Doˆ-iˇ 22:28 - Akha

²⁸ “Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 22:28 ပူးပေါင်းရင်းမြစ်များ

2 Saˬmeuˬlaˆ 16:5

Baˬhuˇleˬ meuˬ-ahˇ sahˬ paˬ Daˬbiˇ le keuˆ ngeh, Sawˇluˆ-euˬ aˬ yuiꞈ aˬ nyiˇ Geˬlaˬ-euˬ aˬ li Shiˇmiˇ gʼaˬ, aˬ yawꞈ-ahˇ yaˬ kʼehˇ yaˬ yaˬ-ehˇ, aˬ yawꞈ jawˇ gaˇ oe-euˬ meh.

2 Saˬmeuˬlaˆ 16:9

Zeˬluˇyaˆ-euˬ aˬ li Aˬbiˇshaiˇ ehˇ-eu, “Sahˬ paˬ-oˇ, aˬ jeˬ miˇ neh aˬ kuiˬ kuiˬ uˬ teu mawˇ nawˬ-ahˇ yaˬ kʼehˇ yaˬ yaˬ-ehˇ bi jawˇ te. Ngaˬ-ahˇ a kawˬ-aˬ biꞈ laꞈ-awˬ. Ngaˇ le-awˇ aˬ yawꞈ-euˬ uˬ duˬ coeˇ tsehˆ nehˬ leˇ la.”

2 Saˬmeuˬlaˆ 19:21

Zeˬluˇyaˆ-euˬ aˬ li Aˬbiˇshaiˇ ehˇ-eu, “Shiˇmiˇ-ahˇ sehꞈ-eu tsaˬ meh. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ sahˬ paˬ Miˬyehˇ neh tseˇ doˆ taˬ-euˬ gʼaˬ-ahˇ aˬ yawꞈ yaˬ kʼehˇ yaˬ-euˬ meh.”

1 Sahˬpaˬ 21:10

Tsawˇ haˬ yaw haiˬ tiˬ gʼaˬ nyiˬ gʼaˬ-ahˇ kʼehˇ-awˇ, Miˬyehˇ hawˇ-eu sahˬ paˬ aˬ nyaꞈ-ahˇ Naˬboˆ neh yaˬ kʼehˇ yaˬ-euˬ meh lehˇ jaˬ myawꞈ bi myawꞈ-awˬ. Kʼoeˇ naˇ, aˬ yawꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo biˬ sehꞈ-awˬ.”

Jaceuq 138:1

Sahˬpaˬ Miˬyehˇ-oˇ, ngaˬ-euˬ nui ma gʼawˇ mawˇ dawˬ tawˆ luꞈ, nawˬ-ahˇ ja ceuˬ-eu ma. Miˬ yehˇ nui deuˬ dawˬ tawˆ luꞈ mehˬ shi, nawˬ-ahˇ ngaˇ caˇ-awˇ ja ceuˬ-eu ma.

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Doˆ-iˇ 13:12

dehꞈ beh beh le-euˬ aˬ li aˬ yuiꞈ deuˬ Sahˬpaˬ Miˬyehˇ-ahˇ naw maꞈ ya damˬ nehˬ tehꞈ-a. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ yawˬ mawˇ na luꞈ kʼawꞈ, Sahˬpaˬ Miˬyehˇ-euˬ pyeuꞈ-eu meh.

Doˆ-iˇ 13:2

“Dehꞈ beh beh le-euˬ jeˬ dawˬ tawˆ luꞈ laꞈ kʼoeˇ, aˬ li deuˬ hawˇ-eu aˬ buˬ deuˬ ngaˬ-ahˇ ya damˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ laꞈ kʼoeˇ dehꞈ beh beh le-euˬ aˬ li hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ ngaˬ-ahˇ taꞈ-eu meh.”

Doˆ-iˇ 21:17

“Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Doˆ-iˇ 23:16

“Cehˇ yehˬ cehˇ diˬ dahˬ beh-eu yamˬ-ahˇ, Cehˇ laˆ luiˆ-eu Bawˬ-iˬ naw maꞈ ya gʼeh meh. “Aˬ gaꞈ hawˇ-eu aˇ siˬ aˇ lu keuˆ le-eu yamˬ pyeuꞈ-eu tsahˬ gaˆ yamˬ-ahˇ, aˇ siˬ aˇ lu pi ahˇ-eu Bawˬ-iˬ naw maꞈ ya jahˇ meh.

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Dawˬ tsoˆ 10:20

Ciˬ cuˇ ni sahˬ paˬ-ahˇ yaw doeˇ taˬ ehˇ kʼoeˬ. Yuꞈ zaˇ kuˆ lawˆ-ahˇ uˇ-awˇ smˇ muiˬ aˬ da-ahˇ taˬ ja doeˇ. Mˬ taˆ zaw-eu aˇ jiˇ neh bi tsaꞈ gaˬ-iˇ nmˬ-mˇ.

