Doˆ-iˇ 22:17 - Akha

¹⁷ Ehˇ kʼawꞈ, aˬ da gʼaˬ, aˬ yawꞈ-euˬ aˬ buˇ miˬ daꞈ-ahˇ, tsawˇ haˬ kʼoeˇ gʼaˬ-ahˇ maˬ bi mˇ dzaˬ-iˇ mawꞈ naˇ, tsawˇ haˬ kʼoeˇ gʼaˬ, aˬ da gʼaˬ-ahˇ zahˇ shaˇ poeˬ ya biꞈ-eu meh.

Doˆ-iˇ 22:17 ပူးပေါင်းရင်းမြစ်များ

Aˇ dahˬ 23:16

Aˬbyaˬhaˬ-aˬ, tsawˇ haˬ kʼoeˇ myaˆ ni gʼeh-eu mehˬ shi Eˇpaˬloˬ neh ehˇ-euˬ aˇ poeˬ-ahˇ nui kʼahˇ shiˇ-awˇ, jeˬ gaꞈ jeˬ ka mˇ-eu kaˇ-ahˇ tsaˬ-eu pyuˇ maˇ byaˆ oeˬ yaˇ byaˆ gui nehˬ-euˬ meh.

Aˇ dahˬ 30:20

Kʼoeˇ ngeh, “Miˬyehˇ ngaˬ-ahˇ muiˬ-eu laꞈ sawˬ biꞈ laꞈ-euˬ nga. Nymˬ-mˇ poˆ jawˇ-aˬ, ngaˬ-euˬ kʼaˬ dzeˇ zaˬ ngaˬ-ahˇ ha geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ gʼaˇ duˬ ngaˇ aˬ li koꞈ li bi jawˇ le gʼaˬ-euˬ ma” lehˇ Leˇaˬ ehˇ-awˇ, aˬ li kʼoeˇ li-ahˇ Zeˬbuˬloˬ lehˇ myahˇ nehˬ-euˬ meh.

Aˇ dahˬ 34:12

Naw pehˬ-euˬ zaˬ miˬ heu gʼaˬ aˇ poeˬ, aˬ geu jeˬ aˇ myaˆ ni geuꞈ mawꞈ nya lehˇ ehˇ-awˬ. Zaˬ miˬ heu gʼaˬ ngaˬ-ahˇ bi mˇ dzaˬ laˇ naˇ, naw maꞈ kʼaˇ shaˇ-eu myaˆ ni ngaˇ biꞈ ma.”

Uˬ duˬ 20:6

“Nyiˇ paˬ shaˆ ma deuˬ-ahˇ laꞈ jeuˬ kʼaˇ shaˇ-eu tsawˇ haˬ deuˬ-ahˇ ngaˇ byehˇ dzeh-awˇ, ngaˬ-euˬ tsawˇ haˬ lehˇ maˬ paˇ sawˇ nehˬ ma.

Dawˬmehˬ 18:10

Yawˬ ha-euˬ aˬ buˇ aˬ li-ahˇ lawˇ duˬ kʼoeˇ taˆ dzah puiˆ-awˇ naw maꞈ maˬ ya lawˇ-a. Ja maw maw-eu maˬ ehˇ, mah loˬ loˬ-eu maˬ ehˇ, nyiˇ paˬ shiˇ-eu maˬ ehˇ, shiˇ dzeuˇ-euˬ tsawˇ haˬ-euˬ yaw sahˇ nehˬ-ehˇ mehˬ bawˬ mˇ-eu maˬ ehˇ, naw maꞈ-euˬ tsawˇ haˬ deuˬ maˬ ya bi jahˇ-a.

Dawˬmehˬ 22:29

Tsawˇ haˬ kʼoeˇ gʼaˬ zaˬ miˬ aˬ buˇ-euˬ aˬ da-ahˇ zaˬ miˬ laˬ poeˬ pyuˇ maˇ byaˆ ngaˬ tseˇ byaˆ ya biꞈ-awˇ, zaˬ miˬ aˬ buˇ kʼoeˇ gʼaˬ-ahˇ ya sheuˬ meh. Aˬ jeˬ miˇ neh ehˇ naˇ, zaˬ miˬ aˬ buˇ kʼoeˇ gʼaˬ-ahˇ aˬ yawꞈ yehˬ bawˬ sehˇ lu-ehˇ jahˇ nehˬ-euˬ meh. Zaˬ miˬ aˬ buˇ kʼoeˇ gʼaˬ-ahˇ maˬ shiˇ tiˬ ziˇ aˬ yawꞈ maˬ gʼawˬ-iˇ ni ya dahˬ dzaˬ meh.

1 Saˬmeuˬlaˆ 18:25

Kʼoeˇ ngeh, “Sahˬ paˬ-euˬ aˬ buˇ-ahˇ sheuˬ-euˬ aˇ poeˬ sahˬ paˬ nawˬ-ahˇ shaˇ mawꞈ-eu jeˬ-aˬ, aˬ yawꞈ-ahˇ muiˇ-eu Piˇliˇtiˆ tsawˇ haˬ deuˬ-ahˇ nawˇ laꞈ poˆ poˆ nehˬ-eu laꞈ kʼoeˇ, Piˇliˇtiˆ tsawˇ haˬ deuˬ-euˬ baˆ kʼoˆ mehˬ dzaˬ tiˬ yaˇ hmˬ yuˇ kʼoꞈ nehˬ laꞈ naˇ gʼaˬ meh lehˇ, Daˬbiˇ-ahˇ naw maꞈ ehˇ nehˬ-awˬ” lehˇ, aˬ yawꞈ maꞈ-ahˇ Sawˇluˆ ehˇ nehˬ-euˬ meh. Daˬbiˇ-ahˇ Piˇliˇtiˆ tsawˇ haˬ deuˬ neh bi sehꞈ ni, Sawˇluˆ kʼoeˇ loꞈ-ehˇ tsawˇ gahˇ gahˇ-euˬ meh.

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.