ muˇ kʼaˇ jahˇ ngeh, jahˇ beh beh-euˬ kaˬ muˇ piˇ ma deuˬ-ahˇ ya damˬ nehˬ meh. Kʼoeˇ loꞈ-ehˇ jahˇ naˇ, aˬ yawꞈ maꞈ-euˬ nymˇ jiˇ kʼoeˇ taˆ ngaˇ guiˬ lahˬ biꞈ ma.

Yeˬsaˬgeˬlaˇ 48:13

Piˇ ma deuˬ-euˬ miˇ tsaˬ kʼoeˇ tsahˇ laꞈ oˆ, Leˬbiˇ tsawˇ haˬ deuˬ-ahˇ oꞈ-eu miˇ tsaˬ tiˬ tsahˇ ya bi jaˆ meh. Miˇ tsaˬ kʼoeˇ tsahˇ kʼawꞈ, nahˇ ma doˆ kʼehˬ ga kʼehˬ-ehˇ koꞈ heˇ nyiˬ yaˇ ngaˬ tseˇ lmˇ ya bi byah-awˇ, yaw jeˇ paw nyiˬ heˇ ngaˬ yaˇ lmˇ ya bi byah meh.

Yeˬsaˬgeˬlaˇ 48:14

Sahˬpaˬ Miˬyehˇ-ahˇ a nehˬ taˬ-euˬ miˇ tsaˬ kʼoeˇ tsahˇ-aˬ, miˇ kʼahˬ kʼoeˇ kʼahˬ laꞈ kʼoeˇ aˬ cawˬ taꞈ-ehˇ muiˬ dzehˬ-eu miˇ tsaˬ pyeuꞈ-awˇ, ahˬ-eu maˬ ehˇ, dehˬ paˇ geuꞈ-eu maˬ ehˇ, maˬ ya jahˇ-a. Kʼoeˇ-aˬ, muiˬ dui shawˇ dui dui-awˇ, Sahˬpaˬ Miˬyehˇ-ahˇ oꞈ-eu pehˇ tsahˇ meh.

Bawˇtsahˬ 15:21

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ neh jahˇ-euˬ kaˬ muˇ Sahˬpaˬ Miˬyehˇ-ahˇ aˬ myah luꞈ kʼoeˇ loꞈ-ehˇ ya lawˇ meh.

1 Gawˇliˬtu 15:20

Ehˇ kʼawꞈ, maˇ maˇ ni ehˇ naˇ, Ka li-ahˇ aˬ diˇ aˬ maˇ bi gʼoꞈ dehꞈ laˇ-euˬ meh. Aˬ yawꞈ-ahˇ bi gʼoꞈ dehꞈ laˇ-euˬ kʼoeˇ-aˬ, shiˇ dzeuˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ yaw duˬ yaw ciˇ bi baw laˇ-euˬ meh.

Dawˬmehˬ 14:21

“Aˬ yawˇ yawꞈ shiˇ-euˬ jeˬ zaˬ deuˬ naw maꞈ maˬ dzaˬ kʼmˬ-a. Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ bi dzaˬ nya meh. Maˬ ngeuˇ naˇ, boeˇ miˬ siˬ kʼaˬ nui deuˬ-ahˇ ahˬ nehˬ nya meh. Ehˇ kʼawꞈ, naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taꞈ-awˇ, aˬ yawꞈ-euˬ tsawˇ jeuˬ pyeuꞈ-eu meh. “Yawˇ zaˬ hawˇ-eu ciꞈ myehꞈ ciꞈ zaˬ-ahˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.

Dawˬmehˬ 26:10

Kʼoeˇ miˇ neh, Sahˬpaˬ Miˬyehˇ neh ngaˬ-ahˇ biꞈ laꞈ-euˬ dzaˬ la gʼo cehˇ hawˇ-eu aˇ siˬ aˇ lu deuˬ laꞈ kʼoeˇ, keuˆ beh beh le-euˬ deuˬ aˬ yawꞈ jawˇ gaˇ ngaˇ yuˇ laꞈ-euˬ ma’ lehˇ, nawˇ ya ehˇ meh. “Kʼoeˇ naˇ, Sahˬpaˬ Miˬyehˇ mehˬ shi kʼaˆ puˬ ciˬ taˬ-awˇ uˬ duˬ ya tahˬ meh.

Dawˬmehˬ 26:2

naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.