Uˬ duˬ 24:11

Iˇsaˬleˬlaˆ zaˬ miˬ zaˬ-euˬ aˬ li pyeuꞈ-eu tsawˇ haˬ kʼoeˇ gʼaˬ, Sahˬpaˬ Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Kʼoeˇ miˇ neh, tsawˇ haˬ kʼoeˇ gʼaˬ-ahˇ, Moˇseˬ jawˇ gaˇ aˬ yawꞈ maꞈ sheuˬ gʼeh-euˬ meh. (Aˬ yawꞈ-euˬ aˬ ma-aˬ, Daˬ aˇ jeuˬ Diˇbaˬliˇ-euˬ aˬ buˇ Sheˬloˇmiˇ pyeuꞈ-eu meh.)

Uˬ duˬ 24:15

Kʼoeˇ naˇ, Miˬyehˇ-ahˇ yaˬ kʼehˇ yaˬ-eu tsawˇ haˬ-aˬ, yawˬ ha-euˬ iˬ baˇ yawˬ ha ya pi meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 24:16

Kʼoeˇ loꞈ-ehˇ gʼeh-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Iˇsaˬleˬlaˆ tsawˇ haˬ maˬ kaˬ, Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, Sahˬpaˬ Miˬyehˇ-ahˇ yaˬ kʼehˇ yaˬ naˇ, tsawˇ haˬ aˇ maꞈ dawˬ tawˆ luꞈ uiˬ leˇ-awˇ, kʼaˬ lo biˬ sehꞈ gaˇ ya daˬ tehꞈ-a.

Gʼaˬkʼehˇ 23:3

Aˬ yawꞈ-ahˇ Pawˇluˆ ehˇ nehˬ-eu, “Lu boeˬ lehꞈ pyuˇ taˬ-euˬ kaˇ pyawˇ-oˇ, nawˇ-aˬ Miˬyehˇ neh bi diˬ-eu yaw duˬ baw meh. Zahˇ dawˬ kʼoꞈ dawˬ-ahˇ gʼoe-awˇ ngaˬ-ahˇ yaˇ kʼaˬ daˇ-eu lehˇ nawˇ teu gaˇ nuiˇ luꞈ-eu jeˬ maˇ-iˬ, aˬ jeˬ miˇ neh ngaˬ-ahˇ diˬ-awˬ lehˇ kʼehˇ-awˇ Zahˇ dawˬ kʼoꞈ dawˬ-ahˇ bahˬ-eu jeˬ mˇ te.”

Gʼaˬkʼehˇ 23:5

Pawˇluˆ ehˇ-eu, “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ yawꞈ Piˇ ma Yaw huiˬ gʼaˬ pyeuꞈ-eu ngaˇ maˬ siˬ nya-aˬ. ‘Nawˬ-euˬ tsawˇ jeuˬ-ahˇ uˆ lahˇ-eu gʼaˬ-ahˇ dawˬ yaw doeˇ taˬ ngehˬ’ lehˇ, Jaˇliꞈ laꞈ kʼoeˇ boꞈ taˬ-euˬ jaˆ-eu meh.”

1 Beˬtuˆluˆ 2:17

Yawˬ gʼaˬ na luꞈ-ahˇ yaw zeu baw-awˬ. Ka li-ahˇ jah-eu tsawˇ haˬ cawˬ cawˬ gaˬ-awˬ gʼoeˇ-awˬ. Miˬyehˇ-ahˇ taˬ huiˬ taˬ mahˇ-awˬ. Gehˇsaˬ sahˬ paˬ-ahˇ yaw zeu baw-awˬ.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.

Yuˇdaˆ 1:8

Kʼoeˇ gaˇ duˇ ni, tsawˇ haˬ heu deuˬ kʼawꞈ, yuꞈ maˆ maˆ mawˇ-eu laꞈ kʼoeˇ yawˬ ha-euˬ gʼawˇ mawˇ-ahˇ yawˬ ha iˬ baˇ mˇ-eu meh. Miˬyehˇ uˆ lahˇ-eu baoˬ-ahˇ aˬ yawꞈ maꞈ yehˬ bawˬ sehˇ lu-ehˇ gʼeh-awˇ, mˬ kʼoeˇ taˆ jawˇ-eu yaw shehꞈ kʼahˬ sehˇ huiˬ-eu deuˬ-ahˇ ngehˬ doeˇ ehˇ doeˇ-eu meh.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:6

Daˬbiˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-euˬ, “Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu ngaˬ-euˬ sahˬ paˬ-ahˇ ngaˇ maˬ ya laˆ tahˬ, maˬ ya laˆ naˇ ni, Sahˬpaˬ Miˬyehˇ ngaˬ-ahˇ haw piˇ luꞈ-uˇ. Aˬ yawꞈ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ kʼmˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh aˬ yawꞈ-ahˇ tsiˇ shehˆ daˆ-awˇ tseˇ doˆ taˬ-euˬ meh.”

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”