Doˆ-iˇ 22:31 - Akha

³¹ “Naw maꞈ-aˬ, ngaˬ-euˬ tsawˇ haˬ pyeuꞈ-eu miˇ neh, bawˇ tsahˬ jeˬ zaˬ yaw gʼeh deuˬ neh kawꞈ sehꞈ-euˬ jeˬ zaˬ shaˬ jiˇ maˬ ya dzaˬ-a. Shaˬ jiˇ kʼoeˇ deuˬ aˬ kuiˬ-ahˇ ya bi dzaˬ meh.

Doˆ-iˇ 22:31 ပူးပေါင်းရင်းမြစ်များ

Eˇzaˬlaˬ 9:2

Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ sheuˬ-eu laꞈ kʼoeˇ Miˬyehˇ-euˬ muiˬ-eu shawˇ-eu tsawˇ jeuˬ-ahˇ tsawˇ keuˬ bi keuˬ iˇ-euˬ meh. Aˬ yuiꞈ aˬ tsu deuˬ hawˇ-eu yaw huiˬ yaw mahˇ geuꞈ-eu deuˬ kʼoeˇ loꞈ-ehˇ mehˬ huˬ huˬ-awˇ mˇ-eu meh lehˇ ehˇ laˇ-euˬ meh.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Yeˬsaˬgeˬlaˇ 44:31

Aˇ jiˇ shaˬ jiˇ, aˬ yawˇ yawꞈ shiˇ-euˬ jeˬ zaˬ shaˬ jiˇ hawˇ-eu, jeˬ zaˬ cawˬ cawˬ laˆ sehꞈ-euˬ shaˬ jiˇ, piˇ ma deuˬ maˬ ya dzaˬ-a.”

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Uˬ duˬ 20:25

Kʼoeˇ miˇ neh, jeˬ zaˬ aˇ jiˇ deuˬ laꞈ kʼoeˇ, shawˇ-eu jeˬ hawˇ-eu maˬ shawˇ-eu jeˬ naw maꞈ ya tseˇ paˆ geuꞈ meh. Maˬ shawˇ-eu jeˬ zaˬ aˇ jiˇ deuˬ taˬ dzaˬ. Ngaˬ neh maˬ shawˇ-a lehˇ ehˇ tsehˆ taˬ-euˬ jeˬ-ahˇ naw maꞈ dzaˬ naˇ, naw maꞈ maˬ shawˇ-a.

Uˬ duˬ 22:8

Aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, aˬ yawꞈ maˬ ya dzaˬ-a. Kʼoeˇ loꞈ-ehˇ dzaˬ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni jahˇ gaˇ duˇ-eu meh. Ngaˇ-aˬ, Sahˬpaˬ Miˬyehˇ ma.

Uˬ duˬ 7:24

Aˬ yawˇ yawꞈ shiˇ-euˬ jeˬ zaˬ-euˬ tsiˇ maˬ ehˇ, bawˇ tsahˬ jeˬ zaˬ neh kawꞈ sehꞈ-euˬ jeˬ zaˬ-euˬ tsiˇ maˬ ehˇ, maˬ ya dzaˬ-a. Ehˇ kʼawꞈ, nui gaˇ zmˬ nya meh.

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Dawˬmehˬ 14:21

“Aˬ yawˇ yawꞈ shiˇ-euˬ jeˬ zaˬ deuˬ naw maꞈ maˬ dzaˬ kʼmˬ-a. Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ bi dzaˬ nya meh. Maˬ ngeuˇ naˇ, boeˇ miˬ siˬ kʼaˬ nui deuˬ-ahˇ ahˬ nehˬ nya meh. Ehˇ kʼawꞈ, naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taꞈ-awˇ, aˬ yawꞈ-euˬ tsawˇ jeuˬ pyeuꞈ-eu meh. “Yawˇ zaˬ hawˇ-eu ciꞈ myehꞈ ciꞈ zaˬ-ahˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.