Doˆ-iˇ 22:25 - Akha

²⁵ “Shaˬ-eu zahˬ-eu tsawˇ haˬ deuˬ-ahˇ nawˇ pyuˇ paˇ nehˬ ngeh, jiˇ jeuˬ yuˇ dzaˬ-eu pyuˇ paˇ-eu tsawˇ haˬ deuˬ loꞈ-ehˇ taˬ jahˇ.

Doˆ-iˇ 22:25 ပူးပေါင်းရင်းမြစ်များ

2 Sahˬpaˬ 4:1

Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ taꞈ-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-euˬ miˬ coeˬ miˬ ma tiˬ gʼaˬ, Eˇliˇshehˇ jawˇ gaˇ le-awˇ ehˇ-eu, “Ngaˬ-euˬ kʼaˬ dzeˇ zaˬ shiˇ-euˬ meh. Nawˇ siˬ nya-eu loꞈ-ehˇ, aˬ yawꞈ Miˬyehˇ ehˇ dawˬ naˇ haˬ-euˬ tsawˇ haˬ tiˬ gʼaˬ meh. Ehˇ kʼawꞈ, ngaˬ-euˬ kʼaˬ dzeˇ zaˬ-ahˇ pyuˇ paˇ nehˬ taˬ-euˬ tsawˇ haˬ tiˬ gʼaˬ oe-awˇ, dziˇ dzoˆ kʼoeˇ aˇ poeˬ ngaˬ-euˬ aˬ li nyiˬ li-ahˇ sheuˬ kʼoꞈ gʼeh-awˇ, zaˬ kʼaˆ bi geuꞈ-eu lehˇ gʼeh-eu meh.”

2 Sahˬpaˬ 4:7

Miˬyehˇ gʼaˇ duˬ ngehˬ dah-eu Eˇliˇshehˇ jawˇ gaˇ aˬ yawꞈ le-awˇ, gaˇ kawˆ kʼoeˇ dzawˇ nehˬ-euˬ meh. Eˇliˇshehˇ ehˇ-eu, “Saˬ loˬ tsiˇ ahˬ-awˇ dziˇ dzoˆ tsoeˬ-awˬ. Dziˇ dzoˆ tsoeˬ jiˇ-eu uˬ taꞈ, nawˬ ha ma zaˬ dehꞈ daˆ leꞈ-eu gʼaˇ duˬ pyuˇ dzehˬ laˇ tehꞈ-a.”

Neˬhaˬmiˇ 5:7

Gaˇ kawˆ kʼoeˇ-ahˇ ngaˬ-euˬ nui ma laꞈ kʼoeˇ saˇ sawˇ haw-awˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ ngaˇ iˬ baˇ taˬ-awˇ, “Naw maꞈ, yawˬ ha tsawˇ jeuˬ kʼoeˇ taˆ kʼaˆ dzaˬ nga” lehˇ ehˇ nehˬ-euˬ ma. Gaˇ kawˆ kʼoeˇ hmˬ-ahˇ taꞈ leˇ-awˇ, tsawˇ haˬ dawˬ tawˆ luꞈ-ahˇ ngaˇ kuˇ uiˬ-eu laꞈ kʼoeˇ,

Jaceuq 15:5

aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Dawqdaq 28:8

Nawˇ aˬ cawˬ-ahˇ jiˇ jeuˬ sawˇ-awˇ, yawˬ ha-ahˇ taꞈ-eu jeˬ tehꞈ-ehˇ shaˇ noeˬ-eu miˇ neh, smˇ muiˬ smˇ baw pyeuꞈ laˇ-eu meh. Ehˇ kʼawꞈ ni, nawˇ kʼoeˇ loꞈ-ehˇ mˇ naˇ, nawˬ-euˬ pyuˇ shuiˇ myawˬ gahˬ kʼoeˇ deuˬ, shaˬ zaˬ zahˬ zaˬ-ahˇ gʼawˬ shaˬ gaˬ nya-eu tsawˇ haˬ tiˬ gʼaˬ-euˬ laꞈ-ahˇ ahˇ leˇ jiˇ tehꞈ-a.

