Doˆ-iˇ 22:23 - Akha

²³ Naw maꞈ kʼoeˇ loꞈ-ehˇ gʼeh naˇ, aˬ yawꞈ maꞈ ngoeˇ-awˇ caw ba nehˬ laꞈ lehˇ ngaˬ-ahˇ shaˇ ngeh, aˬ yawꞈ maꞈ-euˬ shaˇ dawˬ-ahˇ ngaˇ aˬ diˇ aˬ maˇ naˇ haˬ ma.

Doˆ-iˇ 22:23 ပူးပေါင်းရင်းမြစ်များ

Yawˇbaˆ 34:28

Iˇ shaˬ zaˬ deuˬ Miˬyehˇ-ahˇ guˇ gaˇ keuˆ ni aˬ yawꞈ maꞈ kʼaˆ dzaˬ-awˇ, caw ba le-awˬ lehˇ iˇ shaˬ zaˬ deuˬ guˇ gaˇ Miˬyehˇ gaˬ-eu meh.

Yawˇbaˆ 35:9

Tsawˇ haˬ zaˬ aˬ cawˬ kʼehˬ gaˇ ya daˬ ngeh ngoeˇ-awˇ, ka kʼoꞈ nehˬ-eu tsawˇ haˬ-ahˇ poˆ-eu meh.

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Doˆ-iˇ 22:27

Aˬ jeˬ miˇ neh ehˇ naˇ, aˬ yawꞈ yaw gaˆ gaˆ ngeh dm-eu gʼaˇ duˬ, aˇ bui kʼoeˇ tiˬ kahˇ jaˆ-eu tehꞈ meh. Maˬ ngeuˇ naˇ, aˬ yawˬ aˬ joˆ-ehˇ yuꞈ nmˇ. Caw ba nehˬ laꞈ-awˬ lehˇ aˬ yawꞈ ngoeˇ-awˇ ngaˬ-ahˇ shaˇ ngeh, ngaˇ naˇ haˬ ma. Aˬ jeˬ miˇ neh ehˇ naˇ, ngaˇ-aˬ, gʼawˬ shaˬ gaˬ nya-eu nui ma ahˇ-eu ma.

Ngoeˇ dawˬ 5:3

Nga maꞈ aˬ da maˬ paˇ baw-ehˇ, aˬ ma miˬ coeˬ coeˬ jiˇ-euˬ meh.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Dawˬmehˬ 10:18

Muˇ coe aˬ nmˇ hawˇ-eu miˬ coeˬ miˬ ma deuˬ-ahˇ aˬ yawꞈ haw piˇ-eu meh. Aˬ dui nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ aˬ yawꞈ gaˬ-awˇ, dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ-eu meh.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 24:15

Aˬ yawꞈ nah yawꞈ nahˇ ma maˬ ga ahˇ mi naˆ-ehˇ, tiˬ nah mˇ-euˬ gʼaˬ gaˇ poeˬ ya biꞈ meh. Gʼaˬ gaˇ poeˬ kʼoeˇ aˬ yawꞈ loˬ dui dui-awˇ, kʼoeˇ za ni aˬ yawꞈ leh jeh-euˬ meh. Gʼaˬ gaˇ poeˬ maˬ biꞈ nehˬ-eu miˇ neh, Sahˬpaˬ Miˬyehˇ-ahˇ aˬ yawꞈ ngoeˇ gaˬ nehˬ naˇ, nawˬ-euˬ kʼoeˇ taˆ iˬ baˇ jaˆ-eu meh.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.