Doˆ-iˇ 22:8 - Akha

⁸ Ehˇ kʼawꞈ, smˇ kʼoeˬ maˬ nyehꞈ mi nya naˇ, pyuˇ shuiˇ myawˬ gahˬ jeˬ hmˬ nehˬ-euˬ gʼaˬ-ahˇ, uˬ duˬ tahˬ-eu jawˇ duˬ-ahˇ sheuˬ gʼeh-awˇ, aˬ cawˬ-euˬ myawˬ aˬ yawꞈ maˬ kʼoeˬ-aˬ lehˇ, kʼoeˇ gaˇ ya bi kamˬ meh.

Doˆ-iˇ 22:8 ပူးပေါင်းရင်းမြစ်များ

1 Sahˬpaˬ 8:31

“Tsawˇ haˬ tiˬ gʼaˬ aˬ cawˬ-ahˇ mˇ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ-eu gaˇ kawˆ bi kamˬ-eu gʼaˇ duˬ, Uˬ duˬ tahˬ nymˇ nymˇ ma-ahˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

1 Laˬsaˬbaˬ 23:4

Daˬbiˇ ehˇ-eu, “Tsawˇ haˬ heu deuˬ laꞈ kʼoeˇ, nyiˬ muiˇ oeˬ heˇ gʼaˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ gaˇ haw-eu pyaˆ-eu deuˬ geuꞈ-awˇ, koꞈ heˇ gʼaˬ-aˬ, jaˇ laˇ yuˇ-eu paw hawˇ-eu yaˇ kʼaˬ daˇ-eu paw gaˇ mˇ-awˬ.

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

Doˆ-iˇ 21:6

yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 22:9

“Mawˇ neˇ, mahˬ tahˬ laˆ, yawˇ, dm gʼaˬ dm lmˇ hawˇ-eu, nui jeˬ aˬ geu jeˬ maˬ kaˬ, byoˆ-iˇ-euˬ paˇ mawˇ kʼoꞈ ngeh, tsawˇ haˬ nyiˬ gʼaˬ yaw kaˬ yaw sahˇ tawˬ-awˇ tsawˇ pyehˇ pyehˇ-eu laꞈ kʼoeˇ, dawˬ ja doˆ laˇ naˇ, uˬ duˬ tahˬ-eu jawˇ duˬ-ahˇ aˬ yawꞈ nyaꞈ-ahˇ ya sheuˬ gʼeh-eu meh. Iˬ baˇ ahˇ-eu meh lehˇ Miˬyehˇ neh laꞈ noeˇ bi toeˬ-euˬ gʼaˬ-aˬ, yawˬ gʼaˬ yawˬ-ahˇ nyiˬ bymˇ paˇ ya tsoeˬ kʼoꞈ nehˬ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.