Doˆ-iˇ 22:30 - Akha

³⁰ Dehꞈ beh beh le-euˬ naw maꞈ-euˬ mawˇ neˇ deuˬ hawˇ-eu yawˇ deuˬ, ngaˬ-ahˇ ya biꞈ laꞈ meh. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ deuˬ-ahˇ, shiꞈ nah keuˆ ni aˬ ma mawˇ nehˬ-ehˇ maˬ gʼawˬ-iˇ ni bi jawˇ-awˇ, yehꞈ nah tiˬ nah keuˆ laˇ naˇ, ngaˬ-ahˇ ya lawˇ meh.

Doˆ-iˇ 22:30 ပူးပေါင်းရင်းမြစ်များ

Doˆ-iˇ 13:12

dehꞈ beh beh le-euˬ aˬ li aˬ yuiꞈ deuˬ Sahˬpaˬ Miˬyehˇ-ahˇ naw maꞈ ya damˬ nehˬ tehꞈ-a. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ yawˬ mawˇ na luꞈ kʼawꞈ, Sahˬpaˬ Miˬyehˇ-euˬ pyeuꞈ-eu meh.

Yeˬsaˬgeˬlaˇ 4:14

Ehˇ kʼawꞈ, ngaˇ heu loꞈ-ehˇ ehˇ kʼoꞈ nehˬ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-euˬ gʼawˇ mawˇ maˬ muiˬ maˬ shawˇ-eu jeˬ ngaˇ tiˬ jawˇ-iˬ maˬ mˇ haw-aˬ. Nyiˇ ngeh neh, aˬ yawˇ yawꞈ shiˇ-euˬ jeˬ zaˬ hawˇ-eu, bawˇ tsahˬ jeˬ zaˬ neh bi laˆ sehꞈ-euˬ jeˬ zaˬ shaˬ jiˇ ngaˇ maˬ dzaˬ haw-aˬ. Maˬ muiˬ maˬ shawˇ-a lehˇ kʼaˇ ehˇ taˬ-euˬ dzaˇ tiˬ jeˬ-iˬ ngaˇ maˬ dzaˬ haw-aˬ.”

Uˬ duˬ 11:44

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma.

Uˬ duˬ 11:45

Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.

Uˬ duˬ 12:3

Yehꞈ nah tiˬ nah-ahˇ, aˬ li kʼoeˇ li-ahˇ baˆ kʼoˆ mehˬ dzaˬ ya yehꞈ nehˬ meh.

Uˬ duˬ 17:15

Iˇsaˬleˬlaˆ tsawˇ haˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ deuˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh. Kʼoeˇ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.

Uˬ duˬ 22:8

Aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, aˬ yawꞈ maˬ ya dzaˬ-a. Kʼoeˇ loꞈ-ehˇ dzaˬ naˇ, yawˬ haˇ yawˬ ha maˬ shawˇ-ehˇ pyeuꞈ-iˇ ni jahˇ gaˇ duˇ-eu meh. Ngaˇ-aˬ, Sahˬpaˬ Miˬyehˇ ma.

Uˬ duˬ 7:23

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Mawˇ neˇ tsiˇ, yawˇ-euˬ tsiˇ hawˇ-eu, ciꞈ myehꞈ-euˬ tsiˇ maˬ ya dzaˬ-a.

Uˬ duˬ 7:24

Aˬ yawˇ yawꞈ shiˇ-euˬ jeˬ zaˬ-euˬ tsiˇ maˬ ehˇ, bawˇ tsahˬ jeˬ zaˬ neh kawꞈ sehꞈ-euˬ jeˬ zaˬ-euˬ tsiˇ maˬ ehˇ, maˬ ya dzaˬ-a. Ehˇ kʼawꞈ, nui gaˇ zmˬ nya meh.

Uˬ duˬ 7:26

Iˇsaˬleˬlaˆ tsawˇ haˬ deuˬ aˬ geu gaˇ jawˇ keuˆ-eu maˬ kaˬ, aˇ jiˇ hawˇ-eu jeˬ zaˬ-euˬ shiˬ aˬ yawꞈ maꞈ maˬ ya jahˇ dzaˬ-a.

Dawˬmehˬ 14:21

“Aˬ yawˇ yawꞈ shiˇ-euˬ jeˬ zaˬ deuˬ naw maꞈ maˬ dzaˬ kʼmˬ-a. Naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ bi dzaˬ nya meh. Maˬ ngeuˇ naˇ, boeˇ miˬ siˬ kʼaˬ nui deuˬ-ahˇ ahˬ nehˬ nya meh. Ehˇ kʼawꞈ, naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taꞈ-awˇ, aˬ yawꞈ-euˬ tsawˇ jeuˬ pyeuꞈ-eu meh. “Yawˇ zaˬ hawˇ-eu ciꞈ myehꞈ ciꞈ zaˬ-ahˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.

Dawˬmehˬ 15:19

“Gʼaw beh beh-euˬ mawˇ neˇ mawˇ gaw zaˬ hawˇ-eu yawˇ aˬ buˬ zaˬ dawˬ tawˆ luꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ tseˇ doˆ taˬ-awˬ. Jeˬ zaˬ kʼoeˇ deuˬ-ahˇ maˬ ya kʼehˇ dzaˬ-a. Caꞈ hm kʼawꞈ, maˬ ya tehˬ geuꞈ-a.