Doˆ-iˇ 22:3 - Akha

³ “Ehˇ kʼawꞈ, nahˇ ma doˆ laˇ gʼaˬ-awˇ neh smˇ kʼoeˬ-ahˇ sehꞈ naˇ, sehꞈ-eu gʼaˬ kʼoeˇ taˆ iˬ baˇ jaˆ-eu meh. Aˬ jeˬ miˇ neh ehˇ naˇ, smˇ kʼoeˬ kʼoeˇ gʼaˬ aˬ yawꞈ neh kʼoeˬ-euˬ aˇ poeˬ tsoeˬ kʼoꞈ nehˬ tehꞈ-a.

Doˆ-iˇ 22:3 ပူးပေါင်းရင်းမြစ်များ

Aˇ dahˬ 44:10

Zaˬ kʼaˆ kʼoeˇ gʼaˬ paˇ ehˇ-eu, “Naw maꞈ neh ehˇ taˬ-euˬ loꞈ-ehˇ bi jaˆ-awˬ. Ehˇ kʼawꞈ kʼmˬ maˬ kʼoeˇ kʼmˬ yuˇ taˬ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ geuꞈ yaꞈ-awˇ, naw maꞈ-ahˇ tiˬ jeˬ-iˬ maˬ laˆ tsoeˬ ni bi gʼoꞈ leˇ jiˇ ma” lehˇ ehˇ-eu meh.

Doˆ-iˇ 21:2

Heˬbyehˇ tsawˇ haˬ zaˬ kʼaˆ tiˬ gʼaˬ nawˇ zeuˇ naˇ, zaˬ kʼaˆ kʼoeˇ gʼaˬ nawˬ-euˬ gʼaˇ duˬ gaˇ koꞈ kʼoꞈ ya mˇ tehꞈ-a. Shiꞈ kʼoꞈ keuˆ laˇ naˇ, zaˬ kʼaˆ kʼoeˇ gʼaˬ-ahˇ nawˇ tiˬ jeˬ-iˬ maˬ shaˇ ni, yawꞈ ngehꞈ-ehˇ ya pyehˬ kʼoꞈ nehˬ meh.

Doˆ-iˇ 21:34

ya tsoeˬ meh. Shiˇ-euˬ jeˬ zaˬ kʼoeˇ mawˇ aˬ yawꞈ ya geuꞈ-awˇ, jeˬ zaˬ yaw sahˇ gʼaˬ-ahˇ pyuˇ ya biꞈ meh.

Doˆ-iˇ 22:2

Smˇ kʼoeˬ tiˬ gʼaˬ, smˇ kʼoeˬ kʼoeˬ luꞈ gaˇ aˬ cawˬ mawˇ-awˇ bi sehꞈ naˇ, sehꞈ-eu gʼaˬ kʼoeˇ taˆ iˬ baˇ maˬ jaˆ-a.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Maꞈtehˬ 18:25

Zaˬ kʼaˆ kʼoeˇ gʼaˬ dziˇ dzoˆ maˬ tsoeˬ tsehˆ nya-a. Kʼoeˇ miˇ neh, aˬ yawꞈ-euˬ gʼawˇ mawˇ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ maˬ ehˇ, a yawꞈ kʼaˇ jaˆ-eu jeˬ dawˬ tawˆ luꞈ maˬ ehˇ, ahˬ dzeh jiˇ-awˇ, dziˇ dzoˆ bi tsoeˬ tsehˆ-eu gʼaˇ duˬ sahˬ paˬ neh dawˬ biꞈ-euˬ meh.

Yaˇ kʼaˬ daˇ 10:7

Kʼoeˇ miˇ neh Sahˬpaˬ Miˬyehˇ nui ma pehˇ laˇ-awˇ, Piˇliˇtiˆ tsawˇ haˬ hawˇ-eu Aˬmoˬ tsawˇ haˬ deuˬ-ahˇ, aˬ yawꞈ maꞈ kʼoeˇ taˆ bi gʼaˬ leˇ-awˇ, aˬ yawꞈ maꞈ-ahˇ bi uˆ lahˇ-euˬ meh.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.