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Yeˬsaˬgeˬlaˇ 18:13

Aˬ cawˬ-ahˇ pyuˇ paˇ nehˬ-awˇ jiˇ jeuˬ yuˇ dzaˬ-euˬ meh. Aˬ li kʼoeˇ gʼaˬ ya dehꞈ tehꞈ-a loˇ. Maˬ ya dehꞈ-a. Nui daˆ daˆ dui dui laˇ paˬ-ehˇ gʼeh-eu gaˇ heu deuˬ aˬ yawꞈ mˇ-euˬ miˇ neh, ya shiˇ tehꞈ-a. Aˬ yawꞈ ya shiˇ-eu kʼoeˇ aˬ cawˬ maˬ guˬ-a.

Yeˬsaˬgeˬlaˇ 18:17

Yaw haiˬ jeˬ aˬ yawꞈ maˬ mˇ-a. Pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ caw teh-awˇ, ngaˬ-euˬ dawˬ naˇ haˬ geuꞈ-eu meh. Aˬ yawꞈ aˬ da-euˬ iˬ baˇ baˬ da neh aˬ yawꞈ maˬ ya shiˇ-ehˇ maˇ maˇ ni ya dehꞈ tehꞈ-a.

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 18:8

Aˬ yawꞈ pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Yaw haiˬ jeˬ maˬ mˇ-ehˇ, dawˬ ja kʼaˇ doˆ laˇ ngeh dawˇ coe ni jahˇ tsehˆ nehˬ-eu meh.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aˬmoˆ 2:8

Uˬ duˬ tahˬ-eu jawˇ duˬ yawˬ tsahˇ na luꞈ-ahˇ, shaˬ-eu zahˬ-eu tsawˇ haˬ deuˬ pyuˇ shaˇ paˇ gaˇ biꞈ daˇ taˬ-euˬ dm gʼaˬ dm lmˇ deuˬ kʼawˬ-awˇ, aˬ yawꞈ maꞈ yuꞈ-euˬ meh. Aˬ yawꞈ maꞈ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ, aˬ yawꞈ maꞈ-ahˇ dziˇ dzoˆ daˆ-eu deuˬ jawˇ gaˇ yuˇ-euˬ aˬ gaꞈ dzaˇ uiˇ dawˇ-eu meh.

Maꞈtehˬ 25:27

Toˆ-ehˇ ngeuˇ-eu jeˬ maˇ-iˬ, ngaˬ-euˬ pyuˇ teu deuˬ yuˇ-awˇ, pyuˇ cehˇ jiˇ laꞈ kʼoeˇ nawˇ dawˆ ahˇ-iˇ law nmˇ-aˬ, ngaˇ gʼoꞈ keuˆ laˇ ngeh, ngaˬ-euˬ pyuˇ uˬ taꞈ jiˇ jeuˬ kʼawꞈ za kʼoꞈ tehꞈ-a.

Luˇkaꞈ 19:23

Toˆ-ehˇ ngeuˇ-eu maˇ-iˬ, aˬ jeˬ miˇ neh ngaˬ-euˬ pyuˇ-ahˇ pyuˇ cehˇ jiˇ laꞈ kʼoeˇ maˬ dawˆ ahˇ-iˇ teˬ. Dawˆ ahˇ-iˇ law nmˇ-aˬ, ngaˇ gʼoꞈ keuˆ laˇ ngeh, ngaˬ-euˬ pyuˇ uˬ taꞈ, jiˇ jeuˬ kʼawꞈ ngaˇ paˇ za tehꞈ-a.’

Dawˬmehˬ 15:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ jaˆ-eu meuˬ tiˬ meuˬ na laꞈ kʼoeˇ jawˇ-eu naw maꞈ tsawˇ jeuˬ Iˇsaˬleˬlaˆ tsawˇ haˬ tiˬ gʼaˬ na iˇ shaˬ shaˬ naˇ, yawˬ ha gʼaˇ duˬ tehꞈ-ehˇ shaˇ noeˬ-awˇ maˬ caw ba nehˬ ni taˬ jawˇ.

Dawˬmehˬ 24:13

Aˬ yawꞈ dm-awˇ yuꞈ-eu gʼaˇ duˬ, uˬ ciꞈ aˬ yawꞈ miˇ yawꞈ biꞈ kʼoꞈ nehˬ-awˬ. Kʼoeˇ loꞈ-ehˇ jahˇ naˇ, tsawˇ haˬ kʼoeˇ gʼaˬ nawˬ-ahˇ guiˬ lahˬ huiˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ kʼawꞈ, nawˬ-ahˇ nui ma tsaˬ tehꞈ-a.